(නිමල කොඩිතුවක්කු)
ඉදිරි මැතිවරණවලින් පසු විධායක ජනාධිපතිධූරය අහෝසි කර පාර්ලිමේන්තුව තවදුරටත් ශක්තිමත් කරමින් රටට අලුත් ව්යවස්ථාවක් ගෙන ඒමට කටයුතු කරන බව සංවර්ධන උපාය මාර්ග සහ ජාත්යන්තර වෙළෙඳ නියෝජ්ය අමාත්ය නලීන් බණ්ඩාර මහතා පැවැසීය.
රටටත් ජනතාවටත් හිතැති නව ව්යවස්ථාවක් තුළින් වඩාත් ප්රජාතන්ත්රවාදී රටක් නිර්මාණය කිරීම එක්සත් ජාතික පක්ෂයේ අරමුණ බවත් නියෝජ්ය අමාත්යවරයා සඳහන් කළේය.
කොළඹ අරලියගහ මන්දිරයේ දී අද (27) පැවැති මාධ්ය හමුවකට එක්වෙමින් ඔහු මේ බව පැවැසීය.
එහිදි වැඩිදුරටත් අදහස් දැක්වූ නියෝජ්ය අමාත්ය නලීන් බණ්ඩාර මහතා මෙසේ ද කීය.
‘‘ජනාධිපති මෛත්රීපාල සිරිසේන මහතා විසින් මරණ දඬුවම ක්රියාත්මක කරමින් මත්ද්රව්ය ජාවාරම්වලට සම්බන්ධ පුද්ගලයින් සිව් දෙනෙකුට මරණ දඩුවම ලබාදිමට එකඟතාවය පළ කරලා තියෙනවා. මම දන්නේ නැහැ ජනාධිපතිතුමා කුමන අරමුණකින් මරණ දඬුවම ක්රියාත්මක කරනවාද කියලා. නමුත් එක්සත් ජාතික පක්ෂය විදියට අපි මරණ දඬුවමට සම්පූර්ණයෙන්ම විරුද්ධයි.
විශේෂයෙන්ම මේ වන විට ලෝකයේ දියුණු රටවල මරණ දඬුවම ක්රියාත්මක වෙන්නේ නැහැ. වැරදිකරුවන්ට දඬුවම් ලබා දිය යුතුයි. මත්ද්රව්ය ජාවාරම්කරුවන්ට දඬුවම් ලබා දිය යුතුයි. නමුත් සමාජ සම්මතයන්ට අනුව අපි කටයුතු කළ යුතුයි.
19 සම්මත කරද්දි එවකට පාර්ලිමේන්තුවේ හිටපු එක මන්ත්රීවරයෙක් හැර සියලූ දෙනාම මේ සදහා තමන්ගේ අනුමැතිය පළ කළා.
අපි එවකට ශ්රී ලංකා නිදහස් පක්ෂයේ මහලේකම්වරයාව ජනාධිපති අපේක්ෂකයා බවට පත් කළේ මේ ඒකාධිපති බලතල අඩු කරන්නත් එතුමාගෙන් පසුව විධායක ජනාධිපති ධූරය අහෝසි කිරිමට අවශ්ය වටපිටාව නිර්මාණය කිරීමටයි.
අද වනවිට කවුරු හරි කියනවා නම් 19 හරියට දැක්කේ නැහැ දන්නේ නැතුව සම්මත වුණා කියලා ඒක තමන් තමන්වම හෑල්ලුවට ලක් කිරීමක් හැටියට මම දකිනවා. කවුරුහරි කියනවා නම් අපිව අන්දලා තමයි මේක ගෙනාවේ කියලා ඒ වගේ පුද්ගලයෙක් මේ රටේ කිසිදු තනතුරකට සුදුසු නැහැ කියන එක තමයි මට නම් කියන්න තියෙන්නේ.
මේ ව්යවස්ථාව තුළින් තව මාස කිහිපයක්වත් ජනාධිපතිතුමාව බලයේ තියාගන්නේ කියලා අපි දැක්කා පහුගිය ටිකේ දයාසිරි ජයසේකර මහතා එහෙම ගොඩාක් මහන්සි වෙනවා. මේ ප්රශ්නය තමයි මේ අයට අද තියෙන්නේ.
අපි පක්ෂයක් විදියට එක්සත් ජාතික පක්ෂය බලන්නේ 19න් එහා ගිහින් මේ ඉදිරි මැතිවරණ වලින් පස්සේ කොහොමද ජනාධිපතිධූරය අහෝසි කරන තැන දක්වා අරගෙන යන්නේ කියලා. ජනාධිපති ධූරය අහෝසි කරලා පාර්ලිමේන්තුව තවදුරටත් ශක්තිමත් කරමින් රටට අලුත් ව්යවස්ථාවක් ගෙන ඒමට අපි කටයුතු කරනවා.
පාස්කු ඉරිදා ප්රහාරයෙන් පසු රට යලි ස්ථාවර වෙමින් තිබෙනවා. රුපියල ශක්තිමත් වෙලා තියෙනවා. ආයෝජකයින් රටට පැමිණෙමින් තිබෙනවා. සංචාරක ව්යාපාරය ඉහළ නැංවීමේ අරමුණින් සංචාරක ආකර්ෂණය කිරිමේ වැඩපිළිළෙක් කඩිනම් කිරීමටත් අපි කටයුතු කරනවා’’යැයිද අමාත්යවරයා එහිදී පැවැසීය.
ජංගම ගිණුම් සහ ඉතිරි කිරීමේ ගිණුම් හරහා ඔන්ලයින් ගනුදෙනු කරන අයගේ ගිණුම් වලින් මුදල් අදින ජාවාරමක් දැනට සතියක පමණ සිට ක්රියාත්මක වෙමින් තිබෙන බව පො
මත්තල රාජපක්ෂ ජාත්යන්තර ගුවන්තොටුපළෙහි කළමනාකාරීත්වය රුසියා සහ ඉන්දියා සමාගම් දෙකකට බාරදීම සඳහා කැබිනට් අනුමැතිය ලබා දී ඇත.
බලශක්ති අංශය සඳහා නව නියාමන ආයතනයක් හඳුන්වා දීමට කැබිනට් අනුමැතිය ලැබී ඇත.
රටේ ඇතැම් ප්රදේශවලට බාල සහල් බෙදා දීමේ සිද්ධිය සම්බන්ධයෙන් පරීක්ෂණයක් පවත්වන්නැයි රජයෙන් ඉල්ලීමක් කරන බව විපක්ෂ නායක සජිත් ප්රේමදාස මහතා පාර්ලිම
පාර්ලිමේන්තු කටයුතු කාරක සභාවේ විශේෂ රැස්වීමක් අද (26) දහවල් 11ට කැඳවන බව නියෝජ්ය කතානායක රාජපක්ෂ මහතා පාර්ලිමේන්තුවට නිවේදනය කළේය.
මාන්කුලම වසන්තනගර් හන්දියේදී අද (26) අලුයම ලොරි රථයක් සහ හමුදා ට්රක් රථයක් ගැටී සිදුවු අනතුරකින් යුද හමුදා සැරයන්වරයකු මිය ගොස් තවත් හමුදා සාමාජිකයන්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘අලුත් ව්යවස්ථාවක් ගෙන එනවා’