(ඉන්දිකා රාමනායක)
මේජර් ජෙනරාල් ශවේන්ද්‍ර සිල්වා මහතා යුද හමුදාවේ 23 වැනි හමුදාපතිවරයා වශයෙන් ජනාධිපති මෛත්‍රීපාල සිරිසේන මහතා විසින් පත්කර ඇත.

හිටපු යුද හමුදාපති ලුතිනන් ජෙනරාල් මහේෂ් සේනානායක මහතාගේ ධූර කාලය ඊයේ (18) දිනයෙන් අවසන්වීම හේතුවෙන් ජනාධිපතිවරයා මෙම නව පත්වීම සිදුකර ඇත.

මේජර් ජෙනරාල් ශවේන්ද්‍ර සිල්වා මහතා මෙයට පෙර යුද හමුදා මාණ්ඩලික ප්‍රධානී වශයෙන් කටයුතු කරන ලදී.

වන්නි මානුෂීය මෙහෙයුමේදී 58 වන සේනාංකයට අණ දෙමින් ත්‍රස්තවාදයට එරෙහිව සුවිශේෂී මෙහෙවරක් ඉටු කළ දක්ෂ නිලධාරියකු වශයෙන් ශවේන්ද්‍ර සිල්වා මහතා පිදුම් ලබා තිබුණි.

ශවේන්ද්‍ර සිල්වා මහතා මාතලේ ශාන්ත තෝමස් විදුහලේ ආදි සිසුවෙකි.