(ඉන්දික අරුණ කුමාර)
එක්සත් ජාතීක පක්ෂයේ මැති ඇමතිවරුන් පිළිබඳ ප්රශ්න කිරිමට ඒකාබද්ධයේ මන්ත‍්‍රීවරුන්ට සදාචාරාත්මක අයිතියක් නැතැයි පාර්ලිමේන්තු මන්ත‍්‍රිනී රෝහිණි විජේරත්න කවිරත්න මහත්මිය පවසයි.
අද ඇති වී තිබෙන ප‍්‍රජාතන්ත‍්‍රවාදී ප‍්‍රවාහය තුළ එක්සත් ජාතික පක්ෂයේ පිරිස් දඩයම් කිරීමේ ක‍්‍රියාවලියක කවුරුන් හෝ නිරත වන්නේනම් ඊට එරෙහිව දැඩි පියවර ගන්නා බව ද ඇය කියයි.
රවි කරුණානායක හිටපු අමාත්‍යවරයා පිළිබඳ ජනාධිපති කොමිසම ක‍්‍රියාකළ ආකාරයත් චෝදනා එල්ලවී ඇති ඒකාබද්ධයේ මන්ත‍්‍රිවරුන් සම්බන්ධයෙනුත් ක‍්‍රියාකරන ආකාරය ගැන එක්සත් ජාතික පක්ෂය දැඩි අවධානයෙන් පසුවන බව ද ඒ මහත්මිය පවසයි.
ලග්ගල ප‍්‍රාදේශිය ලේකම් කොට්ඨාශයේ පාලම් කිහිපයක වැඩ ආරම්භ කිරීමේ අවස්ථාවකට එක්වෙමින් මන්ත්‍රීවරිය අද(13) මේ බව පැවසීය.
