බෝම්බ පිරවූ රථයක් පදවාගෙන ගොස් මරාගෙන මැරෙන ප්රහාරයක් සිදුකිරීමට අණ ලැබෙන උස්බෙකිස්තාන තරුණයෙක් එම මෝටර් රථයට නැග කඳුළු සළණු සටහන්ව ඇති වීඩියෝ දර්ශන පෙළක් අන්තර්ජාලයට එක්ව තිබේ.
එම වීඩියෝ දර්ශනයන්හි සටහන්ව ඇති පරිදි ඔහු අවට සිටින්නවුන් ඔහුගේ පිටට තට්ටු කරමින් ඔහු සනසන්නට තැත් කළද ඒවායින් ඵලක් නොවේ.
අවසන ඔහු හඬමින්ම රථය පදවාගෙන යනුත් ඉලක්කය ආසන්නයේදී එය පුපුරුවා හරිනුත් වීඩියෝ දර්ශනයන්හි දැක්වේ.
මෙම තරුණයා සිරියාවේ අල් කයිඩා සංවිධානය හා එක්ව සටන් වදින අන්තවාදී කණ්ඩායමක සාමාජිකයකු බව අනාවරණයව ඇත. ප්රහාරය එල්ල කර ඇත්තේ එරට ෂුවා හා කෂ්රියෙහ් නම් ගම්මාන අත්පත් කරගැනීමට අල් කයිඩා සංවිධානයේ මෙහෙයුමක එක් අදියරක් ලෙස බව පැවසේ.
මියගිය තරුණයා තමන් මරාගෙන මැරෙන ප්රහාරයකට තෝරාගෙන ඇති බව දැනගන්නේ අවසාන මොහොතේදී බව වීඩියෝ දර්ශනයන් මුල සිටම නරඹන විට පැහැදිලි වේ.
