විජයකලා කළ වරද ඇමැති ධුරයෙන් ඉවත් වීමෙන් යටපත් වෙන්නෑ
මුදිතා දයානන්ද
විජයකලා මහේෂ්වරන් රාජ්‍ය අමාත්‍යවරිය කළ වරද ඇමැති ධුරයෙන් ඉවත්වීමෙන් යටපත් නොවන බැවින් අනිවාර්යයෙන්ම ඇයට එරෙහිව නීතිය ක‍්‍රීයාත්මක කළ යුතු බව එක්සත් ජනතා නිදහස් සන්ධාන පාර්ලිමේන්තු මන්ත‍්‍රී සිසිර ජයකොඩි මහතා අද (5) පැවසීය.
ජයකොඩි මහතා මේ බව සඳහන් කළේ බත්තරමුල්ල නෙලූම් මාවතේ ශ්‍රී ලංකා පොදුජන පෙරමුණේ කාර්යාලයේ දී පැවති මාධ්‍ය සාකච්ඡාවේදී අදහස් දක්වමින් වන ඔහු තවදුරටත් මෙසේද පැවසීය.
විජයකලා ඇමැතිවරිය කොටි නැවත බලයට ගෙන ආ යුතුයි කියල ප‍්‍රකාශයෙන් ආණ්ඩුක්රම ව්‍යවස්ථාවේ 157 ට අනුව බරපතල වරදක් සිදුකර තිබෙනවා. එය ඇමැති ධූරයෙන් ඉවත්වීමෙන් යටපත් කරන්න බැහැ. කථානායකවරයාට බලය තිබෙනවා ඇයට පාර්ලිමේන්තුව තහනම් කරන්න. ඒ වගේම ආණ්ඩුක්රම ව්‍යවස්ථාව උල්ලංඝණය කිරිම සම්බන්ධයෙන් ඇයට එරෙහිව නඩු පැවරිය යුතුයි.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
