(පුෂ්පකුමාර මල්ලවආරච්චි, ඩබ්ලියු. හියුබට් ප්රනාන්දු සහ සීදූව එන්.ඒ නිශ්ශංක )
පාස්කු ඉරිදා ත්රස්ත්ර ප්රහාරය හේතුවෙන් විනාශයට පත් මීගමුව කටුවපිටිය ශූද්ධවූ සෙබස්තියන් මුනිදුන්ගේ දේවස්ථානය ප්රතිසංස්කරණය කිරීමෙන් පසු නැවත කැප කිරීමේ දිව්ය යාගය හා ප්රහාරයෙන් මියගිය පිරිස් වෙනුවෙන් දිව්ය පූජාව අගරදගුරු අතිඋතුම් මැල්කම් කාදිනල් රංජිත් හිමිපාණන්ගේ ප්රධාතත්වයෙන් අද ( 21 ) පෙරවරුවේ සිදු කෙරිණි.
පෙරවරු 8.00 ට කාදිනල්තුමන් සහායක රදගුරුතුමන්, පියතුමන් ඇතුලූ පිරිස ජනතාව මහත් හරසරින් යුතුව පිළිගෙන දේවතයින්ගේ පෙරහරින් නවීකරණය කෙරුණු දේවස්ථානයේ ඉදිරිපස මණ්ඩපය වෙත කැදවාගෙන එනු ලැබීමෙන් අනතුරුව කාදිනල්තුමන් ඇතුලූ පියතුමන්ලා දේවස්ථානයට වැඩම කරවීමෙන් පසු දිව්ය පූජාව ආරම්භ විය. කාදිනල්තුමන් හා සහායක රදගුරුහිමිවරුන් දිව්ය පූජාව පැවැත්වූහ.
විශාල ජනතාවක් දේවස්ථානය ඇතුළත හා පිටත දිව්ය පූජාව සදහා සහභාගිවීම සදහා එක්රොක්ව සිටි අතර පාස්කු ඉරිදා ප්රහාරයෙන් තුවාල ලැබූවන් මෙන්ම තවදුරටත් ප්රතිකාර ලබමින් පසුවන පිරිසක්ද මේ අතර වූහ. බෝම්බ ප්රහාරයට ලක්වූ එක් කාන්තාවක ගිලන් ඇදේ සිටියදීම දේවස්ථානයේ ප්රථම පූජාව සදහා කැදවාගෙන එනු ලැබ තිබීම විශේෂත්වයක් විය. දිව්ය පූජාව පැවැත්වෙද්දී ඊට සහභාගිව සිටි පිරිසි මියගිය තම ඥාතීන් සිහිපත් කරමින් කදුළු වගුරවනු ද දක්නට ලැබිණි.
ප්රතිසංස්කරණය කෙරුණු දෙව්මැදුර කැප කිරිම මෙම දිව්ය පූජාව අතරදී සිදුකෙරිනි. දිව්ය පූජාව අවසන්වීමෙන් පසු කාදිනල් මැල්කම් රංජිත් අගරදගුරුතුමන් හා නිවාස ඉදිකිරීම් හා සංස්කෘතික ඇමති සජිත් පේ්රමදාස මහතාගේ සහභාගිත්වයෙන් පාස්කු ඉරිදා ප්රහාරයෙන් මියගිය 263 දෙනා වෙනුවෙන් දේවස්ථාන භූමියේ ඉදි කරනු ලැබූ සිහිවටන එලකය විවෘත කරනු ලැබීය. සෙබස්තියන් දේවසථානයේ සිදුවූ ප්රහාරයෙන් මියගිය අයගේ නාමලේඛනය මෙම සිහිවටන ඵලකයේ ඇතුළත් කර ඇත.
කාදිනල් තුමන් ඇතුලූ පියතුමන්ලා, නිවාස ඉදිකිරීමේ හා සංස්කෘතික ඇමති සජිත් පේමදාස මහතා ඇතුලූ ආරාධිතයෝද මියගිය අයගේ ඥාතීහූ ද මල් කළඹ තබා පුෂ්පෝපහාර පවත්වනු ලැබූහ. අනතුරුව ස්මාරකය සමීපයේ ඉටි පහන් දැල්වනු ලැබීය.
දේවස්ථාන භූමියේ ඉදිකෙරෙන දහම් පාසල් ගොඩනැගිල්ලේ මුල්ගල ආසිරි ගැන්වීම හා මුල්ගල තැබීම අනතුරුව සිදුවිය. විපතට පත්වූ හා හානියට පත්වූ පවුල්වල සාමාජිකයන් ගේ දරුවන් 140 දෙනෙකුට ශීෂ්යත්ව ප්රදානය, විපතට පත් පවුල්වල ජීවන තත්ත්වය නගා සිටුවීමට සැලසුම්කර ඇති ස්වශක්ති මානව සංවර්ධන වැඩ සටහනේ ප්රතිලාභ ලබාදීමද මෙහිදි සිදුවිය.
