කැරැලිකරුවන් මධ්‍යම අපි‍්‍රකානු ජනරජයේ අගනුවර අත්පත් කර ගැනීමත් සමඟ එරට ජනපති ෆ‍්‍රැන්කොයිස් බොසී ඊයේ(26) අසල්වැසි කැමරුන් දේශයට පලා ගියේය.
සෙලේකා නමැති කැරැලිකරුවෝ බෙන්ගුයි අගනුවර පාලනය සියතට ගෙන සිටිති. ඒ සමඟ මධ්‍යම අපි‍්‍රකානු ජනරජයේ පාලනය සෙලේකා සටන්කාමී සන්ධානය යටතේ පවතින අතර එහි නායකයා වන්නේ මයිකල් ජොටෝඩියාය.
කැරැලිකරුවන් රටේ පාලනය අත්පත් කරගැනීමත් සමඟ අපි‍්‍රකානු සංගමය එරටට සංචාරක තහනමක් ද පැනවීය.
රජය හා කැරැලිකරුවන් අතර ඉකුත් ජනවාරි මාසයේදී ඇති කරගත් සාම ගිවිසුම පසුගිය සතියේදී අවසන් වූයේ කැරැලිකරුවන්  යළි රජයේ හමුදා වෙත ප‍්‍රහාර එල්ල කිරීමත් සමඟය.