කොරෝනා වෛරසය ආසාධිත රෝගීන් දෙදෙනකු තම රටෙන් හමුවී ඇතැයි බ්‍රිතාන්‍ය සෞඛ්‍ය අංශ පවසයි.

රෝගීන් දෙදෙනා එකම පවුලකට අයත් බවත් ආරක්ෂිත තත්ත්ව යටතේ විශේෂ ප්‍රතිකර ලබාදෙන බවත් ඔවුහු පවසති.

කෙසේවුවද මේ සම්බන්ධ වැඩිදුර තොරතුරු බ්‍රිතාන්‍ය බලධාරීන් හෙළිකර නොමැත.

ඕනෑම ආසාදනයක් පාලනය කිරීම සඳහා බ්‍රිතාන්‍ය සෞඛ්‍ය අංශ ශක්තිමත් කර ඇති බවත්, රෝගය පැතිරීම වැළැක්වීම සඳහා රෝගීන් සමග ඇති සම්බන්ධතා හඳුනාගැනීමට වේගයෙන් කටයුතු කරමින් සිටින බවත් බ්‍රිතාන්‍යයේ ප්‍රධාන වෛද්‍ය නිලධාරී ක්‍රිස් විට්ටි මහතා පවසයි.

"වහාම ප්‍රතිචාර දැක්වීම සඳහා ශක්තිමත් ආසාදන පියවර අප සතුයි. ඇතිවන ඕනෑම සිදුවීමක් සඳහා අප සූදානම්. අපි ලෝක සෞඛ්‍ය සංවිධානය හා ජාත්‍යන්තර ප්‍රජාව සමග සමීපව කටයුතු කරනවා" යැයි ක්‍රිස් විට්ටි මහතා පවසයි.

(බීබිසී ඇසුරිණි - 085)