(පුෂ්පකුමාර මල්ලවආරච්චි සහ ආනන්ද ඉ. ජයකොඩි)
තිහාරිය ජුනයිඩ් මාවතේ ඉස්ලාම් පල්ලියක ඉහළ මාලයේ අද( 25) අලූයම ඇතිවූ ගින්නකින් එහි පිහිටි අධ්‍යාපන ආයතනයක නේවාසිකාගාරය සම්පූර්ණයෙන්ම විනාශ වී ඇතැයි නිට්ටඹුව පොලිසිය කියයි.
 
අලුයම 3.00 ට පමණ මෙහි හිදිසි ගින්නක් හට ගෙන ඇති අතර එහි රැදී සිටි සිසුන් වහා ඉවත්වීම නිසා ඔවුනට කිසිදු හිරිහැරයක් වී නැති බව පොලිසිය සදහන් කරයි.
 
උසස් පෙළ අධ්‍යාපනය හදාරන  දිවයිනේ විවිධ ප‍්‍රදේශවලින් පැමිණි සිසුන් 35 දෙනෙකු මෙහි නේවාසිකව ඉගෙනුම ලබන බව පොලිසිය කියයි. ගම්පහ මහ නගර සභාවේ ගිනි නිවන ඒකකය පැමිණ ගින්න මැඩ පැවැත්වීමට කටයුතු කරනු ලැබීය.
 
නේවාසිකාගාරයේ තට්ටු දෙකකින් යුත් ඇදන් ආදිය පවා ගින්නෙන් විනාශ වී ගොස් තිබිණි. සිදුව ඇති අලාභය ගණන් බලානැති අතර රුපියල් ලකෂ ගණනක අලාභයක්වී ඇතැයි විශ්වාස කෙරේ. මෙම ගින්නෙන් පහත මාලයට හානියක් වීමට පෙර ගින්න නිවා දැමීමට හැකිවී ඇත. ගොඩනැගිල්ලේ වහල ද විනාශයට පත්ව තිබිණි.
 
ගින්නට හේතුව විදුලි කාන්දුවක්ද නැතහොත් වෙනත් හේතුවක්දැයි මෙතෙක් හෙළිවී නැත. ගින්නට හේතුව අනාවරණය කරගැනීම සදහා    අපරාධ ස්ථාන පරීක්ෂක නිලධාරීන් කැදවා පරීකෂන පවත්වන බව පොලිසිය කියයි.