ශ්රී ලංකා නිදහස් පක්ෂයේ නිලධාරි මණ්ඩලය ගිය සඳුදා රාත්රියේ ජනාධිපති නිල නිවසේදී රැස්වූයේ ජනාධිපති මෛත්රීපාල සිරිසේන මතාගේ ප්රධානත්වයෙනි. එහි ප්රධාන අරමුණ වූයේ පක්ෂයේ ප්රතිසංවිධාන වැඩපිළිවෙළේ ප්රගතිය සමාලෝචනය කිරීමය. ආණ්ඩුවෙන් ඉවත්වූ ශ්රීලනිප මන්ත්රීවරුන් 16 දෙනාගේ කණ්ඩායමේ අටදෙනෙකු පමණ පක්ෂයේ නිලධාරි මණ්ඩලයේ සිටින නමුත් එම රැස්වීමට පැමිණ සිටියේ දයාසිරි ජයසේකර මන්ත්රීවරයා පමණි. ඕස්ට්රේලියාවේ සංචාරයක නිරතව සිටි එස්.බී. දිසානායක මන්ත්රීවරයා පක්ෂයේ මහලේකම් රෝහණ ලක්ෂ්මන් පියදාස මහතාට දුරකථනයෙන් කතා කර කලින්ම දැනුම් දී තිබුණේ තමා පිටරට සිටින බැවින් මෙම රැස්වීමට සහභාගි නොවන බවය. 16 දෙනාගේ කණ්ඩායමේ අනෙක් පිරිස ද එම රැස්වීමට සහභාගි වනු ඇතැයි එස්.බී. මුලින් කියා තිබුණ ද එම පිරිස ඒකාබද්ධ විපක්ෂයේ රැස්වීමට සහභාගි වන නිසා නිලධාරි මණ්ඩල රැස්වීමට සහභාගි නොවනු ඇතැයි මහලේකම්වරයාට දන්වා තිබිණි. ලේකම් රෝහණ ලක්ෂ්මන් එය නිලධාරි මණ්ඩල රැස්වීම ආරම්භයේදීම සභාවට දැනුම් දුන්නේය.
මුලින්ම සාකච්ඡාවට ලක්වූයේ පක්ෂයේ ප්රතිසංවිධාන වැඩපිළිවෙළ ගැනය. ජනපති මෛත්රී එක් එක් ආසනය ගැන විග්රහ කරමින් ප්රතිසංවිධාන වැඩපිළිවෙළ ගැන පැහැදිලි කළේය.
සංවිධායකධුර පුරප්පාඩු වී ඇති ආසනවලට අලුතින් සංවිධායකවරුන් පත් කිරීමටත් ශ්රියානි විජේවික්රමට හා වීරකුමාර දිසානායකට ඉක්මනින්ම සංවිධායක ධුර පිරිනැමීමටත් එහිදී තීරණය විය. උතුරු හා නැගෙනහිර සඳහා ද ඉක්මනින් සංවිධායකවරුන් පත්කිරීමට යෝජනා විය.
මේ අතර පක්ෂයට අලුතින් මාධ්ය ප්රකාශකවරයකු පත්කිරීමට ද යෝජනා විය. ඊට හේතුව වූයේ මාධ්ය ප්රකාශක ලෙස කටයුතු කළ ඩිලාන් පෙරේරා 16 කණ්ඩායම නියෝජනය කිරීමත් ඔහු ඒකාබද්ධ විපක්ෂය සමග එක්වීමත්ය. ඒ අනුව මහින්ද සමරසිංහ, දයාසිරි ජයසේකර සහ ආචාර්ය සරත් අමුණුගම යන මැති ඇමැතිවරුන් තිදෙනාගේම නම් යෝජනා විය. දයාසිරි එය භාර ගැනීමට කැමැත්තක් නොපෙන්වීය. අවසානයේ මහින්ද සමරසිංහ මාධ්ය ප්රකාශක ලෙස පත් කරන්නට තීරණය විය.
ආණ්ඩුවේ ගම්පෙරළිය වැඩසටහන ගැන ද සාකච්ඡා විය. ප්රාදේශීය ලේකම් කාර්යාල මට්ටමින්, රුපියල් මිලියන 200 බැගින් මුදල් වෙන්කෙරෙන නිසා එය ශ්රීලනිපයට හා එජාපයට සම සමව වෙන්විය යුතු බව මැති ඇමැතිවරු කීවෝය. මහින්ද සමරසිංහ කීවේ ජනාධිපතිතුමාගේ උපදෙස් මත ඒ සම්බන්ධයෙන් මුදල් ඇමැතිවරයා සමග සාකච්ඡා කර එකඟතාවකට පැමිණ ඇති බවය.
