(මනෝජ් හර්ෂික)
ශ්රී ලංකාව සහ ජපානය අතර ආරක්ෂක ගිවිසුමක් අත්සන් කිරීම සම්බන්ධයෙන් ජපානයේ අවධානය යොමු වී තිබෙන බව ජපාන විදේශ කටයුතු රාජ්ය අමාත්ය ටොෂිකෝ අබේ මහත්මිය ප්රකාශ කළාය.
ගෝලීය ත්රස්තවාදයට මුහුණ දීම සඳහා ශ්රී ලංකාවට පූර්ණ සහය ලබා දීමට ජපානය සූදානම් බවත් ඒ සඳහා ආරක්ෂක ගිවිසුමක් අත්සන් කිරීම ජාත්යන්තර මට්ටමේ ත්රස්ත ක්රියා රටට කාන්දු වීම වළක්වාලීමේ වැදගත් පියවරක් වනු ඇති බවත් ටොෂිකෝ අබේ මහත්මිය අවධාරණය කළාය.
ටොෂිකෝ අබේ මහත්මිය අද (12 වැනිදා) පෙරවරුවේදී ශ්රී ලංකා අග්රාමාත්ය රනිල් වික්රමසිංහ මහතා හමුවූ අවස්ථාවේදී මේ බව ප්රකාශ කර තිබේ.
අගමැති වික්රමසිංහ මහතා සිංගප්පූරුව බලා පිටත්ව යාමට පෙර මෙම හමුව පැවැත්විණ. කොළඹ අරලියගහ මන්දිරයේ දී පැවති ද්විපාර්ශවික සාකච්ඡාවෙදී ටොෂිකෝ අබේ මහත්මිය අද (12) මේ පිළිබඳව පැවැසුවා ය.
ආරක්ෂක කටයුතු සම්බන්ධයෙන් ජපානය ලබා දෙන සහය සම්බන්ධව ශ්රී ලංකාවේ කෘතඥතාව පළ කරන බව අග්රාමාත්යවරයා එහිදී සඳහන් කළේය.
ඉන්දියාව, මාලදිවයින හා ශ්රී ලංකාව එක්ව ක්රියාත්මක කිරීමට අපේක්ෂා කරන ප්රති ත්රස්ත සැලැස්ම සම්බන්ධයෙන් ඉන්දීය අග්රාමාත්ය නරේන්ද්ර මෝදි මහතා සමග පැවැත්වූ සාකච්ඡා සම්බන්ධයෙන් ද එහිදී වික්රමසිංහ මහතා කරුණු පැහැදිලි කළේය.
ශ්රී ලංකාවේ මාර්ග සංවර්ධනය ඇතුළු ක්ෂේත්ර කීපයක් සඳහාම ඉන්දියාව හා ජපානය සමග ඒකාබද්ධ සැලැස්මක් ක්රියාත්මක කරලීම සම්බන්ධයෙන් ද මෙහිදී අදහස් හුවමාරු කර ගැනිණි.
මෙම අවස්ථාවට ශ්රී ලංකාවේ ජපාන තානාපති අකිර සුගියාමා, තානාපති කාර්ය මණ්ඩල නිලධාරී ටකේෂි ඔසාකි සහ ජපාන විදේශ කටයුතු අමාත්යාංශයේ නිලධාරීන් වන ටකහිරෝ ෂියෝටා ටෙට්සුඕ කිටාඩා යන මහත්වරු සහභාගී වූහ.
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ්රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි
ශ්රී ලංකාව සහ ජපානය අතර ආරක්ෂක ගිවිසුමක්
Bamunuarachchi Wednesday, 12 June 2019 11:26 AM
මේ අවුරුදු 4 මේ ආණ්ඩුව අත්සන් කල නොයෙකුත් ගිවිසුම් වලට අනුව රටට කිසිම සෙතක් සිදුවී නොමැත. එහෙත් අපට අයිතිව තිබෙන ආයතන හා රාජ්ය දේපල අන්සතු වන බවනම් පැහැදිලිව පෙනේ.
chandima Wednesday, 12 June 2019 12:25 PM
ඒ කියන්නේ මෙහෙ කට්ටිය ජපානෙට යනවද ආරක්ෂාව සපයන්න... නැතිනම් එහෙ කට්ටිය මෙහෙ එනවද? මෙහෙන් එහෙ යවන ලැයිස්තුවට නම් අැතුල් කරගන්න මන්ත්රීලාට, ඇමැතිලාට ගානක් දෙන්නත් වෙයි මගේ හිතේ..?
RaveendraWednesday, 12 June 2019 02:42 PM
චන්දිම මයා වෙත, ඔබ විසින් අසා තිබෙන ප්රශ්න නිසා සූත්තරයාගේ දතකට පූට්ටු වෙලා තියෙන්නේ. බැරිද මේවගේ අමාරු ප්රශ්න අහන්න? දැන් මේ ගිවිසුමෙන් මෙච්චර ප්රතිලාභ රටට ලැබෙනවා නේද? රටට කීර්තියක් ලැබෙනවා නේද? ඒ වගේ දේවල් අහන්නකෝ...