(මොහොමඩ් ආසික්)

මධ්‍යම කඳුකරය පුරා පසුගිය දින කිහිපය තුල පැවැති අධික වැසි  සහ සුළං සහිත  කාලගුණ තත්වය හේතුවෙන් මහනුවර දිස්ත්‍රික්කයේ පවුල් 130 කට අයත් පුද්ගලයින් 540  දෙනෙකු පීඩාවට පත්ව ඇති බව ආපදා කළමනාකරණ මධ්‍යස්ථානය කියයි.

මධ්‍යම කඳුකරයට පැවැති අධික වර්ෂාවත් සමඟ මහනුවර දිස්ත්‍රික්කයේ ප්‍රාදේශිය ලේකම් කොට්ඨාස හතරකට නායයෑමේ අවදානම් නිවේදනය නිකුත් කරනු ලැබ තිබිණ.

මහනුවර දිස්ත්‍රික්කයේ ප්‍රාදේශය ලේකම් කොට්ඨාස  11 ක පවුල් 130 ක පුද්ගලයන් 540 දෙනෙකු පීඩාවට පත්ව ඇති බවද ආපදා කළමනාකරණ මධ්‍යස්ථානය කියයි.

ඒ අනුව උඩුනුවර ප්‍රාදේශිය ලේකම් කොට්ඨාසයේ පවුල් එකක පුද්ගලයින් පස් දෙනෙකුද, පස්බාගේ කෝරළය ප්‍රාදේශිය ලේකම් කොට්ඨාසයේ පවල් 99 කට  අයත් පුද්ගලයින් 443 කුද ගඟවට කෝරළය ප්‍රාදේශිය ලේකම් කොට්ඨාසයේ පවුල් හයක පුද්ගලයින් 14 දෙනෙකුද පූජාපිටිය  ප්‍රාදේශිය ලේකම් කොට්ඨාසයේ    පවුල් දෙකක පුද්ගලයින් දොළොස් දෙනෙකුද, අකුරණ ප්‍රාදේශිය ලේකම් කොට්ඨාසයේ  පවුල් පහක පුද්ගලයින් නව දෙනෙකුද, හාරිස්පත්තුව ප්‍රාදේශිය ලේකම් කොට්ඨාසයේ  එක් පවුලක පුද්ගලයින් හතර දෙනෙකු ද , උඩපළාත ප්‍රාදේශිය ලේකම් කොට්ඨාසයේ එක් පවුලක පුද්ගලයින් දෙදෙනෙකුද, හතරලියද්ද ප්‍රාදේශිය ලේකම් කොට්ඨාසයේ පවුල් තුනකට අයත් පුද්ගලයින් දස දෙනෙකුද, පාතදුම්බර ප්‍රාදේශිය ලේකම් කොට්ඨාසයේ පවුල්  ත16 ක පුද්ගලයින් 50 දෙනෙකුද තුම්පනේ ප්‍රාදේශිය ලේකම් කොට්ඨාසයේ පවුල් තුනකට අයත් පුද්ගලයින් 12 දෙනෙකුද  පාතහේවාහැට ප්‍රාදේශිය ලේකම් කොට්ඨාසයේ පවුල් දෙකක පුද්ගලයින් 12 දෙනෙකුද  ඇතුළුව පවුල් 130 ක අයත් පුද්ගලයින් 540 ක් පීඩාවට පත්ව ඇති බව ආපදා කළමණාකරණ මධ්‍යස්ථානය කියයි.

පීඩාවට පත්ව ඇති ජනතාව වෙනුවෙන් අවශ්‍ය සහනයන් ලබා දීමට  මහනුවර දිස්ත්‍රික් ලේකම් කාර්යාලයේ උපදෙස් මත ආපදා කළමණාකරන මධ්‍යස්ථානය  සහ ප්‍රාදේශිය ලේකම් කාර්යාල මගින් කටයුතු  කර ඇති බවද ආපදා කළමණාකරණ මධ්‍යස්ථානය කියයි.