අධ්‍යාපන ක්ෂේත්‍රයේ අර්බුද රැසක් හටගෙන ඇති බවත් මුදල් වෙන් කිරීමෙන් ගොඩනැගිලි ඉදිකිරීමෙන් පමණක් ඒවාට විසඳුම් සෙවිය නොහැකි බවත් ජාතික ගුරු සවිය සංවිධානයේ සභාපති බෝසෙත් කළහේපතිරණ මහතා අද (18) පැවැසීය.
අධ්‍යාපනය අර්බුදය ජාතික අර්බුදයක් බවත් ජනාධිපතිවරයාගේ සිට සියලු පාර්ශව මෙම ජාතික අර්බුදය විසඳීමට ක්‍රියාමාර්ග ගත යුතු බව ත් ඔහු කීවේය.
“විද්‍යා විෂය නොමැති පාසල්වලින් පවා දරුවෝ විද්‍යා විෂයෙන් උසස් පෙළට සහභාගී වන සිදුවීම් අපට වාර්තා වෙනවා. ලංකාවේ විවිධ ප්‍රදේශවලින් පැමිණෙන දරුවන් නුවරඑළිය දිස්ත්‍රික්කයෙන් උසස් පෙළ විභාගයට ඉදිරිපත් වෙනවා.
නුවරඑළිය දිස්ත්‍රික්කය දුෂ්කර දිස්ත්‍රික්කය ලෙස සැලෙකනවා. විශ්ව විද්‍යාල ප්‍රවේශයේදී අඩු ඉසෙඞ් අගයකින් මේ ප්‍රදේශයේ දරුවන්ට විශ්ව විද්‍යාලවලට පිවිසීමට අවස්ථාව සැලසෙනවා. මේ අවස්ථාවෙන් බොහෝ පිරිස් ප්‍රයෝජන ගන්න උත්සාහ කරනවා. ඔවුන් නීති විරෝධී ලේඛන සකසමින් කටයුතු කරන අතර ඒවාට අධ්‍යාපන බලධාරීන්ගේ සහාය ද හිමි වෙනවා.“ යැයි ජාතික ගුරු සවිය සංවිධානයේ නුවරඑළිය දිස්ත්‍රික් නියෝජිත මාකඳුරේ රතන හිමියෝ පැවසූහ.