මේ අතර මහ ඇමැතිවරුන් කියා සිටියේ අධ්යාපන අමාත්යාංශයෙන් ක්රීඩා ගුරුවරුන් ලෙස 3200 ක පමණ පිරිසක් තෝරාගෙන ඔවුන්ට පළාත් සභාවලින් පත්වීම් ලබාදෙන ලෙස දන්වා ඇති බවය. මධ්යම මහා ඇමැති සරත් ඒකනායක එය මතු කරමින් කීවේ අධ්යාපන අමාත්යාංශයෙන් තෝරා එවන පිරිසකට පළාත් සභාවෙන් පත්වීම් දීමට නොහැකි බවය. එය පළාත් සභාවේ ගුරුවරුන්ගේ කාඩර් එකටද බරපතළ ගැටලුවක් බව ඔහු කීවේය. ෂාන් විජයලාල්, ඉසුර දේවප්රිය, චාමර සම්පත් දසනායක, ධර්මසිරි දසනායක යන මහ ඇමැතිවරුද සරත්ගේ අදහස අනුමත කරමින් කතා කළෝය. ඔවුන් කීවේ අධ්යාපනය 13 වන සංශෝධනය යටතේ විමධ්යගත විෂයක් බවය.
මේ අතර දැනගන්නට ඇත්තේ දයාසිරි සහ එස්.බී. යන දෙදෙනාට යළිත් ඇමැතිධුර දෙකක් ලැබෙන බවය.
ශ්රීලනිප නිලධාරි මණ්ඩල රැස්වීමෙන් අනතුරුව ජනාධිපතිවරයා හදිසියේම කළුතර බලා ගියේ ප්රවීණ රංගන ශිල්පී, දීපානි සිල්වාගේ මවගේ මළගෙදර යන්නටය. මහින්ද සමරසිංහ, ලසන්ත අලගියවන්න හා ශ්රීලනිප මහ ලේකම් රෝහණ ලක්ෂ්මන් පියදාසට ද කතා කරගත් ජනාධිපතිවරයා රාත්රියේම මළගෙදර ගොස් දේහයට අවසන් ගෞරව දැක්විය. එහි සිටි කලාකරුවන් සමගද බොහෝ වේලාවක් කතාබහ කරමින් ගත කළ ජනාධිපතිවරයා කොළඹ බලා පිටත් විය.
මහනුවර ඉකුත්දා පැවැති උත්සවයකට සහභාගී වූ හිටපු ජනාධිපති මෛත්රිපාල සිරිසේන මහතා ගිය සතියේ පුවත් මවන්නෙකු බවට පත්විය. ඒ ඔහු මහනුවරදී කළ ආන්දෝලනාත්මක
නව වසරේ ජනපති රනිල් මුණගැසී සුබපැතීමට මැති ඇමතිවරු රැසක් පැමිණ සිටි අතර, බන්දුල ගුණවර්ධන, ශෙහාන් සේමසිංහ, රංජිත් සියඹලාපිටිය, වජිර අබේවර්ධන එහි පෙරමුණ
ජනපති රනිල් වික්රමසිංහ ඉකුත් සතියේ රැඳී සිටියේ කොළඹින් එපිට නුවරඑළියේය. සම්ප්රදායක් ලෙස සෑම වසරකම අවසාන දින කිහිපය ඔහු ගෙවා දමන්නේ නුවරඑළියේ හෝ දි
එදින සවස එක්සත් ජාතික පක්ෂ කළමනාකරණ කමිටු නියෝජිතයන් මුණගැසුණු ජනපති රනිල් පක්ෂයේ ඉදිරි කටයුතු ගැන සාකච්ඡා කළේය. මහලේකම් රංගේ කීවේ දෙසැම්බර් මාසය තු
පාර්ලිමේන්තු මැතිවරණ ක්රමය වෙනස් කිරීමේ කෙටුම්පත මේ වනවිට දැඩි කතාබහට ලක්වෙමින් තිබේ. එය කැබිනට් මණ්ඩලයට ඉදිරිපත් කරනු ලැබුවේ ආචාර්ය විජේදාස රාජපක
රත්නපුර සීවලි මධ්ය විද්යාලයේ ශිෂ්ය පාර්ලිමේන්තුවේ මංගල සැසිවාරය ජනපති රනිල් වික්රමසිංහගේ ප්රධානත්වයෙන් ජනාධිපති ලේකම් කාර්යාල ශ්රවණාගාරයේ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ශ්රීලනිපයේ තවත් වෙනස්කම්