ගුවන් ප්‍රහාර සහ ෂෙල් වෙඩි ප්‍රහාර හේතුවෙන් මෙම මාසය තුළ සිරියාවේ වයඹ දිග පෙදෙස් වලින් 230000 ක පමණ පිරිසක් පලාගොස් ඇතැයි එක්සත් ජාතීන්ගේ සංවිධානය පවසයි.

දෙසැම්බර් මස 12 ත් 25 ත් අතර කාලයේ මෙම පලායෑම් සිදුව ඇත.

ඉඩ්ලිබ් නගරයෙන්, රුසියානු තුර්කි දේශ සීමාව අසල කඳවුරු වලින් මාරට් අල් නුමාන් නගරයෙන් සහ ඉඩ්ලිබ් පළාතේ දකුණු දිග නගර සහ ගම්මාන වලින් මොවුන් පලාගොස් තිබේ.

මාරටි අල් නුමාන් නගරය සහ ඒ අවට ගම්මාන හිස් වී ඇති බව බලධාරීහු පවසති.

සිරියානු රජය සහ රුසියාව ඒකාබද්ධව මෙම ප්‍රහාර එල්ල කරන අතර ඇමරිකාව මෙම ක්‍රියාව දැඩි ලෙස හෙළාදැක තිබේ.

රුසියාව, සිරියාව හා ඉරානය එක්ව ඉඩ්ලිබ් පළාතේ අහිංසක සිවිල් වැසියන් ඝාතනය කිරීම නවත්වන ලෙස ඇරිකානු ජනාධිපතිවරයා ඉල්ලා ඇත.

සිරියානු හමුදාව පවසන්නේ ඉඩ්ලිබ්හි ත්‍රස්තවාදී පාලනය අවසන් කිරීම සඳහා මෙම ප්‍රහාර එල්ල කරන බවයි.

(රොයිටර් පුවත් ඇසුරිණි - 085)