(තිළිණි ද සිල්වා සහ රංජන් කටුගම්පොළ)
තැන්පතුකරුවන්ගේ මුදල් ආපසු ගෙවීම පැහැර හැර ඇති ඊ.ටී.අයි මූල්ය සමාගමේ ව්යාපාර කටයුතු අත්හිටුවන ලෙස ශ්රී ලංකා මහ බැංකුව අද (30) ශ්රේෂ්ඨාධිකරණයෙන් ඉල්ලා සිටියේය.
අහිමි වූ සිය තැන්පතු මුදල් ආපසු ගෙවන ලෙසට ශ්රී ලංකා මහ බැංකුවට නියෝගයක් නිකුත් කරන්නැයි ඉල්ලා ඊ.ටී.අයි. තැන්පත්කරුවන් පිරිසක් විසින් ගොනුකළ මූලික අයිතිවාසිකම් පෙත්සමක් අද (30) ශ්රේෂ්ඨාධිකරණය හමුවේ කැඳවූ අවස්ථාවේදී ශ්රී ලංකා මහ බැංකුවේ මූල්ය නොවන ආයතන අංශය වෙනුවෙන් මෝසමක් ඉදිරිපත් කරමින් සොලිසිටර් ජනරාල් සංජය රාජරත්නම් මහතා මෙම ඉල්ලීම කළේය.
මෙම පෙත්සම අගවිනිසුරු ජයන්ත ජයසූරිය, එල්.ටී.බී දෙහිදෙණිය සහ එස්.තුරෙයිරාජා යන මහත්වරුන්ගෙන් සමන්විත ත්රිපුද්ගල ශ්රේෂ්ඨාධිකරණ විනිසුරු මඩුල්ල ඉදිරියෙහි කැඳවිණි.
එහිදී පෙත්සම්කාර ඊ.ටී.අයි තැන්පත්කරුවන්ගේ අයිතිවාසිකම් සුරැකීමේ ස්වාධීන සංගමය වෙනුවෙන් පෙනී සිටි ජනාධිපති නීතීඥ විජේදාස රාජපක්ෂ මහතා මහ බැංකුව කළ එම ඉල්ලීමට විරෝධය පළ කළේය.
පෙත්සම්කරුවන් වෙනුවෙන් පෙනී සිටි ජනාධිපති නීතිඥ විජයදාස රාජපක්ෂ මහතා අධිකරණ්ය හමුවේ කරුණු දක්වමින් කියා සිටියේ ඊ.ටී.අයි සමාගමේ කටයුතු පිළිබඳව සොයාබලන ජනාධිපති කොමිසම හමුවේ මේ දිනවල විවිධ ආන්දෝලනාත්මක කරුණු හෙළිදරව් වෙමින් පවතින හෙයින් එම තත්ත්වය වසන්කිරීම සඳහා ශ්රී ලංකා මහ බැංකුවේ නිලධාරීන් නීතිපතිවරයා හරහා මෙම මෝසම ඉදිරිපත් කර තිබෙන බවය.
ආයතනය තුළ සිදුවන අක්රමිකතා පිළිබඳව වසර ගණනාවක් නිහඬව බලා සිටි ශ්රී ලංකා මහ බැංකු නිලධාරීන් , අදාළ සමාගම අත්හිටුවීමට තැන්පත්කරුවන්ද ශ්රේෂ්ඨාධිකරණය හමුවේ එකඟ වූ බවට ඊ.ටී.අයි සමාගමේ කටයුතු පිළිබඳ සොයා බලන ජනාධිපති කොමිසම හමුවට ගොස් පෙන්වීම සඳහා නීතිපතිවරයා මාර්ගයෙන් මෙම මෝසම ඉදිරිපත් කර ඇති බවද ජනාධිපති නීතීඥ විජේදාස රාජපක්ෂ මහතා කියා සිටියේය.
ඊ.ටී.අයි සමාගමේ කටයුතු පිළිබඳව සොයා බලන ජනාධිපති කොමිසම හමුවේ වැදගත් කරුණු මේ වනවිට අනාවරණය වෙමින් පවතින බවත් , ඒවා යටපත් කිරීමේ අරමුණින් මෙම ඉල්ලීම මහ බැංකුව විසින් සිදු කරන බවද ජනාධිපති නීතීඥ විජේදාස රාජපක්ෂ මහතා කියා සිටියේය.
