බ්‍රිතාන්‍ය නගරසභා මැතිවරණය පසුගිය සති අන්තයේ පැවැත්වුණු අතර, එරට අග්‍රාමාත්‍ය රිෂී සුනාක්ගේ ‘කොන්සවර්ටිව්’ පාලක පක්ෂය පරාජයට පත් විය.
ජයග්‍රහණය කළේ විපක්ෂය වන කම්කරු පක්ෂයයි. මෙම නගරසභා මැතිවරණය සුනාක් සහ ඔහුගේ කොන්සවර්ටිව් පක්ෂයේ ජනප්‍රියත්වය උරගා බැලීමක් ලෙස හැඳින්විය හැකි බව දේශපාලන විශ්ලේෂකයෝ පැහැදිලි කළහ.
නගරසභා මැතිවරණය පරාජය වීමෙන් පෙනී යන්නේ සුනාක් සහ කොන්සවර්ටිව් පක්ෂයේ ජනප්‍රියත්වය කෙමෙන් ගිලිහී යමින් පවතින බව යැයි ද දේශපාලන විශ්ලේෂකයෝ පෙන්වා දෙති.
ලන්ඩන් නගරාධිපති ලෙස කටයුතු කරන කම්කරු පක්ෂ දේශපාලන සදීක් ඛාන්ට දිගටම එම තනතුරේ රැඳී සිටීමට සමත් විය. කොන්සවර්ටිව් පක්ෂයේ බලකොටු වී තිබුණු නගර බොහොමයක බලය අල්ලා ගැනීමට කම්කරුපක්ෂය සමත්වීම විශේෂත්වයකි.
(ඒ.එෆ්.පී.)
