(නිමල කොඩිතුවක්කු)
කැබිනට් රැස්වීම් නොපැවැත්වීම පිළිබඳව ජනාධිපතිවරයා දිවයිනට පැමිණි පසු විමසීමට අපේක්ෂා කරන බව කෘෂිකර්ම, පශු සම්පත් සංවර්ධන, වාරිමාර්ග සහ ධීවර හා ජලජ සම්පත් සංවර්ධන අමාත්ය පී. හැරිසන් මහතා කොළඹදී පැවසීය.
පාස්කු ඉරිදා ප්රහාරයෙන් පසුව රටේ ආර්ථික, සංවර්ධන කටයුතු වෙනදටත් වඩා වේගයෙන් සිදුකරන බවත් පැවසූ අමාත්යවරයා ඒ පිළිබඳ විපක්ෂය නගන චෝදනා අද වනවිට පුස්සක් බවට පත්ව ඇතැයිද සඳහන් කළේය.
රජයේ ප්රවෘත්ති දෙපාර්තමේන්තු ශ්රවණාගාරයේ පැවති මාධ්ය හමුවකදී ඔහු මේ බව පැවැසීය.
එහි දී වැඩිදුරටත් අදහස් දැක්වූ කෘෂිකර්ම, පශු සම්පත් සංවර්ධන, වාරිමාර්ග සහ ධීවර හා ජලජ සම්පත් සංවර්ධන අමාත්ය පී හැරිසන් මහතා මෙසේ ද කීවේය.
‘‘දැන් කැබිනට් මණ්ඩලය රැස්වෙලා නැහැ, රජයේ කටයුතු සිදුවන්නේ නැහැ කියලා විවිධ කතා පැතිරෙමින් තිබෙනවා. කැබිනට් මණ්ඩලය රැස්වෙලා නැත්තේ එක සතියක් පමණයි. ඊළඟ සතිය ගැන තාම දන්නේ නැහැ. මාස ගණන් අවුරුදු ගණන් රැස් නොවී තිබුණේ නැහැ. මෙයට පෙරත් කැබිනට් මණ්ඩලය සතියක් දෙකක් රැස් වෙච්ච නැති අවස්ථා තිබෙනවා. ජනාධිපතිවරයා ලංකාවට ආවට පස්සේ අපි ඒ ගැන සාකච්ඡා කරනවා. ඒ අනුව ඊළඟ සතියේ ඉඳන් කැබිනට් රැස්වීම කැඳවීමට හැකිවෙතැයි කියා මා විශ්වාස කරවනවා.
අපි මේ වනවිට රටේ දියුණුව වෙනුවෙන් ආර්ථික සංවර්ධන කටයුතු රාශියක් ක්රියාත්මක කර තිබෙනවා. මා යටතේ ඇති කෘෂිකර්ම, වාරිමාර්ග සහ ධීවර ක්ෂේත්ර නගා සිටුවීමට මේ වනවිට විධිමත් වැඩපිළිවෙළක් ක්රියාත්මක කරගෙන යනවා. වෙන කිසිදු රජයකටත් වඩා අපේ රජය මේ ක්ෂේත්ර දියුණු කිරීමට පියවර ගෙන තිබෙනවා.
දැන් ජනාධිපතියි, අගමැතියි දිවයිනෙන් පිටත්ව ගොස් තිබෙනවා. මේ නිසා රටේ වැඩපිළිවෙළ ඇණ හිට ඇති බවටත් විවිධ අය චෝදනා නගනවා. එහෙම දෙයක් නැහැ. අගමැතිතුමයි ජනාධිපතිතුමයි පළවෙනි වතාවට නෙමෙයි රටින් පිටවෙලා ඉන්නේ. මීට කලිනුත් ඒ විදියට පිටවෙච්ච අවස්ථා තිබිලා තියෙනවා.
