(චන්ද්‍රසේන ගමගේ)
 

නීතිවිරෝධීව ඉන්දියාවෙන් ගෙන එන ලද,  හුංගම කළමැටිය ධීවර වරායේදී පොලිස් විශේෂ කාර්ය බලකාය විසින් සිය බාරයට ගනු ලැබූ   කහ තොගය පොලිස් පතිවරයාගේ විශේෂ නියෝගයක් මත අද(30) අලුයම අම්බලන්තොට ලුණම ආදාහනාගාරය තුළදි ගිනි තබා විනාශ කිරීමට පියවර ගනු ලැබීය.
 
ගෝනහේන පොලිස් විශේෂ කාර්ය බලකා කඳවුරේ  විශේෂ මෙහෙයුම් ඒකකයට ලැබුණු තොරතුරකට අනුව ඉකුත් 27 වැනි දින ටෝලර් යාත්‍රාවකින් කළමැටිය ධීවර වරායට ගෙනවිත් ගොඩබෑමට සූදානම් වෙන අවස්ථාවේදී මෙම කහ තොඟය අත් අඩංගුවට ගෙන තිබුණි.
 
කහ කිලෝග්‍රෑම් 20,900ක් මෙසේ ගිනි තබා විනාශ කර ඇත.නිරෝධායන නීතිය අනුව මෙම කහ තොඟය විනාශ කිරීමට පියවර ගත් බව උසස් පොලිස් නිලධාරියෙක් පැවසීය.