ලොව දුප්පත්ම ජනපති හොසේ මුජිකා සමුගනී

ලොව දිළිඳුතම ජනාධිපති යන නාමයෙන් ලොව පුරා ප්‍රසිද්ධියට පත්, ලතින් ඇමෙරිකාවට අයත් බොලිවියා රාජ්‍යයේ හිටපු ජනාධිපති හෝසේ මුජිකා දිවියෙන් සමුගත්තේය. ඔහුගේ වයස අවුරුදු 89 කි.

වාමාංශික දේශපාලනඥයකු වූ මුජිකා, ප්‍රගතශීලී සමාජ ප්‍රතිසංස්කරණ රැසක් හඳුන්වා දුන් නායකයෙකි. ඔහු සමාජ ක්‍රියාකාරියකු ලෙස ද ප්‍රකටය.

මුජිකාගේ අභාවය ලොවට දැනුම් දුන්නේ, වත්මන් උරුගුවේ ජනාධිපති යමන්ඩු ඔර්සි විසිනි. ‘ඔහු සැබෑ නායකයෙක්. අවංක මිතුරෙක්. උරුගුවේ වැසියන්ගේ හද ගැස්ම ඔහුයි. ඉතිං ආයුබෝවන්’ යනුවෙන් ඔර්සි, හිටපු ජනාධිපතිවරයා ගැන ගුණ කථනයක් ද කර ඇත.

මුජිකා පිළිකාවකින් පීඩා වින්දේය. තමන් පිළිකා රෝගියකු බවත්, තමන්ට ජීවත් වීමට වැඩි කාලයක් නොමැති බවත් මුජිකා මාධ්‍යවේදීන් හමුවේ කියා සිටියේ 2024 දීය. ඊට අමතරව, මුජිකා වකුගඩු අක්‍රිය වීමේ රෝගී තත්වයකට ද මුහුණ පා සිටි බව පැවැසෙයි.

කියුබානු විප්ලවයෙන් පන්නරය ලැබූ මුජිකා, 1960 දශකයේ අවි අතට ගත් වාමාංශික ගරිල්ලා සටන්කාමියකු විය. එදා උරුගුවේ රාජ්‍යයේ පැවැතියේ හමුදා පාලනයකි. හමුදා අත්අඩංගුවට පත්වුණු මුජිකා වසර 15 ක් සිරබත් කෑවේය. ඒ, නොයෙක් ආකාරයේ වධ හිංසාවලට ලක් වෙමිනි.

මුජිකා, උරුගුවේ ජනාධිපති ධුරයට පත් වූයේ 2009 වසරේ පැවැති ජනාධිපතිවරණයෙන් සියයට 50 කට වැඩි ප්‍රතිශතයක් දිනා ගනිමිනි. 2010 සිට 2015 තෙක් මුජිකා ජනාධිපති ධුරය හෙබවූ අතර එම කාලයේ උරුගුවේ ආර්ථිකය පිබිඳීමකට ලක් විය. ඔහු හඳුන්වා දුන් ප්‍රතිසංස්කරණ බොහෝ දෙනාගේ පැසැසුමට ද හේතුවක් විය.
උරුගුවේ වැසියන්ගේ අදහස නම්, ඔවුන්ට හිමිවුණු ඉතාමත්ම නිහතමානී ජනාධිපතිවරයා හෝසේ මුජිකා බවය.

ජනාධිපති ධුරය හොබවද්දී පවා මුජිකා ජනාධිපති මන්දිරය වෙනුවට , පිටිසරබද පිහිටි සිය ගොවිපොල නිවසේ පදිංචි වීම ඊට හේතුවය. මියයනතුරුම මුජිකා භාවිතයට ගත්තේ පැරණි සහ අබලන් වූ වොක්ස්වැගන් රථයකි. මුජිකා මෙන්ම මෙම වෝක්ස්වැගන් රථය ද ලොව ජනප්‍රියය.

(ඒ.එෆ්.පී.)

අදහස් (9)

ලොව දුප්පත්ම ජනපති හොසේ මුජිකා සමුගනී

කව්ද බෝයි Wednesday, 14 May 2025 10:49 AM

ලංකාවේත් ඉන්නවා... දුප්පත්ම දුප්පත් ජනපතිලා හතර දෙනෙකුයි, වැන්ඳඹු ජනපති බිරියකුයි. ඒ ගොල්ලෝත් ජීවත් වෙන්නේත් ජනපති මන්දිර වෙනුවට පිටිසරබද කටුමැටි නිවාසවල. ගමන්, බිමන් යන්නේ අබලන් වූ පාපැදියෙන්. බලයේ ඉන්දැද්දී, රටේ ජනතාවට ලෝකේම තියෙන ආශ්චර්යය පෙන්වපු, දිව්‍ය ලෝක සැප සම්පත් මෙලොවදීම විඳපු, රටට බරක් නොවිච්චි, ලෝකෙටම හාස්‍යයක් නොවිච්චි, උතුම්, සත්ගුණවත් කට්ටිය...!

: 0 6

යෝගා Wednesday, 14 May 2025 10:50 AM

ආසියාවේ දුප්පත්ම රටක ඉන්නවලු මුලින් කෝච්චියේ කඩල විකුණපු දැන් යුරෝපයේ නැව් හිමියකු වෙච්චි හාදයෙක්. හැබැයි කවදාවත් රස්සාවක් ව්‍යාපාරයක් කරපු කෙනෙකුත් නෙමෙයි...

