(සුජිත් හේවාජූලිගේ සහ අංජුල මහීක වීරරත්න)

රන්ජන් රාමනායක මහතට මන්ත්‍රී ආසනය යළි ලබා දෙන්නැයි ඉල්ලමින් සමගි ජන බලවේගයේ මන්ත්‍රිවරුන්  අත්වල කළුපටි පැළඳ විරෝධතා පුවරු ප්‍රදර්ශනය කරමින්  දෙවැනි දිනයටත් උද්ඝෝෂණයේ යෙදීමත් සමග ඇති වූ උණුසුම්කාරි තත්ත්වය පාලනය කිරීම සඳහා කතානායක මහින්ද යාපා අබේවර්ධන මහතා විසින් මැතිසබේ කටයුතු විනාඩි දහයකට කල් තබනු ලැබීය.

මේ අවස්ථාවේ ආණඩු පක්ෂය හා විපක්ෂයේ මන්ත්‍රිවරුන් අතර උණුසුම් බහින්බස් වීමක් ද සිදුවනු දැකගත හැකිවිය.

සභාවට නොගැලපෙන‘‘බල්ලා,‘‘බූරුවා‘‘, ‘‘පිස්සා“, ‘‘මෝඩයා“,‘‘පරයා‘‘ යනාදිවූ වචනද එහිදී හුවමාරුවිය.

මේ අවස්ථවේ අදහස් දැක් වූ ෆීල්ඩ් මාර්ෂල් සරත් ෆෙන්සේකා මහතා කැලෑ උසාවියකින් එදා දඬුවම් දුන් අවස්ථාවේ මේ ඉදිරියේ සිටින එදා කතානායක තමාට මේ සභාවට පැමිණීමට ඉඩ නොදුන් බව පැවැසුවේය.

මෙහිදි වහා නැගී සිටි ඇමැති චමල් රාජපක්ෂ මහතා මේ සභාවට එදා ඔබට එන්න ඉඩ දුන්නේ මමයි‘‘ යනුවෙන් පැවැසු අතර මෙහිදී ෆොන්සේකා මහතා ගේ වචනයක් හේතුවෙන් අවේගශිලි වු රාජපක්ෂ මහතා ඔහුට නොසිරුප් වචන වැනිදැයින් බැණ වැඳුණේය.

සරත් ෆොන්සේකා මහතා ද ඒ අයුරින්ම ප්‍රතාචාර දැක්වීමත් සමග ආණ්ඩු පක්ෂයේ හා විපක්ෂයේ මන්ත්‍රිවරුන් අතර ඇති වූ බහින්බස් වීම් හේතුවෙන් සභාව එකම ගාලගෝට්ටියක් බවට පත්විය. ආණ්ඩු පක්ෂ මන්ත්‍රිවරු පිරිසක් මේ අවස්ථාවේදී චමල් රාජපක්ෂ මහතා වටකරගෙන පාලනය කරගත නොහැකි වීම නිසා කතානායකවරයා මේ අවස්ථවේදී සභාවේ කටයුතු විනාඩි දහයක් කල් තබනු ලැබීය.

කල් තැබුණු පාර්ලිමේන්තුව විනාඩි දහයකට පසුව කතානායකවරයාගේ ප්‍රධානත්වයෙන් යළි ආරම්භ වූ අතර න්‍යාය පත්‍රයේ අනෙකුත් කටයුතුවලට එහිදී සාමකාමී ආකාරයට යොමුවනු දැකගත හැකිවිය.


කල්තැබුණු  පාර්ලිමේන්තු සභාවාරය  විනාඩි  10 කට පසු යළි  ආරම්භ කළේය .


 ( සුජිත්හේවාජුලිගේ )

රංජන් රාමනායක මහතා   සම්බන්ධයෙන්  ඇති වූ උණුසුම් වාදයක්  හේතුවෙන් මැති සබය විනාඩි  පහකට කල් තැබීමට  අද (08) කතානායක මහින්ද යාපා අබේවර්ධන මහතා තීරණය කළේය .