2024 මැයි මස 02 වන බ්‍රහස්පතින්දා
2024 මැයි මස 02 වන බ්‍රහස්පතින්දා
( කාංචන කුමාර ආරියදාස)
දිවිනැගුම දෙපාර්තමේන්තුවෙන් ලබා ගත් රුපියල් හාර ලක්ෂ අසූ දාහක් වටිනා තුන්රෝද යතුරුපැදියක් නිසා තම දිවියම විනාශවීමේ තත්ත්වයට පත්ව ඇතැයි බව මොරගොල්ල බඹරගස්වැව ගලේවෙල ලිපිනයේ පදිංචි පද්මලතා කුමාරිහාමි මහත්මිය පැවසුවාය.
ඇය සිය දරු දෙදෙනාත් සැමියාත් සමඟ ගලේවෙල බඹරගස් වැව ප්‍රදේශයේ බේකරියක් පවත්වාගෙන යමින් සිටියදී මීට වසර දෙකකට පෙර දිවිනැගුම දෙපාර්තමේන්තුවේ නිලධාරීන් පැමිණ බේකරි නිෂ්පාදන වැඩිදියුණු කිරීම සඳහා අනුග්‍රහය දක්වන බව සඳහන් කර රුපියල් එක්ලක්ෂ පනස් දහසක මුදලක් රජය මගින් ලබාදී ඇයගෙන් රුපියල් තුන් ලක්ෂ තිස් දහසක මුදලක් ලබාගෙන බේකරි නිෂ්පාදන ප්‍රවාහනය කිරීම සඳහා වූ තුන් රෝද යතුරුපැදියක් ගලේවෙල ප්‍රාදේශීය ලේකම් කාර්යාලය සහ ගලේවෙල දිවිනැගුම මූලස්ථාන කාර්යාලය එක්ව ඇයට ලබා දී තිබේ.
එම යතුරු පැදිය මාස ගණනාවක සිට මුල්ලකට දමා ඇත්තේ එහි ක්‍රියාකාරීත්වය සිදු නොවන නිසාවෙනි. එම යතුරු පැදිය කොටස් මෙරටට ගෙන්වා සකස් කරන ලද්දකි. තම අතැති මුදල් සියල්ල එය අලූත්වැඩියා කිරීමට වියදම් කළ ද මෙතෙක් යථා තත්ත්වයට පත්කර ගැනීමට නොහැකිව තමන් ලබාගත් රුපියල් තුන්ලක්ෂ තිස්දාහක ණය මුදලකට පොලී ගෙවමින් සිටින බව ද ඇය සඳහන් කළාය.
දිවිනැගුම ව්‍යාපෘතිය මගින් උදව් ලැබෙන්නට පෙර පිටි ගෝනි එකහමාරකින් බේකරි නිෂ්පාදනය කළ ඇය මේ වන විට පිටි කිලෝ 5කින් නිෂ්පාදන කටයුතු කරමින් දරුවන් දෙදෙනා සහ සැමියා ජීවත් කරන බව හඬා වැටෙමින් පැවසුවාය.
තමන් ගලේවෙල ප්‍රාදේශීය ලේකම් කාර්යාලයට රුපියල් තුන්ලක්ෂ තිස්දහසක මුදලක් ලබාදුන් බවට කුවිතාන්සිය පවා ඇති බව සඳහන් කර සිටින්නීය. දීවිනැගුම කාර්යාලය මඟින් ජා ඇළ ප්‍රදේශයේ පිහිටි ආයතනයකින් මෙම වාහනය ලබාදුන් බවද එම ආයතනයත් සමඟ කිසිදු ගනුදෙනුවක් තමන් සිදු නොකළ බවද සියලු ගනුදෙනු සිදු කළේ දිවිනැගුම දෙපාර්තමේන්තුවේ නිලධාරීන් බවද ඇය කියා සිටියාය.
තමන් ණයකාරියකු බවට පත්කොට ජීවන තත්ත්වය සම්පූර්ණයෙන්ම විනාශ කොට දමා වාහනයක් ලබා දී අවසානයේ දී තමන්ට සිඟමන් යැදීමට තරම් තත්ත්වයට පත්වූ බව ද ඇය පැවැසුවාය.
ඇය වැඩිදුරටත් කියා සිටියේ මේ පිළිබඳව අගමැතිවරයාගේ හා ජනාධිපතිවරයාගේ අවධානය යොමු කරන ලෙසත් වහාම මෙම වාහන ගනුදෙනු පිළිබඳව විමර්ශනයක් පවත්වා සාධාරණය ඉටු කරන ලෙසත්ය. ඒසේ සිදු නොවන්නේ නම් තමන් මෙම වාහනය ප්‍රධාන මාර්ගයට දමා ගිනි තබා තමන් ද සිය දිවි හානි කර ගන්නා බවද ඇය හඬා වැටෙමින් පැවසුවාය.
