(නිශාන්ත කුමාර)
  
බලපත්‍රයක් නොමැතිව සිය ගෙවත්තේ තිබූ තේක්ක ගසක් කපා ඉරමින් සිටි පුද්ගලයෙකු ඉරන ලද  දැව තොගය සමඟ අද (28) සැකපිට අත්අඩංගුවට ගත් බව කන්දකැටිය පොලිසිය පවසයි.
 
මෙලෙස අත්අඩංගුවට ගෙන ඇත්තේ  මීගහකිවුල අරාවපාර ප්‍රදේශයේ පදිංචි වයස අවුරුදු 30 ක පුද්ගලයෙකි.
 
පොලිස් හදිසි ඇමැතුම් අංකය (119) වෙත ලද තොරතුරක් මත කළ වැටලීමකදී සැකකරු අත්අඩංගුවට ගෙන ඇත.
 
  සැකකරු අද (28) බදුල්ල මහේස්ත්‍රාත් අධිකරණය  වෙත ඉදිරිපත් කිරීමට නියමිතය.
 
කන්දකැටිය පොලිසිය පරීක්ෂණ පවත්වයි.