(කටුනායක ටී.කේ.ජී.කපිල )
ඉන්දියානේ අභ්යන්තර ගුවන් සේවාවක් වන ‘ඉන්ඩිගෝ“ ගුවන් සේවය ශ්රී ලංකාව සහ ඉන්දියාව අතර නව ගුවන් සේවයක් ලෙසින් අද උදෑසන සිට ගමන්වාර ආරම්භ කළේය. ඉන්දියාවේ චෙන්නායි සහ බැංගලෝර් සිට කටුනායක ගුවන් තොටුපොළ දක්වා දවසකට තුන් වරක් මෙම ගුවන් සේවය ක්රියාත්මක වෙයි.
අඩු වියදම් ගුවන් සේවයක් ලෙස මෙම "ඉන්ඩිගෝ ගුවන් සේවය " ක්රියාත්මක වීමට නියමිතය . මෙම ගුවන් සේවයේ ප්රථම ගමන්වාරය අද (20) උදෑසන 8.00 ට පමණ ඉන්දියාවේ චෙන්නායි සිට කටුනායක ගුවන් තොටුපොළ වෙත ක්රියාත්මක විය. යානයේ නියමුවා ලෙස කපිතාන් අෂීම් මිත්රා මහතා කටයුතු කළේය.
මේ වෙනුවෙන් කටුනායක ගුවන් තොටුපොළ තුළ පිළිගැනීමේ උත්සවයක් ද පැවැත්වුනි . නව ගුවන් සේවයේ ශ්රී ලංකා නියෝජිතවරයා ලෙස හේමාස් සමාගම කටයුතු කරයි .
වරැන් බෙවරේජස් ලංකා යනු ශ්රී ලංකාවේ ප්රමුඛ පෙළේ සිසිල් බීම නිෂ්පාදකයකු වන අතර, ඔවුන් එක්සත් ජනපදයෙන් පිටත PepsiCo හි විශාලතම සැපයුම්කරු වේ. ඔවුන් විසින්
මෝටර් රථ ක්ෂේත්රයේ ප්රමුඛතම සන්නාමයක් වන Toyota ලංකා (පෞද්ගලික) සමාගම විසින් දිවයින පුරා විසිරී සිටින සිය අලෙවි නියෝජිතයන්ගේ විශිෂ්ට සේවාව අගය කිරීම වෙ
ඇපල් සමාගම හෙට (07) පැසිෆික් වේලාවෙන් උදෑසන 7ට පැවැත්වෙන විනාඩි 35ක අතත්ය උත්සවයකට සහභාගී වීමට සියල්ලන්ටම ආරාධනා කළේය.
ආනවිලුන්දාව රැම්සාර් තෙත්බිම් හි, ස්වභාවික කඩොලාන ප්රතිස්ථාපනය කිරීමේ ව්යාපෘතිය සඳහා වනජීවී සංරක්ෂණ දෙපාර්තමේන්තුවේ (DWC) ප්රධාන පාර්ශවකරුවකු වන
චීනයේ විශාලතම මෝටර් රථ ප්රදර්ශනය වන බෙයිජිං මෝටර් රථ ප්රදර්ශනය පසුගිය 25 වෙනිදා සිට ඊයේ (04) වැනිදා දක්වා බෙයිජිං නුවරදී පැවැත්විණි.
ලොව ධනවත්ම පුද්ගලයන්ට පැරිස් ඔලිම්පික් තරගාවලිය නැරඹීම සඳහා ඇමෙරිකානු ඩොලර් 381,600 ක (ශ්රී ලංකා රුපියල් කෝටි 11ක පමණ) අති විශේෂ පැකේජයක් හඳුන්වා දීමට ජී.ආ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඉන්ඩිගෝ ගුවන් සේවය කොළඹ ගමන් අරඹයි
indika Saturday, 20 January 2018 06:00 AM
හරිම සතුටු මෙවැනි ගුවන් සේවා ලංකාවට එන එක. මොකද ලංකාව හබ් එකක් කරන්නනම් මගීන් ගෙන්න ගන්න උවමනයි.
Perakum Saturday, 20 January 2018 09:28 AM
ඉන්දියාවේ අභ්යන්තර ගුවන් සේවා ඉතාමත්ම දුර්වල හා භයානක තත්වයේ තියෙන්නේ. ප්රවේසම් වෙන්න.
