මුහුදු වෙරළේ විවාහ ඡායාරූප ගනිමින් හිටි හෙදියක වූ මනාලියක මුහුදේ නාමින් සිටියදී හදිසියේ ඇතිවූ හෘදයාබාධයක් නිසා මරණාසන්නව සිටි පුද්ගලයකුගේ ජීවිතය බේරා ගැනීමට වෙහෙසුණාය.

දියේ ගිළී සිටි මේ පුද්ගලයා වෙරළට රැගෙන එන විට ඔහු හුස්ම ගනිමින් සිට නැහැ. උතුරු චීනයේ ලිසොනිං ප්‍රාන්තයේ රෝහලක හෘද ඒකකයේ රැකියාව කරන මේ හෙදිය පුරා විනාඩි 20ක් මේ පුද්ගලයාගේ ජීවිතය බේරාගැනීමට අපමණ වෙහෙසක් ගත්තද අවසානයේ ඔහු මිය ගියේය.

ගුඕ නම් එම හෙදියගේ පෙම්වතා කියනුයේ ඇය වැනි බිරියක ලැබීම ගැන ආඩම්බරවන බවයි.

‘මරණාසන්න පුද්ගලයෙක් සිටිනා බව දැන ගත් විගස ඇය මටත් වඩා වේගයෙන් පීනා ගියා‘ ඔහු පවසන්නේ සංතෝසයෙන්.

ගුඕ ගේ මේ ක්‍රියාව දුටු වටේ සිටි පිරිස ‘ලස්සනම මනාලිය‘ නමින් ඇය හැඳින්වූහ.

(ඡායාරූප - අන්තර්ජාලය ඇසුරිනි)