චීනයේ හෙනන් ප්රාන්තයේ යුන්තායි කන්දේ අඩි 3540 ක් ඉහළින් පිහිටි වීදුරු මාර්ගයෙහි කොටසක් සංචාරකයින් රැඳී සිටියදී ඉරිතලා ගොස් ඇති බව විදෙස් පුවත් සේවා පවසයි.
යූ හැඩයේ වීදුරු මාර්ගයක් වන එහි පතුල වීදුරු වලින් සකස් කර ඇත. මෙම මාර්ගය මහජනතාව සඳහා විවෘත කර ඇත්තේ මේ වසරේ සැප්තැම්බර් මස 20 වැනිදායි.
සිද්ධියවූ අවස්ථාවේ එහි සිටි සංචාරකයින් භීතියට පත්ව ඇති බවත් කියති.
එම වීදුරු මග මුහුදු මට්ටමේ සිට අඩි 4700 ක් උසින් පිහිටා ඇති අතර එය අඩි 200 ක පමණ දිගකින් යුක්තය.
එහි ප්රකාශකයකු ඩේලිමේල් වෙබ් අඩවියට ප්රකාශ කර ඇත්තේ සංචාරකයකුගේ මළ නොකන වානේ ජෝගුවක් වැටීමෙන් මෙහි ඉරිතැලීමක් සිදුව ඇති බවයි.
තීරු 3 කින් යුත් එහි එක්තීරුවක පමණක් ඇතිවූ එම ඉරිතැලීමෙන් සංචාරකයන්ට හානියක් නොවූ බවද ඔහු පවසා ඇත.
