තරිඳු ජයවර්ධන
පොලිස්පති විසින් ක්රියාත්මක කිරීම පැහැර හරින ලදැයි කියමින් ජාතික පොලිස් කොමිෂන් සභාවෙන් ආණ්ඩුක්රම ව්යවස්ථා සභාවට පැමිණිලි කළ තීන්දු තීරණ 10න් නවයක්ම අද (21) වන විට පොලිස්පතිවරයා ක්රියාවට නංවා ඇතැයි ජාතික පොලිස් කොමිෂන් සභාවේ ආරංචි මාර්ග කියයි.
පොලිස්පතිවරයා තීන්දු ක්රියාත්මක නොකිරීම ගැන ජාතික පොලිස් කොමිෂන් සභාව ආණ්ඩුක්රම ව්යවස්ථා සභාවට පැමිණිලි කිරීමෙන් පසු ආණ්ඩුක්රම ව්යවස්ථා සභාව එම තීන්දු තීරණ ක්රියාවට නැංවීම සදහා දින 14ක කාලයක් ලබා දුන්නේය. එම දින 14ක කාලය අද (21) දිනයෙන් අවසන් විය.
දින 14ක කාලය තුල ක්රියාත්මක කරන ලද තීන්දු ගැන සාකච්ඡා කිරීමට ජාතික පොලිස් කොමිෂන් සභා රැස්වීමට පොලිස්පති පූජිත් ජයසුන්දර මහතා කැඳවා තිබිණි.
තීන්දු දහයෙන් නවයක් පොලිස්පතිවරයා සම්පූර්ණයෙන්ම හෝ අර්ධ වශයෙන් ක්රියාවට නංවා තිබුණු බවත්, එක් තීන්දුවක් ක්රියාත්මක කර නොතිබුණු බවත් ජාතික පොලිස් කොමිෂන් සභාවේ ආරංචි මාර්ග කියයි.
එලෙස ක්රියාවට නැංවීම පැහැර හැර තිබුනේ කිලිනොච්චිය කොට්ඨාස භාර ජ්යෙෂ්ඨ පොලිස් අධිකාරී පාලිත සිරිවර්ධන මහතා වැඩ බලන නියෝජ්ය පොලිස්පති ධුරයට උසස් කිරීමේ තීරණයයි.
පොලිස් නිලධාරීන් හා සහායක සේවා නිලධාරීන් බඳවා ගැනීමේ හා උසස් කිරීමේ පටිපාටි 105ක් පොලිස් කොමිසම අනුමත කර පොලිස්පතිවරයාට යවා තිබුණු අතර පොලිස්පතිවරයා එය ක්රියාවට නැංවීම පැහැර හැරීමෙන් කණිෂ්ට පොලිස් නිලධාරීන්ට උසස්වීම් ලබා දීමට තිබෙන අවස්ථා මග හැරී ඇතැයි පොලිස් කොමිසම ආණ්ඩුක්රම ව්යවස්ථා සභාවට පැමිණිලි කර තිබිණි. එම තීන්දුව ක්රියාත්මක කිරීම ආරම්භ කර ඇතැයි පොලිස්පතිවරයා දැනුම් දුන් බව කොමිසම පවසයි.
ඊට අමතරව යුද්ධයේදී අබාධිත වූ පොලිස් නිලධාරීන්ට සහන ලබා දීමට අමාත්ය මණ්ඩලය ගන්නා ලද තීරණය ක්රියාවට නංවන ලෙස ද, දේශපාලන පලිගැනීමට ලක්වූ පොලිස් නිලධාරීන් 129 දෙනකුට උසස්වීම් ලබා දෙන ලෙස ද ජාතික පොලිස් කොමිසම දැනුම් දී තිබිණි. පොලිස්පතිවරයා ජාතික පොලිස් කොමිෂන් සභාවට ඊයේ (20) සහභාගී වීමට පෙර දේශපාලන පලිගැනීමට ලක්වූ නිලධාරීන්ගේ ලැයිස්තුවේ 50 දෙනකුට අදාළ උසස්වීම් නියෝග ලබා දී තිබුණු බව කොමිසම කියයි.
ජාතික පොලිස් කොමිෂන් සභාව ගන්නා ලද තීරණ 10ක් පොලිස්පතිවරයා ක්රියාත්මක කර නැතැයි කියමින් එම කොමිසම ආණ්ඩුක්රම ව්යවස්ථා සභාවේ සභාපති කතානායක කරු ජයසූරිය මහතාට පැමිණිලි කළේ අගෝස්තු 29 වැනි දා ය. ඒ අනුව ජාතික පොලිස් කොමිෂන් සභාවේ සාමාජිකයන් සහ පොලිස්පති පූජිත් ජයසුන්දර මහතා ආණ්ඩුක්රම ව්යවස්ථා සභාව හමුවට කැඳවනු ලැබුවේ පසුගිය 07 වැනි දාය.
