IMG-LOGO

හිස්බුල්ලාගේ ප්‍රකාශයට දුමින්දගේ විරෝධය

(ඩයනා උදයංගනී)
            
හිටපු ආණ්ඩුකාර හිස්බුල්ලා මහතා කර ඇති ප‍්‍රකාශය නොකළයුතු ප‍්‍රකාශයක් යැයි ශ්‍රී ලංකා නිදහස් පක්‍ෂයේ ජාතික සංවිධායක, පාර්ලිමේන්තු මන්ත‍්‍රී දුමින්ද දිසානායක මහතා පැවසීය.

දේශපාලන වාසි බලාපොරොත්තුවෙන් රටේ ප‍්‍රශ්න අවුලුවන පිරිසක්ද සිටින බව කී දුමින්ද දිසානායක මහතා පාස්කු ඉරිදා ප‍්‍රහාරය ගැන සෙවීමේ පාර්ලිමේන්තු විශේෂ කාරක සභාව අගමැති රනිල් වික‍්‍රමසිංහ මහතා සහ විපක්‍ෂනායක මහින්ද රාජපක්‍ෂ මහතා එක්ව සැලසුම් කළ දෙයක්ද යන්න සැකසහිත බවද ප‍්‍රකාශ කළේය.

මෙම තේරීම් කාරක සභාව පත්කරන ලෙස ඉල්ලා පළමුව අත්සන් කර ඇත්තේ මහින්ද රාජපක්‍ෂ මහතාගේ පාර්ශවය නියෝජනය කරන සුසන්ත පුංචිනිලමේ මන්ත‍්‍රීවරයා විසින් බව ද ජාතික සංවිධායකවරයා කීවේය.

ජනාධිපතිවරයා හා අගමැතිවරයා ඇති ප‍්‍රශ්න විසඳානොගෙන කැබිනට් මණ්ඩලය නොපවත්වමින් ජනතාව පීඩාවට පත්කිරීම තමන් ද අනුමත නොකරන බව ද දුමින්ද දිසානායක මහතා සඳහන් කළේය.

දුමින්ද දිසානායක මහතා මේ බව පැවසුවේ කොළඹ, ඩාර්ලි පාරේ පිහිටි ශ්‍රී ලංකා නිදහස් පක්‍ෂ මූලස්ථානයේදී අද (13) පැවති එක්සත් ජනතා නිදහස් සන්ධානයේ මාධ්‍ය හමුවක් අමතමිනි.

දුමින්ද දිසානායක මහතා මෙසේ ද කියා සිටියේය.

‘‘අපේ හිටපු ආණ්ඩුකාරවරයෙක්, ඇමතිවරයෙක් මෙන්ම අපේ පක්‍ෂයේ සාමාජිකයෙක් වන එම්.එල්.ඒ.එම් හිස්බුල්ලා මහතා තමන් ලංකාවේ සුළු ජාතිය වුණත් ලෝකයේ මහ ජාතිය බවට ප‍්‍රකාශ කර තිබෙනවා. අපි එතුමාට ඉතා ආදරයෙන් කියන්නේ මෙවැනි අනවශ්‍ය දේ ප‍්‍රකාශ කර රට තුළ ප‍්‍රශ්න ඇති නොකරන ලෙසයි. ලෝකයේ මහ ජාතිය කවුරුන්ද යන්න මේ මොහොතේ අවශ්‍ය දෙයක් නෙවෙයි. අපි රට තුළ පවතින ප‍්‍රශ්න විසඳාගත යුතුයි. ඒ නිසා රට තුළ සමගියට හානි වන ආකාරයේ ප‍්‍රකාශ නොකරන ලෙස අපි එතුමාගෙන් ඉල්ලනවා. 

මුස්ලිම් ඇමතිවරුන් එක්ව තනතුරුවලින් අස්වීමෙනුත් රටට වැරදි පූර්වාදර්ශයක් ලබාදෙනවා. අපි මේ ප‍්‍රශ්නයේ මුලට නොගොස් කොනකින් අල්ලාගැනීම වැරදියි. සමහරු 8 දෙනෙකු කළ වරදට සමස්ත මුස්ලිම් ජාතියම අපහසුතාවට පත්කරන්නේ ඇයිදැයි අහනවා. ඔවුන්ගේ පල්ලි පරීක්‍ෂා කරන්න සිදුවුණේ, ඒවාට නිල සුනඛයින් රැගෙන යාමට ආරක්‍ෂක අංශවලට සිදුවුණේ සිංහල, දෙමළ ජනතාව හෝ ඒ ආරක්‍ෂක අංශ කළ වරදක් නිසා නොවෙයි. ඔවුන්ගේම ජාතියේ ඔවුන්ගේම ආගම අදහන කොටසක් කළ වරදක් නිසයි. දැන්වත් මේ දේ තේරුම් ගෙන ප‍්‍රශ්නය විසඳීමට ඉඩදිය යුතුයි’ යැයි ඒ මහතා පැවසීය.



අදහස් (1)

හිස්බුල්ලාගේ ප්‍රකාශයට දුමින්දගේ විරෝධය

Kriss Thursday, 13 June 2019 12:34 PM

මේ එළඹෙමින් තිබෙන්නේ දේශපාලන වීරයන් බිහිවීමේ කාලයයි. එහෙත් ඒවා කදිමට අධ්‍යක්ෂණය කල නාට්‍යයන් බව සමහර වෙලාවට ජනතාවට වැටහෙන්නේ නැත.

:       0       428

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 233 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 757 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1175 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site