Don Saturday, 20 January 2018 10:23 AM
ටිකට් එකක් කීයද?
kuma Sunday, 21 January 2018 09:36 AM
අපේ මිහින් ලංකා නවත්තලා සල්ලි පිටරටට දෙන්න.. එ්ක තමයි හොඳ.
waruna Tuesday, 23 January 2018 06:50 AM
කුමාර, ශ්රී ලන්කන් එයාර් ලයින් එක හරියට දුවාගන්න බැරුව කොහොමද මිහින් ලංකා නඩත්තු කරන්නේ
vajira Monday, 22 January 2018 03:30 AM
kuma මිහින් ලංකා, ලංකාවට ගේනවා වගේ තුන් ගුණයක් විතර පිටරට ඇරියා හොරකම් සහ නුසුදුසු පාලකයෝ පත් කරපු නිසා !
indika Monday, 22 January 2018 07:12 AM
මගේ කියමනට අකමැති අයවලුන් ඉන්නවා කියල හිතාගන්න මට අමරුයි. මොකද මම කිව්වේ රටට හොදක් වෙන දෙයක්. මේවගේ අකමැති අයවලුත් අපේ රටේ ඉන්නවා
bandara Monday, 22 January 2018 08:42 AM
මගේ දැනුමේ හැටියට ඉන්දියාවේ පවතින ප්රධාන ගුවන් සමාගම් අතරින් ලාබ ලබන එකම ගුවන් සමාගම වන්නේ IndiGo ගුවන් සමාගම පමණි සහ එහි සේවාව ඉතාමත් ඉහල මට්ටමක පවතී (සාපේක්ෂව). ලිපියෙහි සදහන් පරිදී මෙය ඉන්දියානු අභ්යන්තර ගුවන් සේවාවක් නොවේ. එය ලියුම්කරුගේ බොරුවකි හෝ ඔහුගේ නොදැනුවත්කමද විය හැක. මේ වනවිටත් IndiGo ගුවන් සේවය මැද පෙරදිග ඇතුළු ජාත්යන්තර ගුවන් සේවා කීපයක් ක්රියාත්මක කරමින් පවතී.
PerakumTuesday, 23 January 2018 04:54 AM
කරුණු පැහැදිලි කිරීම ගැන බණ්ඩාරට ස්තූතියි.
ravi Monday, 22 January 2018 10:56 AM
මෙය ඉන්දියාව තුළ ගමනාන්ත 41 ක් හා වෙනත් රටවලට ගමනාන්ත 7 ක් ක්රියාත්මක කරන ගුවන් සමාගමකි.............
Neelaka Monday, 22 January 2018 12:36 PM
මුළු රටේම සම්පත් සහ සේවාවන් වෙන රටවල් වලට විකුණන එක දැන් පුරුද්දට ගිහිල්ලා
indikaTuesday, 23 January 2018 06:13 AM
ඉන්දිගෝ ලංකාවට ආවා කියල සම්පත් විකුණනවා කියන්නේ කොහොමද. මෝඩ කතා කියන්න එපා. හොද දෙයක් හොදා කියල කියන්නේ නැතිව. මොන ලෝකෙද ඉන්නේ ඔබතුමා.
thilina Tuesday, 23 January 2018 05:40 PM
ඉන්දික සමග මම ද එකඟ වෙමි. මේ මගින් යම් පමණකට විදේශ විනිමයක්ද අපට නොලැබෙනවාම නොවේ. පැහැදිලිවම අපි මේ දුප්පත් මානසිකත්වයෙන් මිදී ඉදිරියට යායුතුමය. ආසියාවේ දෙවන විශාලතම අඩු පිරිවැය ගුවන් සේවය වන "ඉන්ඩිගෝ" ගුවන් සමාගම ඇමෙරිකාවේ වෙසෙන අනේවාසික ඉන්දීය ජාතිකයන් දෙදෙනකු වන රාහුල් භාතියා සහ රකේෂ් ග(න්) දෙදෙනා විසින් ආරම්භ කර ඇති මෙම ගුවන් සේවාව දිනපතා ගමන් වාර 679 ගමනාන්තයන් 40 ක් වෙත සිය පියාපත් දිග හරියි. මෙම ගුවන්යානාවල ඇත්තේ පිරිමැසුම් ( ඉකොනොමි ක්ලාස් ) පන්තිය පමණක් වන අතර එහි ගමන් කළ හැක්කේ මගීන් 180 ක් පමණි. මෙම ගුවන් සේවය 2006 මැද භාගයේදී ආරම්භ කර ඇත.