සංවිධානාත්මක අපරාධකරුවකු හා ප්රබල මත්ද්රව්ය ජාවාරම්කරුවකු බව කියන නඳුන් චින්තක වික්රමරත්න හෙවත් හරක් කටාට අවශ්ය කරන සියලු ඉල්ලීම් ලිඛිතව ත්
පොළොන්නරුව වැලිකන්ද සිංහපුර ප්රදේශයේ 26 වෙනිදා දහවල් 11 ට පමණ, ඉසඩ්. ඩී. ප්රධාන ඇලෙන් ගලා බසින කෙත් ඇළට වැටුණු අවුරුදු දෙකක පිරිමි දරුවෙකු කිලෝමීටර් දෙක
ඊශ්රායල හමුදා ප්රහාර හේතුවෙන් ගාසා තීරයේ ගොඩ ගැසුණු සුන්බුන් ඉවත් කිරීම සඳහා ට්රක් රථ 100ක් භාවිත කළහොත් ඒ සඳහා වසර 14 ක කාලයක් ගත වෙනු ඇතැයි එක්සත් ජා
පාස්කු ඉරු දින ප්රහාරය පිළිබඳ විවාදයේදී හිටපු ජනාධිපති මෛත්රිපාල සිරිසේන මහතා අදහස් දැක්වීමට නියමිතව තිබුණත් ඔහු කිසිදු අදහස් දැක්වීමක් නොකිරීම
කොළඹ වෛද්ය පීඨ ශිෂ්ය ක්රියාකාරී සංගමය වෛද්ය පීඨ ශිෂ්ය ශිෂ්යාවන් මුහුණදී සිටින ගැටලු සහ පෞද්ගලික වෛද්ය පීඨ ස්ථාපිත කිරීමට ආණ්ඩුව ගෙන යන වැඩපිළ
ඇමෙරිකා එක්සත් ජනපද කෘෂිකර්ම දෙපාර්තමේන්තුවේ (USDA) වෙළෙඳ සහ විදේශ කෘෂිකාර්මික කටයුතු පිළිබඳ උප ලේකම් ඇලෙක්සිස් ටේලර් (Alexis Taylor) මහත්මිය සහ ජනාධිපති රනිල් ව
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පොලිස්පති කල්මරමින් සිටි තීන්දු ක්රියාත්මක කරයි
Rizna Saturday, 22 September 2018 03:15 AM
කොමිසම පොලිස්පතිවරයා සමග සහයෝගයෙන් ක්රියා කළ යුතුය. පොලිස්පතිවරයාගේ නිර්දේශද සැලකිල්ලට ගෙන තීරණ ගත යුතුය. තීරණ හැරෙන තැපෑලෙන් මාධ්යයට මුදාහැරීමෙන් දේශපාලන අවශ්යතාවලට ඉඩ නොතැබිය යුතුය. පොලිසියේ වැඩ අවුල් කරනා කොමිසමට සමබර අය පහකිරීමට කාලය පැමිණ තිබේ.
HafeelSaturday, 22 September 2018 01:51 PM
පොලීසිය බාර ඇමතිගෙන් පොලිස්පතිට දුරකථන ඇමතුමක් ආවොත්, යස් සර්, ප්රොමිස් සර් කියලා කිවයුතුයි.
කුමාරSaturday, 22 September 2018 04:23 PM
ඔබ ඒ ප්රකාශය යහපත් සිහි කල්පනාවෙන් ද කළේ පොලිස් කොමිෂන් සභාවේ හත් දෙනෙක් සාකච්ඡා කරලා ගන්න තීරණ ප්රජාතන්ත්රවාදී යි. පොලිස්පතිවරයා කළ යුත්තේ එකී තීරණ වලට ගරු කිරීම .
Rizna Sunday, 23 September 2018 08:00 AM
පොලිස්පතිවරයාගේ නිර්දේශද ගැඹුරින් සලකා බලා කොමිසම තීරණ ගන්නවා නම් එය යහපත් සහ සාධාරණයි. මොකද පොලිසිය ඇතුලේ විනය පවත්වා ගැනීමට පොලිස්පතිවරයාට එය පිටුවහලක් වනනිසා. පොලිස්පතිවරයා මේවා බ්ලොක් කරනවා කියා මාධ්යයට එවෙලේම කීම නිසා පොලිස්පතිවරයා අපහසු තත්වයකට පත් කරනවා පමණක් නොව තම ආයතනය පාලනය කර ගැනීමටත් අමාරු වෙනවා. ප්රශ්න පොලිස්පතිවරයා සහ කොමිසම සහයෝගයෙන් විසඳා ගත යුතුයි. හැමතිස්සෙම පිටට දෙන්නේ කොමිසම. එයින් කන්ෆ්ලික්ට් එකක් නිර්මාණය වෙනවා. එමනිසා 7දෙනාගේ අපක්ෂපාතීත්වය ගැන ප්රශ්නයක් තියනවා.
Rohan Sunday, 23 September 2018 10:01 AM
කොමිසම පොලිස්පති සමග කටයුතු නොකර මාධ්ය සමඟ කටයුතු කිරීම රටට, සාමයට, ජාත්යන්තරයට අපි පෙන්නන්නේ ඉතා නරක චිත්රයක්... මෙය කාගේ වුවමනාවක්ද..?
kamal Sunday, 23 September 2018 10:04 AM
කොමිසම පසුපස විශේෂ බලවේග ඉන්නවා වගේ...