මේ සිද්ධිය සම්බන්ධයෙන් ගලේවෙල ප්‍රාදේශීය ලේකම් එම්. යූ .නිශාන්ත මහතාගෙන් විමසු විට සඳහන් කළේ මේ සිද්ධියට තමන් මාස ගණනාවක සිටම මැදිහත්ව ඇයට සාධාරණයක් ඉටුකර දීමට උත්සාහ දරමින් සිටින බව යි. දිවිනැගුම දෙපාර්තමේන්තු නිලධාරීන්ට සහ වාහනය නිෂ්පාදනය කරන ආයතනයට තමන් ලිඛිතව මේ පිළිබඳව දැනුම් දී ඇතැයි ද ඔහු සඳහන් කළේය.
ගලේවෙල සමෘද්ධි මූලස්ථාන කළමනාකාර ජයතිලක වනිගසිංහ මහතාගෙන් විමසීමේදී ඔහු කියා සිටියේ තමන් මේ සම්බන්ධයෙන් කරුණු දන්නා බවත් එවකට දිවිනැගුම දෙපාර්තමේන්තුවේ ඉහළ නිලධාරීන් මෙම වාහනය හඳුන්වා දී ව්‍යාපෘතිය ක්‍රියාත්මක කළ බවයි.
සමෘද්ධි සංවර්ධන අංශයේ මාතලේ දිස්ත්‍රික් සම්බන්ධීකාරක ගාමිණී අබේවික්‍රම මහතා සඳහන් කළේ මේ පිළිබඳව තොරතුරු සොයා බැලීමක් සිදු කළ යුතු බවත් එවකට දිවිනැගුම දෙපාර්තමේන්තුවේ ඉහළ නිලධාරීන් දිවයින පුරා මෙම වාහනය පිළිබඳව දැනුම්වත් කරමින් ව්‍යාපෘතිය ආරම්භ කළ බවයි.
එනිසාම මේ සිද්ධිය සම්බන්ධයෙන් තුන් රෝද යතුරුපැදිය නිෂ්පාදනය කරන ජා ඇළ ප්‍රදේශයේ ආයතනයෙන් විමසු විට එහි හිමිකරු පවසා සිටියේ සිය ආයතනය පිටරටින් අමතර කොටස් ගෙන මෙම වාහනය නිෂ්පාදනය කරන බවයි. වාහනය අලුත් වැඩියා කර දීමට තමන් කැමැත්තෙන් සිටින බවත් ඒ සඳහා යන වියදම් ඔවුන් විසින් දැරිය යුතු බව ද පැවසීය.
කම්කරු පන්තියේ අයිතිවාසිකම් තහවුරු කිරීම සඳහා දිගුකලක් තිස්සේ පවත්වාගෙන ගිය අරගල සමැරීම සඳහා මැයි දිනය යොදා ගැනේ. පසුගිය කාල පරිච්ඡේදයේ වැඩි වශයෙන්ම
ජාත්‍යන්තර මැයි දින සැමරුම අදට යෙදී තිබේ. වැඩ කරන පන්තියේ ජනයාගේ ශක්තිය එක මීටට එකතු කර සකල අගති කුදලා දමන අරගලයට පණ පොවන මැයි දිනය වෙනුවෙන් කැපවන කම්කර
ශ්‍රී ලංකාවේ දෙවැනි විධායක ජනාධිපතිවරයා වූ රණසිංහ ප්‍රේමදාස මහතාගේ 31 වැනි ගුණ සමරුව හෙටට (01) යෙදී ඇත. මේ ලිපිය ඒ නිමිත්තෙනි.
ශ්‍රී ලංකා මහ බැංකුව 2023 වසර සඳහා වූ වාර්ෂික වාර්තාව නිකුත් කර තිබේ. බැංකු පනත සංශෝධනය කර ස්වාධීනත්වය ඇතිකරන නමුත් ආකෘතිගත රාමුව නොවෙනස්ය. රාජ්‍ය ප්‍රති
බරවාහන රියදුරන් වශයෙන් රැකියා කිරීමේ මහත් බලාපොරොත්තු ඇතිව ලිතුවේනියා රටට ගිය ශ්‍රී ලාංකිකයන් 108 දෙනකුට සිදුවූ මහා අකරතැබ්බක් පසුගියදා අපගේ ලංකාදීප
ආර්ථිකයේ තත්වය, ණය ප්‍රතිව්‍යුහගතකරණය, විසඳාගතයුතු කරුණු ජා.ජ.බ. සමග විවාදය යනාදී කරුණු සම්බන්ධයෙන් ආචාර්ය හර්ෂ ද සිල්වා සමග කළ සාකච්ඡාව මෙවර සඳුදා හම
2024 අප්‍රේල් මස 09
428
0
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness
2024 මාර්තු මස 14
1842
0
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
2024 පෙබරවාරි මස 19
1652
4
ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
කබලෙන් ළිපට වැටුණු ගලේවෙල පද්මලතා
sanath Friday, 30 March 2018 06:14 PM
සිල්ලර බඩු කඩයක් සාර්ථකව කරන කෙනා ණය අරගෙන සුපර් මාර්කට් එකක් කරන්න ගියොත් අමාරුවේ වැටෙන්න තියෙන සම්භාව්‍යතාවය ගොඩක් වැඩියි. මේ බේකරිකාරයින්ටත් වෙලා තියෙන්නේ ඒ කරුමේම තමයි.
