අත්යන්ත කාලගුණික තත්ත්ව හේතුවෙන් ඉකුත් වසර 50 කාලයේදී මිලියන දෙකකට වැඩි පිරිසක් මියගොස් ඇතැයි එක්සත් ජාතීන්ගේ සංවිධානය සඳහන් කරයි. අහිතකර කාලගුණික තත්ත්ව හේතුවෙන් මේ කාලයේ දී සිදුව ඇති ආර්ථික පාඩුව ඇමෙරිකානු ඩොලර් ට්රිලියන 4ක ඉක්මවයි.
ලෝක කාලගුණ විද්යා සංවිධානය නිවේදනයක් නිකුත් කරමින් මේ බව සඳහන් කර තිබේ.
වසර 1970 සිට 2021 දක්වා කාලයේ දී කාලගුණික, දේශගුණික සහ ජල ආශ්රිත අනතුරු සහ උපද්රව නිසා ව්යවසන 12,000කට වැඩි ප්රමාණයක් සිදුව ඇතැයි ද ලෝක කාලගුණ විද්යා සංවිධානය සඳහන් කරයි. මෙම ව්යවසනවලින් වැඩිම බලපෑමක් සිදුව ඇත්තේ සංවර්ධනය වෙමින් තිබෙන රටවලට වන අතර මරණ 10කින් නමයක් ම සිදුව ඇත්තේ මෙම ව්යවසන නිසා ය. ආර්ථික පාඩුවලින් සියයට 60ක්ම සිදුව ඇත්තේ දැඩි අහිතකර කාලගුණික තත්ත්ව සහ දේශගුණික කම්පන හේතුවෙන් යැයි ද එම සංවිධානය කියයි.
මෙම ව්යවසන හේතුවෙන් අව සංවර්ධිත රටවල් සහ සංවර්ධනය වෙමින් තිබෙන කුඩා දූපත් රටවල් “විසමානුපාතික” ලෙස පීඩාවට පත්ව ඇතැයි ද ඔවුන්ගේ ආර්ථික දෙස බැලීමේදී අදාළ රටවලට මෙම ව්යවසන හේතුවෙන් විශාල පිරිවැයක් දැරීමට සිදුව ඇතැයි ද ලෝක කාලගුණ විද්යා සංවිධානය සඳහන් කරයි.
අවාසනාවන්ත ලෙස, කාලගුණික, දේශගුණික සහ ජල ආශ්රිත අනතුරු සහ උපද්රව නිසා ඇති වූ ව්යවසනවල පීඩාවට දැරීමට සිදුව ඇත්තේ ද වඩාත් අවදානම් ප්රජාවලට යැයි මේ සම්බන්ධයෙන් අදහස් දක්වමින් ලෝක කාලගුණ විද්යා සංවිධානයේ මහලේකම් පෙටෙරි ටලාස් පැවැසීය.
ගෙවුණු වසර 50කට ආසන්න කාලයේ දී ස්වභාවික ව්යවසන හේතුවෙන් අව සංවර්ධිත රටවලට සිදුව ඇති ආර්ථික පාඩුව දළ දේශීය නිෂ්පාදිතයෙන් සියයට 30කට ආසන්න යැයි ලෝක කාලගුණ විද්යා සංවිධානයේ නවතම වාර්තාවේ සඳහන් ය.
සෑම ව්යවසන පහකින්ම එකක් හේතුවෙන් සංවර්ධනය වෙමින් තිබෙන කුඩා දූපත් රටවල දළ දේශීය නිෂ්පාදිතයෙන් සියයට පහකට හෝ ඊට වඩා වැඩි ප්රමාණයකට බලපා තිබේ. ඇතැම් අවස්ථාවලදී මේ ව්යවසන හේතුවෙන් මේ රටවල සමස්ත ආර්ථිකය ම අතුගා දමා ඇත.
දැඩි අහිතකර කාලගුණික තත්ත්ව හේතුවෙන් පසුගිය වසර 50ක කාලයේ දී වැඩිම මරණ ගණනාවක් වාර්තා වී ඇත්තේ ආසියාවෙන් වන අතර එම මරණ සංඛ්යාව මිලියනයකට ආසන්න වේ. එයින් ද අඩකට වැඩියෙන් වාර්තා වී ඇත්තේ බංග්ලාදේශයෙනි.
අහිතකර කාලගුණික තත්ත්ව හේතුවෙන් අප්රිකාවෙන් මරණ 733,585ක් වාර්තා වී ඇති අතර එයින් සියයට 95ක් ම වාර්තා වී ඇත්තේ නියං තත්ත්ව හේතුවෙන්.
(එක්සත් ජාතීන්ගේ පුවත් ඇසුරිනි)
ආරක්ෂක සහයෝගීතාවක් වෙනුවෙන්, රුසියාවත් ඉරානයත් අතරේ අවබෝධතා ගිවිසුමකට අත්සන් තැබුණි. ඉරානය වෙනුවෙන් ඉරාන ජාතික ආරක්ෂක කවුන්සිලයේ මහ ලේකම් අලී අක්බා
ස්පාඤ්ඤ අග්රාමාත්ය පේඩ්රෝ සැන්චේස්ගේ බිරිඳට අල්ලස් චෝදනා එල්ල වී ඇති අතර, එම චෝදනා සම්බන්ධයෙන් වහා විමර්ශනයක් අරඹන්නැයි ස්පාඤ්ඤ අධිකරණයක් ඊයේ (24)
චීනය සමඟ යහපත් සබඳතා වර්ධනය කර ගැනීමේ අරමුණින්, ඇමෙරිකා රාජ්ය ලේකම් ඇන්තනි බ්ලින්කන් ඊයේ (25) චීනයේ බෙයිජීං අගනුවරට පැමිණියේය.
මාස දෙකහමාරක් තිස්සේ වට හතකින් පැවැත්වෙන ඉන්දීය මහ මැතිවරණයේ දෙවැනි වටය හෙට (26) ආරම්භ වෙයි. කේරළ සහ කර්ණාඨක ප්රාන්ත වැසියන්ට ඡන්දය ප්රකාශ කිරීමට අවස්
ග්රීසියේ ඇතන්ස් අගනුවර වැසියන් මවිතයට පත් කරමින්, ඇතන්ස් අහස අඳුරු වී තැඹිලි පැහැයක් ගත්තේය. මෙම අසාමාන්ය සංසිද්ධිය සම්බන්ධයෙන්, ග්රීක කාලගුණ විද
යුක්රේනයට පවුම් මිලියන 500 (ඇමෙරිකන් ඩොලර් මිලියන 500) ක යුද ආධාර පැකේජයක් යුක්රේනයට ලබා දීමට බි්රතාන්ය අග්රාමාත්ය රිෂී සුනාක් කැමැත්ත පළ කර ඇත.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මිලියන දෙකක් මැරිලා