(එච්. චන්දන )
 
මන්නාරම - නීන්තාලවීල්  රජයේ රක්ෂිතයේ පාලීආරු ඔයේ හා ඒ ආසන්නයේ අනවසරයෙන් වැලි ගොඩ දැමීම සම්බන්ධව සැකපිට පුද්ගලයින් 13 දෙනකු හා වැලි පැටවූ ටැක්ටර් රථ 03 ක් අත් අඩංගුවට ගත් බව මඩුපාර අඩවි වන කාර්යාලය කියයි.
 
වන සංරක්ෂණ දෙපාර්තුමේන්තුවේ මඩුපාර අඩවි වන කාර්යාලයට ලැබුණු තොරතුරකට අනුව වෙල්ලංකුලම බීට්ටුවේ පාලීආරු ඔය හා රක්ෂිතයේ ස්ථාන ගණනාවක  අනවසරයෙන් වැලි කපා ඉවත් කරමින් තිබූ ට්‍රැක්ටර් රථ 03 ක් හා සැකකරුවන් 13 දෙනෙකු අද (12)  දහවල් මෙලෙස අත් අඩංගුවට ගෙන ඇති අතර සැකකරුවන් වැලි පැටවීමට භාවිතා කල සවල් 06 ක් , උදළු 04 ක්ද මෙහිදී අත්අඩංගුවට ගෙන තිබේ.
 
මන්නාරම දිසා වන නිළධාරී  එම්.එස්.පි.එන් කැකුලන්දර මහතාගේ උපදෙස් පරිදි මඩුපාර අඩවි වන කාර්යාලය අඩවි වන නිළධාරී අශෝක ප්‍රේමරත්න මහතාගේ මෙහෙයවීමෙන් වෙල්ළුකුලම හා මුල්ලිකුළම වන නිළධාරින් විසින් මෙම වැටලීම සිදු කලේය.
 
සැකකරුවන් මන්නාරම අධිකරණයට ඉදිරිපත් කිරීමට නියමිතයි.