(ඩයනා උදයංගනී)
දිවයිනේ ස්ථාන කිහිපයක ඊයේ (21) සිදු වූ බෝම්බ පිපිරීම්වලින් මියගිය 290 දෙනාගෙන් 204 දෙනෙකුගේ සිරුරු පිළිබඳ මරණ පරීක්ෂණ අද (22) පස්වරුව වන විට අවසන් කෙරුණු බව සෞඛ්ය සේවා අධ්යක්ෂ ජනරාල්, විශේෂඥ වෛද්ය අනිල් ජාසිංහ මහතා පැවසීය.
කොළඹ ජාතික රෝහලෙහි තිබූ මළ සිරුරු 140 න් 89 ක්, මීගමුව දිස්ත්රික් මහ රෝහලෙහි තිබූ මළ සිරුරු 102 න් 92 ක්, මඩකළපුව ශික්ෂණ රෝහලෙහි තිබූ මළ සිරුරු 29 න් 23 ක් මෙලෙස පශ්චාත් මරණ පරීක්ෂණ කිරීමෙන් අනතුරුව අද ඥාතීන්ට බාරදුන් බවද සෞඛ්ය සේවා අධ්යක්ෂ ජනරාල්වරයා ප්රකාශ කළේය.
මහේස්ත්රාත්වරුන් සහ අධිකරණ විශේෂඥ වෛද්යවරුන් යටතේ මෙම පශ්චාත් මරණ පරික්ෂණ සිදු කළ බව ද අනිල් ජාසිංහ මහතා කියා සිටියේය.
කොළඹ ජාතික රෝහලේ තැන්පත් කර ඇති මළ සිරුරු 35 ක් සහ රාගම, උතුරු කොළඹ ශික්ෂණ රෝහලේ තැන්පත් කර ඇති මළසිරුරු 6ක් හඳුනාගැනීම සඟහා මෙතෙක් කිසිවෙකු නොපැණීම ගැටළුවක් බව ද සෞඛ්ය සේවා අධ්යක්ෂ ජනරාල්වරයා පැවසීය.
එමෙන්ම කොළඹ ජාතික රෝහලේ විදේශීය ජාතිකයින්ගේ මළ සිරුරු 20 ක් තිබෙන බව කී ජාසිංහ මහතා එම මළ සිරුරු පිළිබඳව විදේශ කටයුතු අමාත්යාංශය දැනුවත් කර තිබෙන බවත් තුවාල ලබා කොළඹ ජාතික රෝහලේ ප්රතිකාර ලබමින් සිටි විදේශකයින් 22 දෙනෙකු මේ වන විට ප්රතිකාර ලබා පිටව ගොස් ඇති බවත් කියා සිටියේය.
මීගමුව දිස්ත්රික් මහ රෝහලට ලැබී තිබූ මළසිරුරු 10 ක පශ්චාත් මරණ පරීක්ෂණ ඉදිරියේදී සිදු කිරීමට නියමිතව ඇති අතර මීගමුව දිස්ත්රික් මහ රෝහලේ එම මළ සිරුරු තැම්පත් කර තැබීම සඳහා ප්රමාණවත් තරම් ශීතාගාර පහසුකම් නොමැති වූවත්, සෞඛ්ය අමාත්යවරයාගේ මැදිහත්වීම මත ජංගම ශීතාගාර දෙකක් මීගමුව දිස්ත්රික් මහ රෝහල වෙත විට ලබා දුන් බවද සෞඛ්ය සේවා අධ්යක්ෂ ජනරාල්වරයා කීවේය.
බෝම්බ පිපිරීම්වලින් තුවාල ලැබූ රෝගීන් 480 ක් කොළඹ ජාතික රෝහල, මීගමුව දිස්ත්රික් මහ රෝහල, කොළඹ උතුර හා දකුණ මහ රෝහල්වල සහ මඩකළපුව මහ රෝහලේ තවමත් ප්රතිකාර ලබමින් සිටින බව ද හෙතෙම වැඩිදුරටත් සඳහන් කළේය.
ඉන් රෝගීන් 29 දෙනෙකු කොළඹ ජාතික රෝහලේ දැඩි සත්කාර ඒකකයේ ප්රතිකාර ලබමින් සිටින බව ද සාමාන්ය තුවාල ලැබූ රෝගීන් ප්රතිකාර ලබා නිවෙස් කරා පිටව ගොස් ඇතැයිද සෞඛ්ය සේවා අධ්යක්ෂ ජනරාල්වරයා ප්රකාශ කළේය.
සංවිධානාත්මක අපරාධකරුවකු හා ප්රබල මත්ද්රව්ය ජාවාරම්කරුවකු බව කියන නඳුන් චින්තක වික්රමරත්න හෙවත් හරක් කටාට අවශ්ය කරන සියලු ඉල්ලීම් ලිඛිතව ත්
පොළොන්නරුව වැලිකන්ද සිංහපුර ප්රදේශයේ 26 වෙනිදා දහවල් 11 ට පමණ, ඉසඩ්. ඩී. ප්රධාන ඇලෙන් ගලා බසින කෙත් ඇළට වැටුණු අවුරුදු දෙකක පිරිමි දරුවෙකු කිලෝමීටර් දෙක
ඊශ්රායල හමුදා ප්රහාර හේතුවෙන් ගාසා තීරයේ ගොඩ ගැසුණු සුන්බුන් ඉවත් කිරීම සඳහා ට්රක් රථ 100ක් භාවිත කළහොත් ඒ සඳහා වසර 14 ක කාලයක් ගත වෙනු ඇතැයි එක්සත් ජා
පාස්කු ඉරු දින ප්රහාරය පිළිබඳ විවාදයේදී හිටපු ජනාධිපති මෛත්රිපාල සිරිසේන මහතා අදහස් දැක්වීමට නියමිතව තිබුණත් ඔහු කිසිදු අදහස් දැක්වීමක් නොකිරීම
කොළඹ වෛද්ය පීඨ ශිෂ්ය ක්රියාකාරී සංගමය වෛද්ය පීඨ ශිෂ්ය ශිෂ්යාවන් මුහුණදී සිටින ගැටලු සහ පෞද්ගලික වෛද්ය පීඨ ස්ථාපිත කිරීමට ආණ්ඩුව ගෙන යන වැඩපිළ
ඇමෙරිකා එක්සත් ජනපද කෘෂිකර්ම දෙපාර්තමේන්තුවේ (USDA) වෙළෙඳ සහ විදේශ කෘෂිකාර්මික කටයුතු පිළිබඳ උප ලේකම් ඇලෙක්සිස් ටේලර් (Alexis Taylor) මහත්මිය සහ ජනාධිපති රනිල් ව
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘මළසිරුරු 204ක පරීක්ෂණ අවසන් - සිරුරු 41ක් හඳුනාගෙන නැහැ’