රාජුන්Saturday, 31 March 2018 01:40 AM
මේක හරියට ගහෙන් වැටුණු මිනිහට ගොනා අැන්නා වගේ කතාවක්නේ. එතකොට තමාගේ ව්‍යාපාරය දියුණු කරගන්න තැත් කරන කාන්තාවයි මෙතන වැරදිකාරි, මේ කුණුගොඩ ඇගේ ඇඟේ ගැසූ රජයේ නිලධාරීන්වත් මෙය සැපයු සමාගමවත් නෙවෙයි. සනත් මහතා පින් සිද්ධ වෙයි ඔයාගේ ඔය රත්තරන් මොල පොඩ්ඩ හොඳ දොස්තර කෙනෙකුට කියලා පරීක්ෂා කර ගන්න.
නීලාSaturday, 31 March 2018 11:46 PM
මොළ පොඩ්ඩක් තියෙන්න එපායැ පරීක්ෂාකර ගන්න. නැද්ද මෙයා.
udayaSunday, 01 April 2018 06:11 AM
මේ වගේ ගොන් කතා නොකිය අසරණ උන මේ කාන්තාවට කෙලින්ම රජය මැදිහත් වෙලා සාධාරණය ඉටු කරන්න ඕනි
රාජුන් Saturday, 31 March 2018 01:33 AM
මේක තුන්වන ලෝකයේ හැම තැනම ටිකෙන් ටික ඔඩු දුවමින් පවතින ප්‍රවනතාවයක්. ලංකාවට පමණක් සීමා වූ දෙයක් නෙවෙයි. කොහෙන් හරි කිසිම ප්‍රමිතියකට නැති හෝ ඉතාම අඩු ප්‍රමිති තත්වයේ වාහන කොටස් ගෙන්වා එකලස් කර කිසිත් නොදන්නා ජනතාවට විකිණීම. රජයේ ආයතන මෙම වාහන වර්ගය ප්‍රචලිත කිරීමට තැත් කරනවා නම් කරුණු දෙකක් විමසා බැලිය යුතුයි. මෙම වාහනයේ ප්‍රමිති තත්වය, විශේෂයෙන්ම වාහනයේ ක්‍රියාකාරිත්වය සහ එහි ගමන් ගන්නා මගීන්ගේ ආරක්ෂාව කොතරම් දුරට පරීක්ෂා කර බැලුවාද යන්න, සහ මේ වාහන ගනුදෙනුවෙන් රජයේ නිලධාරීන්ට කොපමණ මුදලක් අත යට ලැබුණාද යන්න. මෙම ප්‍රශ්නයෙන් මෙම වාහන ප්‍රචලිත කිරීමට තැත් කළ රජයේ ආයතනයට හෝ වාහනය එකලස් කළ සමාගමට ගැලවී යා හැකියැයි මම හිතන්නේ නෑ. කවුරු හරි හිත හොඳ නිර්භීත නීතිඥවරයෙක් මෙම අහිංසක කාන්තාවට උදව් කරන්නේ නම් මැනවි.
sasithTuesday, 03 April 2018 08:05 AM
මේ රාජුන්, පද්මලතා ඔයා පද්මයක් වගේ යළි පිපෙන්න. ඔයාගේ නමේ අර්ථය රටටම පෙන්වන්න. පද්මලතාට ජයවේවා.!
vernonTuesday, 03 April 2018 10:41 AM
දැන් එතකොට ඔබ කියන ප්‍රමිතිය මේ වාහන අර ගත්ත අනෙක් අයට ප්‍රශ්නයක් නොවුනේ ඇයි?මේ වාහනයේ ප්‍රමිතියේ ගැටළුවක් ඇති බවට පැහැදිලි සාක්ෂියක් මෙතන නෑ. ඕනම වාහනයක අදාළ පරිදි නඩත්තු, අලුත්වැඩියා කරන්න ඕන. ඔයා හරකෙක් ගත්තත්, ආහාර, බේත් හේත් හරියට දෙන්න ඕන. කවුරුවත් වාහන බලෙන් ඇඟේ ගහලා නෑනේ. ඇයි මේ වාහනය අරගෙනත් තමන්ගේ ව්‍යාපාරය දියුණු කර ගන්න එයාට බැරි වෙච්ච එකට හේතුවක් කියන්නෙ නැත්තෙ?
