අමු තේ දලු කිලෝවක මිල ශීඝ්ර ලෙස පහළ වැටීම හේතුවෙන් තමන් දැඩි දුෂ්කරතාවයකට පත්ව සිටින බව කුඩා තේවතු හිමියෝ මැසිවිලි නගති.
මීට මාස හයකට පමණ පෙර රුපියල් 100ක්ව පැවැති අමු තේ දලු කිලෝවක් මේ වනවිට රුපියල් 75 ත් රුපියල් 80 ත් අතර මිලකට අලෙවි වීම නිසා තවදුරටත් කර්මාන්තය පවත්වාගෙන යෑමේ අර්බුදයකට කුඩා තේ වතු හිමියන් මේ මුහුණදී සිටින බව සමස්ත ලංකා කුඩා තේ වතු සංවර්ධන හිමියන්ගේ සමිති සංවිධානයේ සභාපති කේ.එල්. ගුණරත්න මහතා ලංකාදීපයට ඊයේ (4) පැවැසීය.
කුඩා තේ වතු හිමියන් මෙරට තේ කර්මාන්තයට ඉහළ දායකත්වයක් සපයන බව කී සභාපතිවරයා රත්තපුර දිස්ත්රික්කයේ කුඩා තේ වතු හිමියන් වැඩිම පිරිසක් සිටින බවද සඳහන් කළේය.
එම පිරිස 92,000ක් පමණ වන බව කී සභාපතිවරයා මාතර දිස්ත්රික්කයේ කුඩා තේවතු හිමියන් 64759ක් ද, ගාල්ල දිස්ත්රික්කයේ කුඩා තේවතු හිමියන් 816991ක් ද, කළුතර දිස්ත්රික්කයේ කුඩා තේවතු හිමියන් 35,708ක් ද සිටින බව ද සඳහන් කළේය.
මේ වනවිට දිවයින පුරාම කුඩා තේ වතුහිමියන් ලක්ෂ පහකට ආසන්න පිරිසක් සිටින අතර මිලියන දෙකකට අධික සේවකයන් පිරිසක් ඉන් යැපෙන බවද ඔහු කීය.
සාමාන්යයෙන් තමන්ගේ වත්තෙන් එදිනෙදා ලැබෙන ආදායමෙන් කුඩා තේ වතු හිමියා ජීවත්වන බවත් ආදායම කඩාවැටීම හේතුවෙන් ඔවුන්ගේ එම ආදායම සම්පූර්ණයෙන්ම අහිමිව තිබෙන බවත් ඔහු කීය.
මේ හේතුවෙන් කුඩා තේ වතු හිමියන් බොහෝ දෙනෙකු මේ වනවිට තේ ඉඩම්වල කුරුඳු ඇතුළු වෙනත් බෝග වර්ග වගා කිරීමට පෙළඹී සිටින බැවින් තේ කර්මාන්තයේ අනාගතය සම්බන්ධයෙන් දැඩි අවදානමක් මතුව තිබෙන බවද කුඩා තේ වතු සංවර්ධන හිමියන්ගේ සමිති සංවිධානයේ සභාපතිවරයා කීය.
මේ සම්බන්ධයෙන් අදහස් දැක්වූ ශ්රී ලංකා තේ කර්මාන්ත ශාලා හිමියන්ගේ සංගමයේ සභාපති හරිත් රණසිංහ මහතා සඳහන් කර සිටියේ තේ කර්මාන්තයේ මතුව තිබෙන අර්බුද හේතුවෙන් දිවයින පුරා පිහිටි තේ කර්මාන්ත ශාලා 729 න් මේ වනවිට කර්මාන්ත ශාලා 15 ආසන්න ප්රමාණයක් වසාදමා තිබෙන බවය.
කර්මාන්ත ශාලා වසාදැමීම හේතුවෙන් සේවකයන්ගේ රැකියා සම්බන්ධයෙන්ද ප්රශ්නයක් මතුව තිබෙන බවද ඔහු කීය.
රුපියල් දහසකට අලෙවි වූ පහත රට නිමි තේ කිලෝවක් (තේ කුඩු) මේ වනවිට රුපියල් 600 දක්වා තිබෙන බවත් උඩරට තේ කිලෝවක මිල ඊටත් වඩා අඩුවී තිබෙන බවත් ඔහු සඳහන් කළේය.
