(තිළිණි ද සිල්වා සහ රංජන් කටුගම්පොළ )
ශ්රී ලංකා රූපවාහිනී සංස්ථාව ජනාධිපතිවරයා යටතට ගෙන ඇති බවට ප්රකාශිත අති විශේෂ ගැසට් නිවේදනය බලශූන්ය කරන ලෙස ඉල්ලා ගොනු කර ඇති පෙත්සම සම්බන්ධයෙන් ජනාධිපති ලේකම්වරයාගේ උපදෙස් ලබා ගැනීමට ශ්රේෂ්ඨාධිකරණය අද (20) නීතිපතිවරයාට කල් ලබා දුන්නේය.
මෙම පෙත්සම බුවනෙක අළුවිහාරේ , මුර්දු ප්රනාන්දු සහ එස්.තුරෙයිරාජා යන මහත්ම මහත්මීන් ගෙන් සමන්විත ශ්රේෂ්ඨාධිකරණ විනිසුරු මඩුල්ලක් හමුවේ කැඳවිණි.
එහිදී නිතිපති වෙනුවෙන් පෙනී සිටි අතිරේක සොලිසිටර් ජනරාල් ඉන්දිකා දේමුණි ද සිල්වා මහත්මිය අධිකරණයට දන්වා සිටියේ මෙම පෙත්සම සම්බන්ධයෙන් ජනාධිපති ලේකම්වරයාගෙන් අවශ්ය උපදෙස් ලබා ගෙන කරුණු දැක්වීම සඳහා කල් ලබා දෙන ලෙසය.
දෙපාර්ශවයේ කරුණු සැළකිල්ලට ගත් ශ්රේෂ්ඨාධිකරණය පෙත්සම මේ මස 27 වැනිදා සළකා බැලීම කල් තැබිණි.
ජ්යෙෂ්ඨ කථිකාචාර්ය දඹර අමිල හිමි සහ මහාචාර්ය චන්ද්රගුප්ත තේනුවර මහතා ගොනු කර ඇති මෙම පෙත්සමේ වගඋත්තරකරු ලෙස නීතිපති නම් කරනු ලැබ ඇත.
විදානපතිරණ ඇසෝසියේට්ස් නීතීඥ සමාගම මඟින් ගොනු කර ඇති පෙත්සමේ මෙසේද සඳහන් වේ.
පසුගිය සැප්තැම්බර් 09 වැනි දින 2140/2 දරණ අති විශේෂ ගැසට් නිවේදනය මඟින් ජාතියේ සමගිය සහ යහපත් මාධ්ය සංස්කෘතියක් නිර්මාණය කිරීමේ අරමුණෙන් ශ්රී ලංකා රූපවාහිනී සංස්ථාව ආරක්ෂක අමාත්යවරයා හැටියට තමන් යටතට පත් කර ගන්නා බව ජනාධිපතිවරයා නිවේදනය කළේය.
19 වැනි සංශෝධනයේ 51 වැනි ප්රතිපාදනය අනුව ජනාධිපතිවරයා වෙත පැවරී ඇත්තේ ආරක්ෂාව සහ මහවැලි සංවර්ධන හා පරිසර විෂයන් පමණි.
ඒ අනුව මෙම ක්රියාව ව්යවස්ථාවට පටහැනිවේ.ශ්රී ලංකා රූපවාහිනී සංස්ථාව ජනමාධ්ය අමාත්යාංශය යටතේ තිබිය යුතු විෂයකි.
එබැවින් මෙම පෙත්සම විභාගයට ගැනීමට අවසර ලබා දෙන ලෙසද , තම මූලික අයිතිවාසිකම් කඩවී ඇති බව ප්රකාශ කරන ලෙසද , අදාළ ගැසට් නිවේදනය ක්රියාත්මක කිරීම වළක්වාලන අතුරු නියෝගයක් නිකුත් කරන ලෙසද , අදාළ ගැසට් නිවේදනය බලරහිත කරන නියෝගයක් නිකුත් කරන ලෙසද පෙත්සම්කරුවෝ සිය පෙත්සමින් ඉල්ලා සිටිති.
පාර්ලිමේන්තු කටයුතු කාරක සභාවේ විශේෂ රැස්වීමක් අද (26) දහවල් 11ට කැඳවන බව නියෝජ්ය කතානායක රාජපක්ෂ මහතා පාර්ලිමේන්තුවට නිවේදනය කළේය.
මාන්කුලම වසන්තනගර් හන්දියේදී අද (26) අලුයම ලොරි රථයක් සහ හමුදා ට්රක් රථයක් ගැටී සිදුවු අනතුරකින් යුද හමුදා සැරයන්වරයකු මිය ගොස් තවත් හමුදා සාමාජිකයන්
අධිකරණ නියෝගයකට අවනතව කටයුතු නොකර රාජ්ය නිලධාරීන්ට බාධා පමුණුවා, ඇමතිවරයකුගේ ලිපියක් පෙන්නමින් බලපෑම් කළේ යැයි රක්ෂිත බන්ධනාගාර ගතව සිටි ගුරු විද
හිටපු ජනාධිපති මෛත්රීපාල සිරිසේන මහතා පාස්කු ප්රහාරය සම්බන්ධයෙන් පාර්ලිමේන්තුවට අද ප්රකාශයක් කිරීමට නියමිතය.
වත්මන් ජනාධිපති රනිල් වික්රමසිංහ මහතා දේශපාලන කටයුතු සඳහා තරුණ සේවා සභාවේ දේපල යොදාගැනීම පිළිබඳ විමර්ශනයක් කරන ලෙස ඉල්ලා අල්ලස් හා දුෂණ කොමිෂන් සභ
යාපනය ප්රදේශයේ තරුණයන් හට අලෙවි කිරීම සදහා මත්පෙති සන්තකයේ තබාගෙන සිටි මහා පරිමාණ ජාවාරම් කරුවකු පොලිස් විශේෂ කාර්ය බලකායේ නිළධාරින් විසින් අත්අඩ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
රූපවාහිනීය පැවරීමේ ගැසට්ටුව ගැන උපදෙස් ගන්න නීතිපතිට කල්දෙයි