මහනුරව ඓතිහාසික දළදා මාලිගාවේ දියවඩන නිලමේ ලෙස හිටපු දියවඩන නිලමේ ප්‍රදීප් නිලංග දෑල වැඩි ඡන්ද 145 ක් ලබා තේරී පත්විය. පසුගිය සිකුරාදා (07දා) පැවති නිලවරණයේ දී ඔහු ඡන්ද 195 ක් ලබා ගැනීමට සමත් විය.

මීට පෙර අවස්ථා දෙකකදී දළදා මාළිගාවේ දියවඩන නිලමේවරයා ලෙස කටයුතු කළ ප්‍රදීප් නිලංග දෑල තවත් වසර 10 ක කාලයක් සඳහා දියවඩන නිලමේවරයා ලෙස කටයුතු කරනු ඇත. මේ අනුව වාර්තාගත 30 වසරක කාලයක් දියවඩන නිලමේ තනතුරේ කටයුතු කිරීමේ අවස්ථාව නිලංග දෑල දියවඩන නිලමේවරයාට හිමිව තිබේ. 

මෙම නිලවරණයේ දී මහනුවර ශ්‍රී මහා කතරගම දේවාලයේ බස්නායක නිලමේ ඒ. එම්. දමින්ද බණ්ඩාර උඩුරාවණ ඡන්ද 50 ක් හිමිකරගත් අතර මහනුවර ශ්‍රී නාථ දේවාලයේ බස්නායක නිලමේ ඒ. ඩබ්ලිව්. සරත් බණ්ඩාරනායක ඡන්ද 13 ක් හිමිකරගත්තේය. 

මෙවර නිලවරණයට අපේක්ෂකයන් හත්දෙනෙකු ඉදිරිපත් වූ අතර ඉන් සිව් දෙනෙකුගේම නම් හෝ ඡන්ද විමසීම වෙනුවෙන් යෝජනා නොවීම කැපී පෙනෙන සිදුවීමක් විය.