IMG-LOGO

2025 ජුලි මස 15 වන අඟහරුවාදා


කොරෝනාවේ අලුත් ප්‍රභේද 240 ක් ඉන්දියාවෙන්

ගෝලීය අර්බුද රැසක් ඇති කළ ‘කොවිඩ්-19’ හෙවත් නව කොරෝනා වයිරසයේ තවත් අලුත් ප්‍රභේද 240ක් ඉන්දියාවෙන් සොයාගෙන ඇතැයි එරට මාධ්‍ය වාර්තා කරයි.

ඉන්දියාවේ මහාරාෂ්ට්‍ර ප්‍රාන්තයෙන් දෛනිකව වාර්තා වන නව කොරෝනා වයිරස ආසාදිතයන්ගේ ගණන පසුගිය සතියේදී වේගයෙන් ඉහළ ගිය අතර ඊට හේතුව මෙම නව ප්‍රභේද යැයි මේ සම්බන්ධයෙන් අදහස් දක්වමින් මහාරාෂ්ට්‍ර ප්‍රාන්තයේ ‘කොවිඩ්-19’ කාර්යසාධක බලකායේ සාමාජිකයකු වන වෛද්‍ය ෂෂාන්ක් ජෝෂී එන්.ඩී.ටීවී. පුවත් සේවයට පැවැසීය.

ඉන්දියාවේ විවිධ ප්‍රදේශවලින් නව කොරෝනා වයිරසයේ අලුත් ප්‍රභේද 240ක් හමු වී ඇති බවත් ඉන් බොහෝමයක් මහාරාෂ්ට්‍ර ප්‍රාන්තයෙන් වාර්තා වී ඇති බවත් හෙතෙම කීය.

මහාරාෂ්ට්‍ර ප්‍රාන්තයට අමතරව, කේරළ, මධ්‍ය ප්‍රදේශ්, චතිස්ගාර් සහ පන්ජාබ් යන ප්‍රාන්තවලින් ද දෛනිකව වාර්තා වන වයිරස ආසාදිතයන්ගේ ගණන වේගයෙන් වැඩි වී ඇතැයි ඉන්දීය මාධ්‍ය වාර්තා කරයි.

ප්‍රජාව තුළින් වයිරසය ආසාදනය වෙනවා යන්න ‘‘මිත්‍යාවක්’’ බවත් එසේ ප්‍රජාව තුළින් වයිරසය ආසාදනය නොවීමට නම් සමස්ත ජනගහනයෙන් සියයට 80ක පිරිසකගේ ශරීර තුළ ප්‍රතිදේහ තිබිය යුතු බවත් මේ සම්බන්ධයෙන් අදහස් දක්වමින් ඉන්දියාවේ වෛද්‍ය විද්‍යාල සංගමයේ (ඕල් ඉන්දියා ඉන්ස්ටිටුයිට්ස් ඔෆ් මෙඩිකල් සයන්සස්) අධ්‍යක්ෂ වෛද්‍ය රන්දීප් ගුලේරියා පැවැසීය.

මහාරාෂ්ට්‍රා ප්‍රාන්තයෙන් ඇතුළු ඉන්දියාවේ විවිධ ප්‍රදේශවලින් වාර්තා වී ඇති නව ප්‍රභේද, කොරෝනා වයිරසයේ මුල් ප්‍රභේදවලට වඩා භයානක සහ සම්ප්‍රේෂණය වැඩි එනම් ව්‍යාප්තිය වැඩි ප්‍රභේද යැයි ද හෙතෙම කීය. මේ හමු වී ඇති නව ප්‍රභේදවලින් ඇතැම් එවා වයිරසය ආසාදනය වී සිරුරේ ප්‍රතිදේහ සංවර්ධනය වූ අයට ද නැවත වයිරසය ආසාදනය වීමේ හැකියාවක් ඇතැයි ද හෙතෙම කීය.

ඉන්දියාව මේ වනවිට එරට එන්නත්කරණ වැඩසටහනේ පළමු අදියර ආරම්භ කර ඇති අතර පළමු අදියර යටතේ සෞඛ්‍ය සේවකයන් ඇතුළු මුල් පෙළ සිටින සේවකයන් කෝටි තුනකට එන්නත ලබා දේ. ඉන් අනතුරුව අවුරුදු 50ට වැඩි සහ අවදානම ඇති කෝටි 27කට එන්නත ලබා දේ.

මේ තිබෙන තත්ත්වය පහසුවෙන් සැලකිය නොහැකි බවත් වයිරසය පාලනය කිරීම සඳහා පැනවූ මුඛ ආවරණ පැලඳීම, සමාජ දුරස්ථභාවය පවත්වාගෙන යෑම යනාදී සෞඛ්‍යාරක්ෂිත පිළිවෙත් දිගින් දිගටම පිළිපැදිය යුතු බව ද හෙතෙම කීය.

ඊට අමතරව ඉන්දියාව පරීක්ෂණ, ආසාදිතයන් සහ ඔවුන්ගේ ආශ්‍රිතයන් හඳුනාගැනීම සහ ආසාදිතයන් හුදෙකලා කිරීම සම්බන්ධයෙන් දැඩි පියවර ගත යුතු යැයි ද ඔහු කීය.

එමෙන්ම එන්නත්කරණ වැඩසටහන ද අඛණ්ඩව පවත්වාගෙන යුතු බව වෛද්‍ය ගුලේරියා වැඩිදුරටත් කීය.

 

එන්.ඩී.ටීවී. සහ ඉන්දීය මාධ්‍ය ඇසුරිනි


055



අදහස් (0)

කොරෝනාවේ අලුත් ප්‍රභේද 240 ක් ඉන්දියාවෙන්

ඔබේ අදහස් එවන්න

 

 
 

මේවාටත් කැමතිවනු ඇති

පාසල් දරුවන්ට හිස්වැසුම් බෙදා දීම 2025 ජුලි මස 14 127 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 76 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 449 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

Our Group Site