(කරාපිටිය - ජී.ඩබ්ලිව්.කේ.ප්‍රේමතිලක ද සිල්වා)

වයස අවුරුදු 11 ක පාසැල් සිසුවෙකුට බරපතල ලිංගික අපයෝජනයට ලක්කිරීමේ  චෝදනා මත ඉමදුව ප්‍රදේශයේ ආරාමයක වෙසෙන  වයස අවුරුදු 47 ක චීවරධාරියෙකු අද (07) සැකපිට අත්අඩංගුවට ගත් බව ඉමදුව පොලිසිය කියයි.

පොලීසිය පවසන්නේ සැකකරුගේ කාමරයේ අදාල දරුවා නිරුවතින් සිටින විට ඒ බව දැක ඇති වෙනත් ළමුන් දෙදෙනෙකු අදාල දරුවාගේ මවට මේ බව දැන්වීමෙන් පසු වින්දිත දරුවාගේ මව මේ ගැන පොලීසියට කළ පැමිණිල්ල මත සැකකරු අත් අඩංගුවට ගත් බවයි.

පොලිසිය වින්දිත දරුවා වෛද්‍ය පරීක්ෂණය සඳහා කරාපිටිය ශික්ෂණ රෝහලේ  අධිකරණ වෛද්‍ය නිලධාරිවරයා වෙත යොමුකර තිබේ.

සැකකරු හෙට (08) ගාල්ල මහෙස්ත්‍රාත් අධිකරණයට ඉදිරිපත් කිරීමට නියමිතව ඇත.

ඉමදූව පොලිසිය මෙම සිද්ධිය සම්බන්ධයෙන් වැඩිදුර පරික්ෂණ කටයුතු සිදුකරයි.