(සිතුම් චතුරංග සහ රොමේෂ් මධුෂංක)

හිටපු උතුරු පළාත් සභා මන්ත්‍රී එම්.කේ.සිවාජිලිංගම් මහතා සහ සෙසු පුද්ගලයා රුපියල් ලක්ෂ දෙකක ශරිර ඇප දෙකක් මත මුදාහරින ලෙස යාපනය මහේස්ත්‍රාත් ඒ.එස්.පීටර් පොල්ඩ් මහතා අද (16) නියෝග කළේය.

යාපනය උරුම්පිරායි හි හිටපු එල්.ටි.ටි.ඊ නායක තිලීපන්ගේ සැමරුම් උත්සවයක් පැවැත්වීම සඳහා ඡායාරූප සහ පෝස්ටර රැගෙන යමින් සිටියදී හිටපු මන්ත්‍රීවරයා සහ ඔහු සමඟ ත්‍රීරෝද රථයේ ගමන්ගත් රියදුරු ද  කෝපායි පොලිසිය විසින් අත්අඩංගුවට ගනු ලැබීය.

හිටපු නායක තිලීපන්ගේ 33 වැනි ගුණ සමරු  වැඩසටහන් නොපවත්වන ලෙසට යාපනය මහේස්ත්‍රාත් අධිකරණය ලබාදී තිබූ තහනම්  නියෝග කඩ කරමින් කටයුතු කිරීම මත හා ජාතීන් අතර අසමගිය ඇතිවන වැකි සහිත බැනර් ප්‍රදර්ශනය හා අධිකරණ තහනම් නියෝග කඩකිරීම මත කෝපායි පොලිසිය විසින් මන්ත්‍රීවරයා අත්අඩංගුවට ගෙන අධිකරණයට ඉදිරිපත් කරනු ලැබීය.

නඩු විභාගය එළඹෙන 25 වැනිදා නැවත කැඳවීමට නියමිත ය. කෝපායි පොලිසිය වැඩිදුර විමර්ශන සිදුකරයි.

 

(ඡායාරූප - රොමේෂ් මධුෂංක)