(ජී.ඩබ්ලිව්.කේ. ප්‍රේමතිලක ද සිල්වා සහ සුමතිපාල දියගහගේ)

අහංගම, කතලුව කබලාන දුම්රිය හරස් මගේදී කොළඹ සිට මාතර බලා ගමන් ගත් සාගරිකා  දුම්රියේ ගැටී 22 හැවිරිදි තරුණයෙකු අද (22) දින රාත්‍රියේ මිය ගොස් ඇතැයි අහංගම පොලිසිය කියයි.

මෙම අනතුරින් මියගොස් ඇත්තේ ටිකිරි හැන්නදිගේ හේශාන් හර්ෂණ නැමැත්තෙකි. ඔහුගේ පියා ගාල්ල අධිකරණයේ නිතිඥවරයෙකි.

දුම්රිය ගමන් කරන විට මියගිය තැනැත්තා යතුරුපැදියකින් කබලාන පාරේ පැමිණ ඇති අතර දුම්රිය එම ස්ථානයෙන් පිටත් වීමට කලින් දුම්රිය මාර්ගයට පිවිසීම හේතුවෙන් ගමන්ගත් දුම්රියේ අවසන් මැදිරියේ මියගිය අය ගැටී ඇති බව ද මූලික විමර්ශනයේදී අනාවරණය වූ බව පොලීසිය කියයි.

අහංගම පොලිසිය මෙම සිද්ධිය සම්බන්ධයෙන් වැඩිදුර පරීක්ෂණ පවත්වයි.