janahitha Saturday, 31 March 2018 01:49 AM
මේ කෙරෙන වංචාකාරී වැඩවලට හුඟ දෙනෙක් අපරාදේ අහු වෙලා ජීවිත නැති කරගන්න තත්වයට එනවා. මමත් මේ වගේ පොල් පැල දෙන එකකට අහු වුණා. ඒ අය කිව්වේ ගන්නෝරුවෙන් පොල් පැල දෙනවා කියලයි. බලපුවාම බොරුවක්. මේ අය ගම්පහට නුදුරු ප්‍රසිද්ධ නගරයක කියලයි කිව්වේ. අහු වෙන්න නම් එපා. කවුරුත් හොඳට හොයලා බලන්න.
senarath Saturday, 31 March 2018 03:00 AM
මේක තනිකරම වංචාවක්. අලුතෙන් වාහනයක් ගත්තම එ්කට වගකීමක් තියෙන්න ඕනේ. අනෙක ස්ටාර්ට් කරන්න බැරි තත්වයෙන් කොහොමද අලුත් වාහනයක් විකුණන්නේ. මේ කාන්තාව දහසක් බලාපොරොත්තු තියාගෙන තමන්ගේ නිෂ්පාදනය ප්‍රවාහනය කිරීමට මේ වාහනය මිලදීගෙන තියෙන්නේ රජයේ මැදිහත් වීමක් ඇතිව. එම ආයතනය මෙහි වගකීම ගන්න ඕනේ. අනෙක මේ කාන්තාවට වූ පාඩුවටත් වන්දි ගෙවන්න ඕනේ. මේකද රජය කියා සිටින "අතදීම"
ලුම්බිණි Saturday, 31 March 2018 03:48 AM
මට පෙනෙන විදියට මේ වාහන හදන අය සහ දිවි නැගුම කරපු අය තමන් ගානක් හොයා ගන්න අහිංසක මිනිසුන් අමාරුවේ දමලයි තිබෙන්නේ. අනික අලුත් වාහනයක් නම් වොරන්ටි එකක් තිබිය යුතුයි නේද?
Pilisaranak Monday, 02 April 2018 01:15 AM
පද්මලතා, මෙයට යන වියදම කීයක් වෙනවද කියල ඇහුවද? එය දුවපු කලේ අදායම වැඩි උනාද?
t.n.j.kumara Monday, 02 April 2018 09:40 AM
මේ වගේ වැඩ කරන අයට රජකාලේ දුන්නු දඬුවම් දුන්නත් මට හිතෙන හැටියට නම් මදි...
himal Tuesday, 03 April 2018 05:48 AM
මේ වාහන ගොඩක් දෙනෙක් අරගෙන තමන්ගේ ව්‍යාපාර දියුණු කර ගත්තා. ඒත් මෙයාට දියුණු කර ගන්න බැරි වෙලා දැන් ඒක එක් එක් කෙනාට පාස් කරනවා. වාහනය ගන්න තමන් ණය වෙනවා නම්, ඒක තමන්ගේ පුද්ගලික තීරණයක්. ඒක උපයන ආදායමින් ගෙවන්න තමන් දැන ගන්න ඕන. මේ වාහනය ගන්න කොට වැඩ කරේ නෑ කියලා කියන්න මොනවද තියෙන සාක්ෂි? එහෙම වැඩ නොකරා නම් ඇයි වාහනේ භාර ගත්තේ? වාහනේ නිකන්ම කැඩෙන්නේ නෑනේ. මෙතන තියෙන්නේ කොළේ වහලා ගැහිල්ලක්.
lankonis Tuesday, 03 April 2018 07:13 AM
මේ දෙපාර්තමේන්තුව පටන්ගත් කාලෙ සමහරු කිව්වෙ දිවිනැගුම කියලා නොවේ දිවිනැසුම කියලා පත්මලතාට වෙච්ච දෙයින් එය ඇත්ත බව පේනවා වගකිව යුත්තො හිටපු අයට වරද පටවනවා. මේක තමයි ඵලදායිතා සම්මාන දීම ඇතිකලාට පසුව රාජ්‍ය සෙවයේ තත්වය
sasith Thursday, 05 April 2018 07:59 AM
පද්මලතා ඔයා ඔයාගේ ගමේ උපන් පද්මයක්. පද්මයක් සේ ලතාවට නැවත නැගිටින්න. ඔයගේ දෙපයින් සිට ගන්න. අපේ පද්මලතා.....ට ජයවේවා! ජෙයෙන් ජෙයම වේවා!