( රවීන්ද්‍ර ප්‍රභාත් නෙත්තසිංහ )

ඇදිරි නීතිය අවස්ථාවේ රැස්ව බීමත්ව ගී ගයමින් සිටි පිරිසක් අත් අඩංගුවට ගත් බව වාරියපොල පොලිසිය කියයි.

පොලිසියට ලද තොරතුරක් මත අද (29) සවස වාරියපොල සියඹලාකැලේ ප්‍රදේශයේ දී පොලිසිය විසින් සිදුකල මෙම වැටලීමේදී පුද්ගලයින් තිදෙනෙකු අත් අඩංගුවට ගැනිණ.

විසි දෙනෙකු පමණ මෙම සාදයට එක්ව සිට ඇති අතර පොලිසිය එහි යන අවස්ථාවේ දී පිරිසක් පලාගොස් ඇත. 

එම අවස්ථාවේ දී පිරිස සාදයට යොදාගත් බෆල් කීපයක් ඇතුලු උපකරණ කිපයක්ද පොලිස් බාරයට ගෙන ඇත.

පිරිස ඉදිරි දිනයේදී  වාරියපොල මහේස්ත්‍රාත්වරයා වෙත ඉදිරිපත් කිරීමට නියමිතය.

පැනගිය පිරිස අත් අඩංගුවට ගැනීමට පොලිසිය පරික්ෂණ පවත්වයි.

වාරියපොල පොලිසියේ ස්ථානාධිපති ප්‍රධාන පොලිස් පරීක්ෂක නිලන්ත බණ්ඩාර මහතාගේ උපදෙස් මත පොලිස් පරීක්ෂක නිමල්, උප පොලිස් පරීක්ෂක කුමාරසිංහ ඇතුලු නිලධාරින් පිරිසක් වැටලීමට එක්වූහ.