මීට වසර හයකට පමණ පෙර බැංකු ණය ලබාගනිමින් බොහෝ තේ කර්මාන්ත ශාලා නවීකරණ කළ බවත් ඒ සඳහා සියයට 10 ක් වැනි අඩු පොලී මුදලක් ගෙවූ බවත් ඔහු කීය.
නමුත් මේ වනවිට සියයට 16 සිට - සියයට 28 අතර පොළී මුදලක් ගෙවීමට සිදුව තිබීම තේ කර්මාන්ත ශාලා හිමියන්ට අහිතකර ලෙස බලපා තිබෙන බවද ඔහු කීය.
මේ සම්බන්ධයෙන් සහනයක් ලබාගැනීම සඳහා මුදල් අමාත්යාංශය හා වැවිලි කර්මාන්ත අමාත්යාංශය සමඟ මේ වනවිට සාකච්ඡා කරමින් සිටින බවද ශ්රී ලංකා තේ කර්මාන්ත ශාලා හිමියන්ගේ සංගමයේ සභාපතිවරයා කීය.
ඊශ්රායල හමුදා ප්රහාර හේතුවෙන් ගාසා තීරයේ ගොඩ ගැසුණු සුන්බුන් ඉවත් කිරීම සඳහා ට්රක් රථ 100ක් භාවිත කළහොත් ඒ සඳහා වසර 14 ක කාලයක් ගත වෙනු ඇතැයි එක්සත් ජා
පාස්කු ඉරු දින ප්රහාරය පිළිබඳ විවාදයේදී හිටපු ජනාධිපති මෛත්රිපාල සිරිසේන මහතා අදහස් දැක්වීමට නියමිතව තිබුණත් ඔහු කිසිදු අදහස් දැක්වීමක් නොකිරීම
කොළඹ වෛද්ය පීඨ ශිෂ්ය ක්රියාකාරී සංගමය වෛද්ය පීඨ ශිෂ්ය ශිෂ්යාවන් මුහුණදී සිටින ගැටලු සහ පෞද්ගලික වෛද්ය පීඨ ස්ථාපිත කිරීමට ආණ්ඩුව ගෙන යන වැඩපිළ
ඇමෙරිකා එක්සත් ජනපද කෘෂිකර්ම දෙපාර්තමේන්තුවේ (USDA) වෙළෙඳ සහ විදේශ කෘෂිකාර්මික කටයුතු පිළිබඳ උප ලේකම් ඇලෙක්සිස් ටේලර් (Alexis Taylor) මහත්මිය සහ ජනාධිපති රනිල් ව
අධිකරණය මගින් අත්හිටුවා ඇති කෝටි ගණනක සිය දේපළ මුදාහැරීමේ නියෝගයක් නිකුත් කරන්නැයි මහා පරිමාණ මත්ද්රව්ය ජාවාරම්කාරයකු ලෙස ප්රකට සිරිනාථ පතිරණග
හිටපු ජනාධිපති මෛත්රිපාල සිරිසේන මහතා පාස්කු ඉරු දින ප්රහාරයට මේ රටේ පුරවැසියකු ගැන හෝ මේ රටේ පුරවැසියෙකුගේ සම්බන්ධතාවක් ගැන හෝ කිසිදු තොරතුරු
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
කුඩා තේ වතු හිමියෝ දුක් අඳෝනා නගති
චමින්ද Friday, 05 July 2019 11:41 AM
මමත් මැයි මාසේ දළු කිලෝ සියයක් පමණ දුන්නා මට නම් කීයක්වත් ලැබුනේ නැහැ. මේ පුවතින් කියනවා කිලෝ එකකට රුපියල් 75 ත් 80 ත් අතර මුදලක් ලැබෙන්නේ කියලා. 2015 ජනවාරියට පෙර නම් තිබුනේ රුපියල් 40 ත් 45 ත් අතර මිළක්.නමුත් කියන්න දෙයක් තියෙනවා. දළු මිළ රුපියල් සියයක් තරම් මිළක් වූ අවස්ථාවේ දළු නෙලීමට කිලෝ එකකට ගෙවන මුදල රුපියල් 30 ත් 35 ත් අතර වුනා. දැන් එය අඩු කරන්න බැරි නිසා වගාවන් අත්හරින්න තමා වෙන්නේ කියල