(චන්දන ප්රනාන්දු )
වෙන්නප්පුවේ මහා පරිමාණ සත්ව නිෂ්පාදන ආයතනයකට පිරිසිදු ජලය මුදාහැරිමට ලබා දුන් බලපතක් භාවිතා කර උතුරු දුම්මලදෙණිය ප්රදේශයෙන් ගිංඔයට අප ජලය බැහැර කිරිමේ වැඩපිළිවෙලක් අනාවරණය වූ බව වෙන්නප්පුව ප්රාදේශිය ලේකම් කාර්යාලය පවසයි.
වසර ගණනාවක සිට වයඹ පළාත් පරිසර අධිකාරියෙන් ලබාගත් බලපතක් භාවිතා කර පිරිසිඳු ජලය මුවාවෙන් මෙම අප ජලය ගිංඔයට මුදාහැර ඇති බවට තොරතුරු ලැබි ඇතැයි වෙන්නප්පුව ප්රාදේශිය ලේකම් සුජීවා ප්රනාන්දු මහත්මිය පැවසුවාය.
මෙම අප ජලය ගිංඔයට මුදාහැරිම නිසා වර්ග මීටර් 20 ක් පුරා එම ජලය පැතිරෙන ආකාරය නිරික්ෂණය වූ බවත් ජලයේ සාම්පල් පරික්ෂා කර මෙම අප ජලය මුදා හැරිම සම්බන්ධයෙන් නීතිමය පියවර ගැනිමට කටයුතු කරන බවත් වෙන්නප්පුව ප්රාදේශිය සෞඛ්ය වෛද්ය නිලධාරි රුවන් පෙරමිණ මහතා පැවසිය.
“අපේ ආයතනය ගිංඔයට මුදා හරින්නේ පිරිසිදු කරපු ජලය ඒක මට වගකිමෙන් කියන්න පුලුවන් මම දන්නේ නැ මේක කොහොමද වුණේ කියලා.මමත් පරිසරයට ආදරය කරන මිනිහෙක්ගමම මේ ගැන සොයා බලන්නම් “යැයි එම ආයතනයේ සභාපතිවරයාගෙන් කළ විමසීමකදී පැවසීය.