අදාළ මූල්ය සමාගම මහ බැංකුවේ අධීක්ෂණය යටතේ පැවති මූල්ය සමාගමක් බවත් , ඒ පිළිබඳව විශ්වාසයෙන් තැන්පතුකරුවන්ගේ මුදල් තැන්පත් කර ඇති බවත් , මහ බැංකුව සිය වගකීම නිසි පරිදි ඉටු නොකිරීම නිසා තැන්පතුකරුවන්ට මුදල් අහිමි වූ බවද ජනාධිපති නීතීඥවරයා අධිකරණයට වැඩිදුරටත් පෙන්වා දුන්නේය.
කෙසේ වුවද මහබැංකුව කළ මෙම ඉල්ලීම සම්බන්ධයෙන් මේ අවස්ථාවේදී නියෝගයක් නොකරන බව ශ්රේෂ්ඨාධිකරණ විනිසුරු මඩුල්ල සඳහන් කළේය.
ඒ අනුව පෙත්සම සලකා බැලීම සඳහා සැප්තැම්බර් මස 25 වැනිදා කැඳවීමට ශ්රේෂ්ඨාධිකරණය නියම කළේය.
ඊ.ටී.අයි සමාගම සතු වත්කම් අත්පත් කරගෙන මුදල් අහිමි වී සිටින තැන්පත්කරුවන්ගේ තැන්පත් මුදල් ආපසු ගෙවන වැඩපිළිවෙළක් සකස් කරන ලෙස ලෙස ශ්රී ලංකාව මහ බැංකුවට නියෝගයක් නිකුත් කරන්නැයි ඉල්ලා එම මුදල් අහිමි වූ තැන්පත්කරුවන්ගේ සංගමය විසින් මෙම පෙත්සම ඉදිරිපත් කරනු ලැබ ඇත.
බාල ඖෂධ ජාවාරම, ප්රමිතියෙන් තොර බෙහෙත් මිලදී ගැනීම, ඒවාට සම්බන්ධවූ පිරිස් සහ ඊට අදාල තවත් වැදගත් ආන්දෝලනාත්මක කරුණු ගණනාවක් හෙළිදරව් කෙරෙන පරිපූර්
බස්නාහිර, සබරගමුව, මධ්යම, දකුණ, වයඹ සහ ඌව පළාත්වලට පස්වරු 2.00 පමණ පසු වැසි හෝ ගිගුරුම් සහිත වැසි ඇති විය හැකි බව කාලගුණ විද්යා දෙපාර්තමේන්තුව කියයි.
සංවිධානාත්මක අපරාධකරුවකු හා ප්රබල මත්ද්රව්ය ජාවාරම්කරුවකු බව කියන නඳුන් චින්තක වික්රමරත්න හෙවත් හරක් කටාට අවශ්ය කරන සියලු ඉල්ලීම් ලිඛිතව ත්
පොළොන්නරුව වැලිකන්ද සිංහපුර ප්රදේශයේ 26 වෙනිදා දහවල් 11 ට පමණ, ඉසඩ්. ඩී. ප්රධාන ඇලෙන් ගලා බසින කෙත් ඇළට වැටුණු අවුරුදු දෙකක පිරිමි දරුවෙකු කිලෝමීටර් දෙක
ඊශ්රායල හමුදා ප්රහාර හේතුවෙන් ගාසා තීරයේ ගොඩ ගැසුණු සුන්බුන් ඉවත් කිරීම සඳහා ට්රක් රථ 100ක් භාවිත කළහොත් ඒ සඳහා වසර 14 ක කාලයක් ගත වෙනු ඇතැයි එක්සත් ජා
පාස්කු ඉරු දින ප්රහාරය පිළිබඳ විවාදයේදී හිටපු ජනාධිපති මෛත්රිපාල සිරිසේන මහතා අදහස් දැක්වීමට නියමිතව තිබුණත් ඔහු කිසිදු අදහස් දැක්වීමක් නොකිරීම
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඊ.ටී.අයි සමාගමේ ව්යාපාර කටයුතු අත්හිටුවන්නැයි ඉල්ලීමක්