ඒ කටයුතු ආවරණය වන පරිදි අවශ්ය පතිකිරීම් කරලයි ඔවුන් ගියේ. අදාළ මැති ඇමතිවරුන් ඒ කටයුතු ආවරණය කරනවා. මෙයට අමතරව ජනාධිපති ලේකම්, අගමැති ලේකම් ඇතුළු ඒ නිලධාරීන්ට පරිපාලන තීන්දු තීරණ ගන්න බලය පැවරිලා තියෙනවා. මේ නිසා කිසිම ගැටලූවක් නැහැ.
ඉවත්වුණු මුස්ලිම් ඇමතිවරුන් වෙනුවට වැඩබලන අමාත්යවරුන් පත්කිරීම සම්බන්ධයෙන් කඹ ඇදිල්ලක් තියෙනවා කියලා වාර්තා වුණා. මේක ව්යවස්ථානුකූල ප්රශ්නයක්. ජනාධිපතිවරයාත් මේ ගැන වැඩිය හිතන්නේ නැතිව ඇති කියලා අපි විශ්වාස කරනවා.
මේ ඉල්ලා අස් වූ මැති ඇමතිවරුන්ට එල්ල වෙලා තියෙන පැමිණිලි හා චෝදනා මාසයක් ඇතුළත විමසලා අවසන් කරන්න තමයි තීන්දු කරලා තියෙන්නේ. ඒ සඳහා තව බොහොම කෙටි කාලයක් පමණයි තියෙන්නේ. ඒ පිළිබඳවත් අනාගතයේදී ජනාදිපතිවරයා සහ අග්රාමාත්යවරයා නිවැරදි කරාවි’’ යැයිද අමාත්යවරයා එහිදී පැවැසීය.
සංවිධානාත්මක අපරාධකරුවකු හා ප්රබල මත්ද්රව්ය ජාවාරම්කරුවකු බව කියන නඳුන් චින්තක වික්රමරත්න හෙවත් හරක් කටාට අවශ්ය කරන සියලු ඉල්ලීම් ලිඛිතව ත්
පොළොන්නරුව වැලිකන්ද සිංහපුර ප්රදේශයේ 26 වෙනිදා දහවල් 11 ට පමණ, ඉසඩ්. ඩී. ප්රධාන ඇලෙන් ගලා බසින කෙත් ඇළට වැටුණු අවුරුදු දෙකක පිරිමි දරුවෙකු කිලෝමීටර් දෙක
ඊශ්රායල හමුදා ප්රහාර හේතුවෙන් ගාසා තීරයේ ගොඩ ගැසුණු සුන්බුන් ඉවත් කිරීම සඳහා ට්රක් රථ 100ක් භාවිත කළහොත් ඒ සඳහා වසර 14 ක කාලයක් ගත වෙනු ඇතැයි එක්සත් ජා
පාස්කු ඉරු දින ප්රහාරය පිළිබඳ විවාදයේදී හිටපු ජනාධිපති මෛත්රිපාල සිරිසේන මහතා අදහස් දැක්වීමට නියමිතව තිබුණත් ඔහු කිසිදු අදහස් දැක්වීමක් නොකිරීම
කොළඹ වෛද්ය පීඨ ශිෂ්ය ක්රියාකාරී සංගමය වෛද්ය පීඨ ශිෂ්ය ශිෂ්යාවන් මුහුණදී සිටින ගැටලු සහ පෞද්ගලික වෛද්ය පීඨ ස්ථාපිත කිරීමට ආණ්ඩුව ගෙන යන වැඩපිළ
ඇමෙරිකා එක්සත් ජනපද කෘෂිකර්ම දෙපාර්තමේන්තුවේ (USDA) වෙළෙඳ සහ විදේශ කෘෂිකාර්මික කටයුතු පිළිබඳ උප ලේකම් ඇලෙක්සිස් ටේලර් (Alexis Taylor) මහත්මිය සහ ජනාධිපති රනිල් ව
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘කැබිනට් රැස්වීම නොපැවැත්වීම ගැන ජනපතිගෙන් විමසනවා’