(බිමල් ශ්‍යාමන් ජයසිංහ සහ ඉන්දිකා රාමනායක)

 
කොළඹ නුවර මාර්ගයේ කළගෙඩිහේන ප්‍රදේශයේ දී වෑන්රථ රියදුරකුට පහරදීමට පැමිණි ආරක්ෂකයින් සම්බන්ධයෙන් කොළඹ අපරාධ කොට්ඨාසය මගින් පරීක්ෂණ පවත්වන බව පොලිස් මාධ්‍ය ප්‍රකාශක කාර්යාලය පවසයි.
 
එම ප්‍රාඩෝ රථය සහ ඩිෆෙන්ඩර් රථය ප්‍රසිද්ධ ගණිත ගුරුවරයකුට සහ ඔහුගේ සහෝදරයකුට අයත් බව මූලික පරීක්ෂණවලදී අනාවරණය වී ඇතැයි පොලිසිය කියයි.
 
එම වාහන දෙක ඉංගිරියේ ගාල්ලේගම ප්‍රදේශයේ ලිපිනයකට ලියාපදිංචිව ඇතත් ඔවුන් දෙදෙනාම එම ලිපිනයේ පදිංචිව නොමැති බවත් කඩවත පදිංචිව සිටින බවත් ඉංගිරිය පොලිසිය කළ පරීක්ෂණවලදී හෙළි වී ඇත.
 
ඉකුත් 16 වැනි දින මෙම පහරදීම සිදුකර තිබූ අතර වෑන් රථ රියැදුරු පොලිස් හදිසි ඇමතුම් අංශයේ 119 දුරකථන අංශයට පැමිණිලි කර තිබේ.