IMG-LOGO

වසංගතයක් බවට පත්විය හැකි තවත් උණ රෝගයක් චීනයෙන්

වසංගතයක් බවට පත්විය හැකි නව උණ රෝගයක් චීන විද්‍යාඥයින් විසින් හඳුනාගෙන තිබේ. මෑතකදී මතුවී ඇති මෙම උණ රෝගය ඌරන් අතර පවතින නමුත් මිනිසුන්ට ද ආසාදනය වියහැකි බව ඔවුහු පවසති.

මෙම රෝගකාරක වයිරසය තවදුරටත් විකෘති වී පුද්ගලයාගෙන් පුද්ගලයාට පහසුවෙන් ව්‍යාප්ත වීමට සහ ගෝලීය වශයෙන් වසංගතයක් ලෙස ව්‍යාප්ත වීමට ඇති හැකියාව සම්බන්ධව පර්යේෂකයෝ දැඩි සැලකිල්ලකින් කටයුතු කරති. ඔවුන් පවසන්නේ මෙය මිනිසුන්ට ආසාදනය වීමට අනුවර්තනය වීමේ සියලු සලකුණු පෙන්නුම් කරන බවයි.

කෙසේවුවද මෙය ක්ෂණිකව ඇතිවිය හැකි ගැටලුවක් නොවන අතර සියුම් අධීක්ෂණයකින් කටයුතු කිරීම අවශ්‍ය බව ඔවුහු පවසති.

ඌරන් අතර වයිරසය පාලනය කිරීමට සහ සතුන් සමග ගැවසෙන සේවකයින් සමීපව අධීක්ෂණය කිරීමට මේ වනවිටත් පියවර ගෙන ඇත. මෙම නව උණ රෝගය 2009 වසරේ ව්‍යාප්ත වූ සූකර උණට බෙහෙවින් සමාන නමුත් වෙනස්කම් කිහිපයක් ද තිබෙන බව විද්‍යාඥයෝ පවසති.

නව උණ රෝගය ඇති කරන වයිරසය G4 EA H1N1 ලෙස නම්කර ඇති අතර කොරෝනා වයිරසය මෙන් ශ්වසන පද්ධතියට හානිකරන බව සඳහන් වේ.

වයිරසය සම්බන්දව අධ්‍යයනය කරන බ්‍රිතාන්‍යයේ නොටිංහැම් විශ්ව විද්‍යාලයේ මහාචාර්ය කිං චව් චැං ඇතුළු කණ්ඩායම පවසන්නේ රෝගය මෙතෙක් විශාල තර්ජනයක් වී නැතත් ඒ සම්බන්ධව විමසිල්ලෙන් සිටිය යුතු බවයි. මේ සම්බන්ද තොරතුරු ජාතික විද්‍යා ඇකඩමියේ සඟරාවක පළකර ඇත.


(බීබීසී ඇසුරිණි - 085)



අදහස් (5)

වසංගතයක් බවට පත්විය හැකි තවත් උණ රෝගයක් චීනයෙන්

Mahesh Tuesday, 30 June 2020 11:00 AM

චීනය ලෝක ඇණයක්. එකක් ඉවර වෙන්න ඉස්සෙල්ලා තව එකක්..

:       134       189

සමිත සේනක අලුත්ගමගේ. Tuesday, 30 June 2020 11:40 AM

මේ චීනුන් කියන්නේ ලෝකෙටම වසංගත බෝකරන මහා වදකාරයින් පිරිසක්. කරුමේ කියන්නේ දහජරාව කන මේ මිනිසුන් මේ තරම් වසංගත ගෙනැල්ලාත් ඔවුන්ව සමහර දෙනාට හොඳයිනේ...

:       317       462

Kamal Tuesday, 30 June 2020 12:14 PM

සමහර ආගම්වල ඔය ඕනෑතරම් කරලා තියෙන්නේ.. නිකන් නෙවෙයි එහෙනම්... සත්‍යයක් තියෙනවා.

:       108       118

Pradeep Tuesday, 30 June 2020 12:26 PM

ස්වභාව ධර්මයා දෙන්න ගත්තාම එළව එළවා දෙන්නේ. මිනිසුන් මේ යතාර්ථය තේරුම් නොගැනීමයි අවාසනාව. සත්ව ඝාතන, සත්ව හිංසා, සත්ව මාංශ පරිභෝජනය නවතන තුරු මිනිසාට මෙවන් විපාකවලට මුහුණදීමට සිදුවනු ඇති... කවදාක හෝ අවිහිංසාවේ මාවත තෝරා ගන්නා තෙක් මිනිසාට සැනසීමක් ඇති නොවේවි...

:       4       706

Perera Tuesday, 30 June 2020 06:46 PM

දැන් කාලේ හැම දෙයක්ම ‘‘මේඩ් ඉන් චයිනා‘‘... ලෙඩරෝග කියලා වෙනසක් නැහැ.

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 81 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 504 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 932 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site