: 6 0

The Three Idiots Wednesday, 14 May 2025 01:19 PM

ආසියාවේ ධනවත්ම දේශපාලකයා ඉන්නේ නම් මෙහේ. කොච්චර පෝසත්ද කියනවා නම් ජීවිතේට රස්සාවක් නොකරපු පුතාලත් ප්‍රකෝටිපතියෝ...

: 0 7

පොඩිඑකා Wednesday, 14 May 2025 11:08 AM

දුප්පත්ම ලොව හිටපු, ධනවත්ම ජනපති නං අපි ළඟ තවම ඉන්නවා...!

: 0 4

විපුල විජේතුංග Wednesday, 14 May 2025 11:27 AM

ලොව දුප්පත්ම නොවෙයි... ලොව පෝසත්ම ජනපති ඔහුයි. ඔබට සුබ ගමන් ජනාධිපතිතුමනි... (දැන් ඉන්න අයට හොද ආදර්ශයක් එතුමා)

: 0 7

ගුණරත්න Wednesday, 14 May 2025 11:42 AM

මේ ලෝකේ දුප්පත්ම ජනාධිපති නොවෙයි. මේ මනුස්සයා වැදගත් විදියට තමන්ගේ ජොබ් එක කරලා වැදගත් විදියට අයින් වුණා, එච්චරයි. ඔය ගැන එතුමන්ගෙන් අහලා තිබ්බාම කියලාත් තිබුණා තමන් දුප්පත්ම ජනාධිපති නොවන බව. තමන් සරල ජීවිතයක් ගත කරන්න කැමැති නිසා එහෙම ඉන්නා බව...

: 3 4

කෞෂි Wednesday, 14 May 2025 01:49 PM

ඒකට අපේ හිටපු අය, නේද ගුණේ ...?

: 0 1

Sanath Wednesday, 14 May 2025 11:56 AM

ඔහු උරුගුවේ රාජ්‍යයේ හිටපු ජනාධිපති. බොලිවියා නොවෙයි...

: 0 5

Nihal Wednesday, 14 May 2025 01:26 PM

ඒකටත් එක්ක අපේ හතර තවම කනවා.

: 0 3

ඔබේ අදහස් එවන්න

සයුරෙන් එතෙර

ග්‍රීසියට භූමිකම්පාවක්

2025 මැයි මස 14 21 0

ග්‍රීසිය ප්‍රබල භූමි කම්පාවකින් කැලැඹිණි. භූමිකම්පාවේ ප්‍රබලත්වය සටහන් වූයේ රික්ටර් පරිමාණයේ ඒකක 6.1 ක් ලෙසය.

ලූලා ද සිල්වා චීන ජනාධිපති හමුවෙයි

2025 මැයි මස 14 380 1

බ්‍රසීල ජනාධිපති ලූලා ද සිල්වා සහ චීන ජනාධිපති ෂී ජින්පින් අතරේ හමුවක් පැවැත්විණි. බ්‍රසීල ජනාධිපති ලූලා ද සිල්වා, චීනයේ බෙයිජීං අගනුවරට පැමිණ සිටින අ

හසීනාගේ ‘අවාමි ලීගය’ ට තහංචියක්

2025 මැයි මස 14 45 0

විරෝධතා හමුවේ, ධුරයෙන් ඉවත් වී, රටින් පලා ගිය බංග්ලාදේශ හිටපු අග්‍රාමාත්‍ය ෂෙයික් හසීනාගේ ‘අවාමි ලීගය’ දේශපාලන පක්ෂයට තහංචි පැනවීමට, බංග්ලාදේශ මැතිව

බ්‍රිතාන්‍ය අගමැතිගේ පවුලේ නිවස ගිනි අරන්

2025 මැයි මස 14 26 0

බ්‍රිතාන්‍ය අග්‍රාමාත්‍ය කියෙර් ස්ටාර්මර්ගේ කෙන්ටිෂ් ටවුන් පළාතේ පිහිටි පවුලේ නිවස ගිනි ගැනීමකට ලක් වුණු බවත්, එම ගිනි ගැනීම සම්බන්ධයෙන් පවතින සැක ස

යානය බිම දැම්මට රුසියාව චෝදනා

2025 මැයි මස 14 63 0

මැලේසියානු ගුවන් සේවයට අයත් ‘එච්.එම්. 17’ මගී ගුවන් යානය පහර දී බිම හෙළීම සම්බන්ධයෙන් රුසියාව වගකිව යුතු යැයි එක්සත් ජාතීන්ගේ ගුවන් සේවා ඒජන්සිය තීන්දු

ට්‍රම්ප් ට සැප ගුවන් යානයක්

2025 මැයි මස 14 2272 3

සෞදි සංචාරය අවසන් කිරීමෙන් පසු, ඇමෙරිකා ජනාධිපති ඩොනල්ඩ් ට්‍රම්ප් කටාර් රාජ්‍යයේ සංචාරය කිරීමට නියමිතය. මෙම සංචාරයේ දී ඇමෙරිකන් ජනාධිපතිවරයාට කටාර්