ෆේස්බුක් සමාගමේ හිමිකාරීත්වය දරන ‘මෙටා’ සමාගමට ඇමෙරිකානු ඩොලර් බිලියන 1.3ක (යූරෝ බිලියන 1.2) දඩයක් නියම වී තිබේ.
මෙම දඩය නියම කර ඇත්තේ යුරෝපා සංගමයේ පෞද්ගලිකත්ව නියාමකයා වන ඇමෙරිකා එක්සත් ජනපදයට දත්ත මාරු කිරීම නැවැත්වීම සඳහා මාස පහක කාලයක් ද ලබා දී ඇත. පරිශීලක තොරතුරු පරිහරණය කිරීමට අදාළව මෙටා සමාගමට මෙම දඩය නියම වී තිබේ.
යුරෝපා අධිකරණය දත්ත මාරු කිරීම/පැවැරීමට අදාළව 2020 වසරේ කළ නියෝගයක් ඉක්මවා මෙටා සමාගම කටයුතු කිරීම හේතුවෙන් අයර්ලන්ත දත්ත ආරක්ෂණ කොමසාරිස්වරයා මෙම දඩය පනවා ඇත. අදාළ නියෝගය මගින් යුරෝපා සංගමය සහ ඇමෙරිකා එක්සත් ජනපදය අතර දත්ත මාරු කිරීමේ ගිවිසුම අවලංගු කර තිබේ. යුරෝපා සංගමය මීට පෙර පරිශීලකයන්ගේ පෞද්ගලිකත්වයට හානි කිරීම, කඩ කිරීම හෝ ඊට අදාළ චෝදනාවලට අදාළව ඇමසන් සමාගමට 2021 වසරේ දී යූරෝ මිලියන 746ක දඩයක් පැනවීය. ලක්සම්බර්ග් වෙතින් අදාළ දඩය නියම විණි.
කෙසේ නමුත් මෙවර මෙටා සමාගමට පැනවූ දඩය මේ අනුව වාර්තා ගත දඩයක් බවට පත්ව තිබේ. මීට පෙර පෞද්ගලිකත්වය කඩ කිරීම සම්බන්ධයෙන් කිසිදු සමාගමකට මෙතරම් ඉහළ දඩයක් පනවා නොමැත.
මෙටා සමාගමට අයත් ෆේස්බුක් සමාජ ජාලයේ දත්ත ගබඩා සහ ඒ සම්බන්ධයෙන් වන කතාබහ සහ අර්බුද ඇති වූයේ මීට දශකයකට පෙර ය. ඇමෙරිකා එක්සත් ජනපදය පෞද්ගලික දත්ත එක්රැස් කිරීමට එරෙහිව මැක්ස් ෂ්රෙම්ස් නෛතික ක්රියාමාර්ග ගැනීමත් සමඟ ය. ඔහු එම ක්රියාමාර්ග ගත්තේ ඇමෙරිකා එක්සත් ජනපදයේ ජාතික ආරක්ෂක කාර්යාංශයේ (එන්.එස්.ඒ - NSA) කොන්ත්රාත්කරුවකු ලෙස සේවය කළ එඩ්වඩ් ස්නෝඩන් ඉතාමත් රහසිගත තොරතුරු රැසක් අනාවරණය කිරීමත් සමඟ ය. මැක්ස් ෂ්රෙම්ස් ඔස්ට්රියානු ජාතිකයකු වන අතර ඔහු පෞද්ගලිකත්වය සම්බන්ධයෙන් ක්රියාකාරියකු මෙන්ම නීතිඥයකු ද වේ. හෙතෙම, ෆේස්බුක් සමාගමේ පෞද්ගලිකත්වය උල්ලංඝනය කිරීම්වලට එරෙහිව අඛණ්ඩව ක්රියාමාර්ග ගත්තෙකි.
මෙම නියෝගයට අදාළව අභියාචනයක් ඉදිරිපත් කරන බවත් මෙම පනවා ඇති දඩය අයුක්ති සහගත සහ අනවශ්ය එකක් යැයි මේ සම්බන්ධයෙන් නිවේදනයක් නිකුත් කරමින් මෙටා සමාගම සඳහන් කළේ ය. අධිකරණය විසින් පනවා ඇති අත්හිටුවීමේ නියෝගවලින් ද ඉවත් ව සිටින බව මෙටා සමාගම නිවේදනය කළේ ය.
දත්ත මාරු කිරීම් අත්හිටුවීමට පෙර යුරෝපා සංගම් පුරවැසියන්ගේ පෞද්ගලික දත්ත ආරක්ෂිතව ඇමෙරිකා එක්සත් ජනපදයට මාරු කිරීම සඳහා නව ගිවිසුමකට එළැඹෙන බව ද මෙටා සමාගම සඳහන් කළේ ය.
(රොයිටර්)
අධිකරණයට අපහාස කිරීමේ චෝදනා මත, ඇමෙරිකන් හිටපු ජනාධිපති ඩොනල්ඩ් ට්රම්ප්ට ඇමෙරිකන් ඩොලර් 9,000 ක දඩයක් නියම විය.
බටහිර ඇෆ්ගනිස්තානයේ හේරත් නුවර මුස්ලිම් පල්ලියකට තුවක්කුකරුවෝ පිරිසක් කඩා වැදුණාහ. තුවක්කුකරුවන් කළ වෙඩි තැබීම්වලින් පල්ලියේ සිටි මුස්ලිම් බැතිමත
ඉන්දුනීසියාවේ රුඅංග් ගිනි කන්ද පුපුරා යෑමටත් දුම් වලා පිට කිරීමටත් පටන් ගත්තේය. ගිනි කන්දෙන් නැගුණු දුම්වලා හේතුවෙන් ගුවන් ගමන් බොහොමයක් අවලංගු කෙරු
ඊශ්රායල ප්රහාර හේතුවෙන්, ගාසා තීරයේ පලස්තීනුවන් මියයෑමට එරෙහිව විරෝධතා පැවැත්වෙන නිව්යෝක් කොලොම්බියා විශ්ව විද්යාලයට ඊයේ (30) පොලිසිය කඩා වැදුණි.
ගාසා තීරයේ කාන් යූනිස් නගරයේ රෝහලක් අසලින් හමුවුණු සමූහ මිනීවල සම්බන්ධයෙන් අපක්ෂපාතී පරීක්ෂණයක් කඩිනමින් සිදු කළ යුතු යැයි එක්සත් ජාතීන්ගේ මහ ලේකම්
‘වොට්ස්ඇප්’ සමාජ මාධ්ය ඔස්සේ මුදල් වංචා කළ 100 කට වැඩි අපරාධ කල්ලි සාමාජිකයන් පිරිසක්, එරට පොලිසිය විසින් අත්අඩංගුවට ගනු ලැබ ඇතැයි වාර්තා වේ.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘මෙටා’ සමාගමට දඩ