(නිමල කොඩිතුවක්කු)
පොහොට්ටුවේ ජනාධිපති අපේක්ෂකයා හිටි හැටියේ අතුරුදන්ව ඇති බවත් සතියක් තිස්සේ ඔහු පිළිබඳ කිසිදු හා හූවක් නැති බවත් පාර්ලිමේන්තු මන්ත්රී හර්ෂණ රාජකරුණා මහතා පැවැසීය.
මූද හත් ගොව්ක් තියගෙන අමුඩ ගහගෙන සිටින ජනාධිපතිවරණ අපේක්ෂකයන්ගේ මැතිවරණ ප්රචාරක කටයුතු කරගන්න දෙයක් නැතිව ලත වෙමින් සිටින බවත් මන්ත්රීවරයා සඳහන් කළේය.
කොළඹ අරලියගහ මන්දිරයේ අද (30) පැවැති මාධ්ය හමුවකට එක් වෙමින් ඔහු මේ බව පැවසීය.
එහිදි වැඩිදුරටත් අදහස් දැක්වූ පාර්ලිමේන්තු මන්ත්රී හර්ෂණ රාජකරුණා මහතා මෙසේද කීය.
‘‘තවම ජනාධිපතිවරණයක් නිල වශයෙන් ප්රකාශයට පත් කළේ නැතත් සමහරක් පක්ෂ සහ සන්ධාන ජනාධිපති අපේක්ෂකයන් තෝරාගෙන තියෙනවා. දැන් අපේ අපේක්ෂකයා මේ රටම ඉල්ලන ජයග්රහණය කරන්න පුළුවන් අපේ අපේක්ෂකයා සුදුසු වෙලාවට අපි ඉදිරිපත් කරනවා.
පොහොට්ටුවේ ජනාධිපති අපෙක්ෂකයා දැන් කොහෙද ඉන්නවද කියලා දන්නෙත් නැහැ. පහුගිය සතියෙම කිසිම හා හූවක් නැහැ. මූද හත් ගොව්ක් තියගෙන අමුඩ ගහගෙන දැන් ජනාධිපතිවරණ අපේක්ෂකයන්ගේ මැතිවරණ ප්රචාරක කටයුතුවලට කරගන්න දෙයක් නැතිව ඉන්නවා.
දැන් ගෝඨාභය රාජපක්ෂ මහතා ආගමික මධ්යස්ථාන හොයනවලූ යන්න. රැස්වීම් හොයනවලූ යන්න. දැනටම ඔහුගේ ජනාධිපතිවරණ කැම්පේන් එක පහළටම වැටිලා තියෙනවා.
පොහොට්ටුවේ ජනාධිපති අපේක්ෂකයාගේ ද්විත්ව පුරවැසිභාවය ගැන කතා බහ තවම අවසන් වෙලා නැහැ. ඒ පිළිබඳ සැකය තවමත් තියෙනවා. ඊටත් වඩා ඇමරිකාවට තවම අයිතියක් තියෙනවා. ඒ පුද්ගලයාව අවශ්ය අවස්ථාවකදී කැඳවන්න. මේක භයානක තත්වයක්.
දැන් ගෝඨාභය රාජපක්ෂ ජනාධිපති අපේක්ෂකතුමා රටේ ජනාධිපති අපේක්ෂකයා නෙමෙයි. ඔහු රාජපක්ෂ පවුලේ අපේක්ෂකයායි. ගෝඨාභය රාජපක්ෂ මහතා මේ අපේක්ෂකත්වය ගැනීමට ද්විත්ව පුරවැසිභාවය අයින් කරගත්තලූ.
දැන් මෙතන තියෙන ගැටලූව තමයි කවුද මේ ඇමරිකන් පුරවැසිභාවය දුන්නේ කියන එක. ඇමරිකාව බලෙන් දුන්නද, අනේ එන්න මේ පුරවැසිභාවය ගන්න කියලා දුන්නද, මේ ඇමරිකන් පුරවැසිභාවය ගිහින් ඉල්ලූම් කරලා, සමුමුඛ සාකච්ඡා වලට ගිහින් බොහෝ දුක් විඳලා තමයි මේ ඇමෙරිකානු පුරවැසිභාවය අරගත්තේ. එහෙම ගත්ත අය දැන් ජාති ආළය ගැන කථා කරනවා. මේවා මොන විහිලූද.
නැවතත් ගෝත්රික යුගයට, පවුල් පාලනයට, මාධ්යවේදීන් ඝාතනය කරන, මාධ්ය ආයෙතන වලට බෝම්බ ගහන, සුදු වෑන් සංස්කෘතියක් ගෙන එන ඒ අදුරු යුගයට යන්න මේ රටේ ජනතාවගේ කැමැත්තක් නැහැ. ඉදිරි ජනාධිපතිවරණයේදී එක්සත් ජාතික පක්ෂය ප්රමුඛ එක්සත් ජාතික පෙරමුණ ඉදිරිපත් කරන මේ රටේ බහුතරයක් පිළිගන්න පුද්ගළයාව අපි අනිවාර්යෙන්ම රටේ ජනාධිපති බවට පත් කරනවා’’ යැයිද මන්ත්රීවරයා එහිදී පැවැසීය.
පාර්ලිමේන්තු කටයුතු කාරක සභාවේ විශේෂ රැස්වීමක් අද (26) දහවල් 11ට කැඳවන බව නියෝජ්ය කතානායක රාජපක්ෂ මහතා පාර්ලිමේන්තුවට නිවේදනය කළේය.
මාන්කුලම වසන්තනගර් හන්දියේදී අද (26) අලුයම ලොරි රථයක් සහ හමුදා ට්රක් රථයක් ගැටී සිදුවු අනතුරකින් යුද හමුදා සැරයන්වරයකු මිය ගොස් තවත් හමුදා සාමාජිකයන්
අධිකරණ නියෝගයකට අවනතව කටයුතු නොකර රාජ්ය නිලධාරීන්ට බාධා පමුණුවා, ඇමතිවරයකුගේ ලිපියක් පෙන්නමින් බලපෑම් කළේ යැයි රක්ෂිත බන්ධනාගාර ගතව සිටි ගුරු විද
හිටපු ජනාධිපති මෛත්රීපාල සිරිසේන මහතා පාස්කු ප්රහාරය සම්බන්ධයෙන් පාර්ලිමේන්තුවට අද ප්රකාශයක් කිරීමට නියමිතය.
වත්මන් ජනාධිපති රනිල් වික්රමසිංහ මහතා දේශපාලන කටයුතු සඳහා තරුණ සේවා සභාවේ දේපල යොදාගැනීම පිළිබඳ විමර්ශනයක් කරන ලෙස ඉල්ලා අල්ලස් හා දුෂණ කොමිෂන් සභ
යාපනය ප්රදේශයේ තරුණයන් හට අලෙවි කිරීම සදහා මත්පෙති සන්තකයේ තබාගෙන සිටි මහා පරිමාණ ජාවාරම් කරුවකු පොලිස් විශේෂ කාර්ය බලකායේ නිළධාරින් විසින් අත්අඩ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘පොහොට්ටුවේ අපේක්ෂකයා ගැන සතියක් කිසිදු හා හූවක් නෑ’