(කාංචන කුමාර ආරියදාස)
සුඛෝපභෝගී මෝටර් රථයකින් යාපනයේ සිට දඹුල්ල දක්වා කේරල ගංජා ප්‍රවාහනය කරමින් සිටි පුද්ගලයකු අද(05) අත්අඩංගුවට යෑමේදී ඔහු කේරළ ගංජා කිලෝ දෙකක ප්‍රමාණයක් සමග මෝටර් රථය දමා පලා ගොස් ඇතැයි දඹුල්ල පොලිසිය කියයි.
දඹුල්ල කණ්ඩලම හන්දිය ප්‍රදේශයේදී මෝටර් රථය පරීක්ෂාවට ලක් කිරීමට යද්දී සැකකරු මෝටර් රථය දමා පලා ගොස් ඇත.
මෝටර් රථයේ සිට පැන ගිය පුද්ගලයා දඹුල්ල ප්‍රදේශයේ පදිංචිකරුවෙකු බවත් මීට පෙර ගංජා කිලෝ හයකට අධික ප්‍රමාණයක් සමඟ අත්අඩංගුවට ගෙන අධිකරණයේ මේ වනවිට නඩුවක් පවතින බවද පොලිසිය කියා සිටී.
මෙම ගංජා කිලෝවක් රුපියල් ලක්ෂ දෙකක මුදලකට තොග වශයෙන්ද සිල්ලරට රුපියල් ලක්ෂ දහයක් වශයෙන්ද අලෙවි කරන බව අනාවරණය වී ඇත.
අත්අඩංගුවට ගත් මෝටර් රථය සහ ගංජා තොගය දඹුල්ල මහේස්ත්‍රාත් අධිකරණයට ඉදිරිපත් කිරීමට නියමිතය.
සැකකරු සොයා දඹුල්ල පොලිසිය වැඩිදුර පරීක්ෂණ පවත්වයි.
