බ්‍රසීලයේ රියෝ දි ජිනැයිරෝ නුවර, කැපකබානා වෙරළේ පැවැත්වුණු සුපිරි පොප් ගායිකා ලේඩි ගාගාගේ සංගීත ප්‍රසංගය ඉලක්ක කර ගනිමින් එල්ල වීමට සැලැසුම් කළ බෝම්බ ප්‍රහාරය සාර්ථකව ව්‍යර්ථ කිරීමට හැකිවුණු බව බ්‍රසීල පොලිසිය පවසයි.
එම සංගීත ප්‍රසංගය සමරිසි පුද්ගලයන් වෙනුවෙන්, නොමිලේ පැවැත්වුණු අතර, සමරිසි පුද්ගලයන් ඇතුළු මිලියන දෙකකට වැඩි පිරිසක් ඊට සහභාගී වූහ.
බෝම්බයක් ඇති බව දැනගත් සැණින් පොලිසිය වහා ක්‍රියාත්මක වුණු බවත් සැකකරුවන් තිදෙනකු අත්අඩංගුවට ගත් බවත් බ්‍රසීල මාධ්‍ය වාර්තා පවසයි. එම සැකකරුවන් සමාජ මාධ්‍ය ඔස්සේ ප්‍රසිද්ධියට පත්වීමේ අරමුණින්, මෙම බෝම්බ ප්‍රහාරය එල්ල කිරීමට උත්සාහ ගත් බව විදෙස් මාධ්‍ය වැඩිදුරටත් වාර්තා කර තිබේ.
(එන්.ඩී.ටීවී.)
