(මනෝප්‍රිය ගුණසේකර)

කොරෝනා ආසාදනය වී මියයන මුස්ලිම් මිනිසුන්ගේ දේහ පිළිබඳ අවසාන කටයුතු සිදුකළ යුත්තේ කෙසේදැයි තීරණය කළ යුත්තේ සෞඛ්‍ය බලධාරීන් යැයි අධිකරණ  අමාත්‍ය අලි සබ්‍රි මහතා පැවසීය.
 
ආරක්‍ෂාවට තර්ජනයක් වන අන්දමින්, පොදු ස්ථානවල මුහුණ ආවරණය වන අන්දමින්, බුර්කාව ඇතුළු වෙනත් මුහුණු ආවරණ පැළදීම තහනම් කිරීමට නීතී සකස් කිරීම සඳහා යෝජනා කැබිනම් මණ්ඩලයට යොමු කර ඇති බවද අලි සබ්‍රි මහතා වැඩිදුරටත් පැවසීය.
 
කොවිඩ්-19 ආසාදනය වී මිය යන මුස්ලිම් භක්තිකයින්ගේ මෘත දේහ සම්බන්ධයෙන් අවසන් කටයුතු සිදුකිරීම පිළිබඳ තමාට මතයක් ඉදිරිපත් කළ නොහැකි යැයි වැඩිදුරටත් පැවසු අලි සබ්‍රි මහතා එය සෞඛ්‍ය බලධාරීන්ගේ වගකීමක් යැයිද වැඩිදුරටත් පැවසීය.
 
අපේ ජනබල පක්‍ෂයේ පාර්ලිමෙන්තු මන්ත්‍රී පුජ්‍ය අතුරලියේ රතන හිමියන් පාර්මේන්තුවේ කළ ප්‍රකාශයක් පදනම් කරගෙන සමාජයේ පැතිර යන වැරදි මතයන් දුරුකිරීම සඳහා  අධිකරණ අමාත්‍යංශයේ පැවැති මාධ්‍ය සාකව්ඡාකදී මාධ්‍යවේදීන් නැඟු ප්‍රශ්නවලට පිළිතුරු දෙමින් අලි සබ්‍රි මහතා එසේ පැවසීය.