බ්රිතාන්යයේ ප්රමුඛ පෙළේ විද්යායතනයක් වන ස්කොට්ලන්තයේ එඩින්බරෝ විශ්ව විද්යාලය බොලිවුඩ් සිනමාවේ සුපිරි තරුවක් වන ශා රුක් ඛාන් වෙත ගෞරව උපාධියක් ප්රධානය කර ඇත.
ඉංග්රීසි කතාකරන රටවල් සියල්ලගේම ඇති පැරණිම විශ්වවිද්යාල අතර හය වැන්න මේ සරසවියයි.
ශාරුක් ඛාන් කාලයක සිට ක්රියාත්මක කරන විශිෂ්ට මානවහිතවාදී සමාජ සේවාවන් මෙන්ම සිනමා නළුවෙකු ලෙස ඔහු ලබාගැනීමට සමත්ව ඇති ජනප්රියත්වය සලකා බලා මෙම ගෞරව උපාධිය ලබාදීමට තීරණය කල බව විශ්වවිද්යාල පාලක මණ්ඩලය පවසා ඇත.
ඛාන් වෙත උපාධිය පිරිනැමුවේ කුලපති ඈන් කුමරිය විසිනි. මෙවැනි සම්භාවනීය විද්යායතනයකින් උපාධියක් ලබාගැනීමට හැකිවීම ගෞරවයක් බව ඛාන් පැවසිය.ඔහු විශ්ව විද්යාල සිසුන් අමතා විශේෂ දේශනයක්ද කළේය.
මේවනවිට ශාරුක් ඛාන් හින්දි චිත්රපට 80 කට වැඩි ප්රමාණයක ප්රධාන චරිතය සඳහා පෙනිසිට ඇත.
පසුගියදා එඩින්බරා විශ්ව විද්යාලය ඉන්දියානු කේන්ද්රයක්ද ස්ථාපිත කළේය. මීට පෙර මෙම විශ්ව විද්යාලය විසින් ඉන්දියාවේ හිටපු ජනපති ආචාර්ය අබ්දුල් කලාම් වෙතද ගෞරව උපාධියක් පිරිනමා ඇත. එඩින්බරා විශ්වවිද්යාලය සහ ඉන්දියාව අතර ඇති සහ සම්බන්ධතාවය වසර 250 කටත් වඩා පැරණි බව කියවේ. ඉන්දියාවේ රසායන විද්යාවේ පියා ලෙස සැලකෙන ආචාර්ය චන්ද්රා රායි එහි පැරණිම උපාධිධරයින්ගෙන් කෙනෙකි.
