(රංජිත් රාජපක්ෂ)            
            
ආගරපතන ප්‍රදේශයේ සැඩ පහරට හසු වී අතුරුදන්ව සිටි අනෙක් පාසල් සිසුවියගේ ද සිරුර අද(19) සොයාගත් බව ආගරපතන පොලිසිය කියයි.
 
මෙසේ සොයා ගනු ලැබුවේ ආගරපතන ටොරිංටන් අග්‍රල්වත්ත ප්‍රදේශයේ පදිංචි මදියලගන් සංගීතා (12) නම් සිසුවියගේ සිරුරය.
 
එම සිසුවියගේ සිරුර සැඩ පහරට හසු වූ ස්ථානයේ සිට කිලෝමිටර් 1 ½ පමණ පහළින් ටොරිංටන් තේ කර්මාන්ත ශාලාව අසල අග්‍රාඔයේ තිබී යුද හමුදාව පොලිසිය සහ ප්‍රදේශවාසීන් එක් ව සොයාගෙන ඇත.
 
පාසල් සිසුවියන් දෙදෙනාගේ සිරුරු පශ්චාත් මරණ පරීක්ෂණය සඳහා නුවරඑළිය මූලික රෝහලේ අධිකරණ වෛද්‍යවරයා වෙත යොමු කර ඇත.