කෙරෝනා වයිරස පොකුරක් වාර්තා වීමත් සමඟ හොංකොං හි සියලුම දේශසීමා විදේශිකයන් සඳහා වසා දැමීමට බලධාරීහු අද (02) කටයුතු කළහ.

සැප්තැම්බර් මැද භාගය වනතෙක් අටදෙනකුට වඩා රැස්වීම ද තහනම් කර තිබේ.

හොංකොං හි සෞඛ්‍ය ලේකම් සොෆියා චාන් පැවසුවේ කොරෝනා රෝගීන් 09 දෙනකුගෙන් යුත් නව පොකුරක් වාර්තා වී ඇති බවයි.

එම පොකුරේ පළමු ආසාදිතයා ලෙස හඳුනාගත් කාන්තාවට රෝගය වැළඳුනේ කෙසේද යන්න සොයාගැනීමට නොහැකි වී ඇතැයි ද ඔහු පවසයි. 

සීමා දීර්ඝ කිරීම හේතුවෙන් පසුගිය වසරේ ආරම්භ වූ රාජ්‍ය විරෝධී උද්ඝෝෂණවල සංවත්සර පා ගමනද පැවැත්වීමට නොහැකි වනු ඇතැයි පැවසේ.

ඒ සම්බන්දව අදහස් දක්වමින් හොංකොං නායක කැරී ලැම් පවසා ඇත්තේ සෞඛ්‍ය ක්‍රියාමාර්ග වලට දේශපාලන චේතනාවක් නොමැති බවයි.

හොංකොං හි කොරෝනා ආසාදිතයින් 1,094ක් වාර්තා වි ඇති අතර මරණ 4ක් සිදුවී තිබේ.

(රොයිටර් පුවත් ඇසුරිණි - 085)