(ඩී.ජී.සුගතපාල)
 
ස්වයං නිරෝධායන කොන්දේසි උල්ලංඝණය කරන ලද පුද්ගලයෙකු බූස්ස නාවික හමුදා කඳවුරේ නිරෝධායන මධ්‍යස්ථානය වෙත රැගෙන යාමට ගාල්ල අතිරේක  මහේස්ත්‍රාත් පවිත්‍රා සංජිවනි පතිරණ මහත්මිය අද (31) නියෝග කළාය.
 
ඒ අනුව මෙයට ටික වේලාවකට පෙර පොලිස් ආරක්ෂාව යටතේ එම පුද්ගලයා සුව සැරිය ගිලන් රියකින් හිරිඹුර ඔහුගේ නිවසේ සිට බුස්ස නිරෝධායන මධ්‍යස්ථානය වෙත ගෙන යන ලදී.
 
තිස් හත් හැවිරිදි මෙම පුද්ගලයා සංචාරකයින් ප්‍රවාහනය කරනු ලබන වෑන් රථ රියදුරෙක් වන අතර සංචාරකයින්ට කොරෝනා වැළඳි ඇති බවට වු සැකය මත කොට්ඨාසයේ මහජන සෞඛ්‍ය පරික්ෂකවරයා විසින් තම අධික්ෂණය යටතේ ඔහු මේ මස 24 වනදින සිට ස්වයං නිරෝධායනයට යොමුකර ඇත.
 
එහෙත් ඔහු ස්වයං නිරෝධායන කොන්දේසි උල්ලංඝණය කිරිම නිසා මහජන සෞඛ්‍ය පරික්ෂකවරයා විසින් ඒ පිළිබඳ අද අධිකරණයට කරුණු වාර්තා කලේය.ඒ පිළිබඳ සළකා බැලු අතිරේක මහේස්ත්‍රාත්වරිය ඔහු බූස්ස නිරෝධායන මධ්‍යස්ථානය වෙත ගෙන යාමට නියෝග කළාය.