අවසානයේ ත්රස්ත ප්රහාරයෙන් මියගිය පිරිසගේ දේහයන් තැන්පත් කළ සුසාන භූමියේ යාඥාවක්ද පැවැත්වීමෙන් කටයුතු අවසන් කෙරිණි.
පොලීසිය හමුදාව, ගුවන් හමුදාව ප්රදේශයේ ආරක්ෂක කටයුතු තර කර තිබූ අතර කටුවපිටිය මීසම් පාලක මංජුල නිරෝෂන් පියතුමා ඇතුල් පියතුමන්ලා කන්යා සොහොයුරියන් ගම්පහ දිසාපති සිනිලූ ජයලත් මහතා ප්රමුඛ රාජ්ය නිලධාරීන් ඇතුලූ විශාල පිරිසක් මේ අවස්ථාවට එක්ව සිටියහ.
(ජායාරූප පුෂ්පකුමාර මල්ලවආරච්චි)
සංවිධානාත්මක අපරාධකරුවකු හා ප්රබල මත්ද්රව්ය ජාවාරම්කරුවකු බව කියන නඳුන් චින්තක වික්රමරත්න හෙවත් හරක් කටාට අවශ්ය කරන සියලු ඉල්ලීම් ලිඛිතව ත්
පොළොන්නරුව වැලිකන්ද සිංහපුර ප්රදේශයේ 26 වෙනිදා දහවල් 11 ට පමණ, ඉසඩ්. ඩී. ප්රධාන ඇලෙන් ගලා බසින කෙත් ඇළට වැටුණු අවුරුදු දෙකක පිරිමි දරුවෙකු කිලෝමීටර් දෙක
ඊශ්රායල හමුදා ප්රහාර හේතුවෙන් ගාසා තීරයේ ගොඩ ගැසුණු සුන්බුන් ඉවත් කිරීම සඳහා ට්රක් රථ 100ක් භාවිත කළහොත් ඒ සඳහා වසර 14 ක කාලයක් ගත වෙනු ඇතැයි එක්සත් ජා
පාස්කු ඉරු දින ප්රහාරය පිළිබඳ විවාදයේදී හිටපු ජනාධිපති මෛත්රිපාල සිරිසේන මහතා අදහස් දැක්වීමට නියමිතව තිබුණත් ඔහු කිසිදු අදහස් දැක්වීමක් නොකිරීම
කොළඹ වෛද්ය පීඨ ශිෂ්ය ක්රියාකාරී සංගමය වෛද්ය පීඨ ශිෂ්ය ශිෂ්යාවන් මුහුණදී සිටින ගැටලු සහ පෞද්ගලික වෛද්ය පීඨ ස්ථාපිත කිරීමට ආණ්ඩුව ගෙන යන වැඩපිළ
ඇමෙරිකා එක්සත් ජනපද කෘෂිකර්ම දෙපාර්තමේන්තුවේ (USDA) වෙළෙඳ සහ විදේශ කෘෂිකාර්මික කටයුතු පිළිබඳ උප ලේකම් ඇලෙක්සිස් ටේලර් (Alexis Taylor) මහත්මිය සහ ජනාධිපති රනිල් ව
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ප්රහාරයෙන් පසු කටුවපිටිය දේවස්ථානයේ පළමු දේවමෙහෙය අද
Raveendra Sunday, 21 July 2019 11:35 AM
බලලොබය නමැති මිහරකාගේ අං තට්ටුව වෙනුවෙන් තම යුතුකම්, තම රාජකාරිය පහර හරිය මෙන්ම වචනයකින් හෝ මේ මහා පාපකර්මයට උදව්කල එම පාපතරයන්ට සාප වේවා!!! මෙම විපතේදී මිල කළ නොහැකි නැතිවුණු අපගේ සියලුම කිතුනු බැතිමතුන් හට නිවන්සුව අත්වේවා...!! තුවාල ලබා අනේක විද දුක්විදින සියල්ලෝටම ඉක්මන් සුවය අප හදවතින්ම ප්රර්ථනා කරන්නෙමු. " හරින් නමැති ආත්මාර්ථකාමී ඇමතියව " අප ඉතාම ඕනෑකමින් මතක් කරන්නෙමු . එමෙන්ම අප එම " ඇමතියාගේ " ආදරණිය මෑණියන්දාවද පියානන්ද ආදරයෙන් මතක් කරන්නෙමු.
Raveendra Sunday, 21 July 2019 12:33 PM
දහසක් පැතුම් හිතේ දරාගෙන ආ පිරිස...// නොසිතු ලෙසට හැරයන්නට උවා සියල්ලම..// ඒ දැක සිනහසුණු නොමිනිස් තිරිසනුන් හට ..// ලැබෙනවා දඩුවම අද හෙටටම යුක්තිය තිබෙනතුරු..//